Esaya 65:1-25
65 “Ni pfumele ku laveteliwa hi vanhu lava va kalaka va nga kombelanga swaku ni va pfuna;Ni pfumele ku kumiwa hi vanhu lava a va nga ni laveteli.+
Ni te: ‘Hi mina lweyi, hi mina lweyi,’ na ni byela tiko leli a li nga vitani vito la mina.+
2 Ni tlakuse mavoko siku hinkwalu na ni tlakusela vanhu lava nga woma tinhloko,+Vanhu lava va fambaka ka tindlela ta ku kala ti nga li tinene,+Lava va yendlaka leswi va swi lavaka;+
3 Vanhu lava tshamelaka ku ni djohela,+Va yendla magandzelo ka majardim,+ va hisa magandzelo ya vona henhla ka switini.*
4 Va tshama xikarhi ka masirha,+Niwusiku va tshama ka tindhawu ta ku tumbela,*Va dla nyama ya tinguluve,+Swibya swa vona swi ni ntxovelo* wa minchumu ya ku kala yi nga basanga.+
5 Va li: ‘Tshama kolanu; u nga tshineli ka mina,Hikusa na kwetsima ku ku tlula.’
Va tama va ni kwatisa ku fana ni ndzilu lowu pfurhaka siku hinkwalu.
6 Phela swi tsaliwile;A ni nge miyeli,Ni ta va khatisa,+Ni ta va khatisa hi mhaka ya swidjoho swa vona
7 Ni ta va khatisa hi mhaka ya swidjoho swa vona ni swa vavhovho va vona,”+ ku hlaya Yehovha.
“Hikusa va yendle magandzelo ka tintshava,Va ni rhuketelile henhla ka maganga,+Ni ta sungula hi ku va khatisa hi mhaka ya swidjoho swa vona.”
8 Yehovha a li:
“Ku fana ni leswi vhinyu la nyuwani li humaka ka xitxatxa xa mawuvhaSe mun’wani a ku: ‘Mi nga xi txukumeti, hikusa ku ni swaswinene* ka xona,’
Ni ta yendla swoleswo ka vatirheli va mina;A ni nge va helisi hinkwavu.+
9 Yakobe a ta ni psalela n’wana*Yuda a ta ni psalela lweyi a nga ta nyikiwa tintshava ta mina;+Lava ni nga va langa va ta tshama kolanu,Vatirheli va mina va ta tshama kona.+
10 Ka vanhu va mina lava ni lavetelakaSaroni+ a ta va ndhawu ya ku lusela tinyempfuNi Nkova wa Akori+ wu ta va ndhawu leyi tihomu ti nga ta humula ka yona.
11 Kambe n’wina mi van’wani va lava nga tshika Yehovha,+Lava nga khohlwa ntshava ya mina ya ku kwetsima,+Lava lunghiselelaka meza, va lunghiselela xikwembu xa Nkateko,Ni lava tataka tikopo hi vhinyu na va swi yendlela xikwembu xa Leswi Nga Ta Humelela.
12 Kutani mi ta dlayiwa hi xipada,+Naswona hinkwenu mi ta khizama leswaku mi dlayiwa,+Hikusa ni mi vitanile kambe a mi ni hlamulanga,Ni vulavulile, kambe a mi yingisanga;+A mi tshamela ku ni djohela,Mi lange ku yendla minchumu leyi kalaka yi nga ni tsakisi.”+
13 Se Yehovha Hosi Leyikulu a li:
“Phela vatirheli va mina va ta dla, kambe n’wina mi ta va ni ndlala.+
Phela vatirheli va mina va ta nwa,+ kambe n’wina mi ta va ni torha.
Phela vatirheli va mina va ta tsaka,+ kambe n’wina mi ta dana.+
14 Phela vatirheli va mina va ta ba nkulungwani hi mhaka ya leswi timbilu ta vona ti nga tsaka,Kambe n’wina mi ta rila hi mhaka ya leswi timbilu ta n’wina ti vavaka,Funtshi mi ta rila hi mhaka ya ku hela ntamu.
15 Vito la n’wina li ta va xirhuku ka vanhu va mina,Naswona Yehovha Hosi Leyikulu a ta mi dlaya hinkwenu,Kambe a ta chula vatirheli va yena vito lin’wani;+
16 Kutani lweyi a kombelaka ku katekisiwa amisaveniA ta katekisiwa hi Xikwembu xa ntiyiso,*Kasi lweyi a fungaka misaveni,A ta funga hi Xikwembu xa ntiyiso.*+
Hikusa a va nge he swi khumbuki swikarhatu swa vona;Funtshi a ni nge he swi voni.+
17 Phela ni yendla matilo ya nyuwani ni misava ya nyuwani;+Minchumu ya khale yi ta khohlwiwa,Funtshi a yi nge he ti ka mimpimiso.+
18 Se tsakani, tsakani hi masiku ni masiku hi leswi ni swi yendlaka.
Hikusa ni ta yendla swaku vanhu va tsaka hi mhaka ya YerusalemaVanhu va yena va ta tsaka.+
19 Ni ta tsaka hi mhaka ya Yerusalema, ni tsaka hi mhaka ya vanhu va mina;+A ku nga ha ta twala swirilo kumbe nkosi ka doropa leli.”+
20 “A ku nga ha ta va ni xibebetani lexi nga ta hanya masiku ya matsongo,Kumbe munhu wa ku guga lweyi a nga ta fa na a nga se hanya malembe lawa a faneleke a hanya wona.
Hikusa munhu lweyi a faka na a ni 100 wa malembe, swi ta fana ni loko a fe na a ha li mufana,Se mudjohi a ta rhukiwa hambiloko a ni 100 wa malembe.*
21 Va ta yaka tiyindlo va tshama ka tona,+Va ta rima masimu ya mawuvha va dla mihandzu ya wona.+
22 A va nga ha ta yaka ku gama ku tshama mun’wani,A va nga ha ta rima ku gama ku dla mun’wani.
Hikusa masiku ya vanhu va mina ma ta va manyingi ku fana ni masiku ya nsinya,+Vanhu va mina lava ni nga va langa va ta tikhorisa swinene hi mintirho ya mavoko ya vona.
23 A va nge he tirhi mahala,+Kumbe va psala vana lava nga ta hlupheka,Hikusa vona ni vana va vona i vanhu lava nga katekisiwa hi Yehovha.+
24 Ni ta va hlamula na va nga se kombela ku pfuniwa;Ni ta va twa na va nga se heta ni ku vulavula.
25 Hlolwa* ni xinyempfani swi ta dla xikan’we,Nghonyama yi ta dla byanyi ku fana ni homu,+Nyoka yi ta dla wuthulu.
A swi nge he yendli swa ku biha kumbe ku wonha ka ntshava ya mina ya ku kwetsima,”+ ku hlaya Yehovha.
Tinhlamunselu ta le hansi
^ Kumbe: “matijolu.”
^ Kumbexana: “ka swiyindlwana swa vagwardu”.
^ Kumbe: “sopa la”.
^ Hi Xiheberu: “nkateko”.
^ Hi Xiheberu: “mbewu”.
^ Kumbe: “xa ku tshembeka”. Hi Xiheberu: “Amen”.
^ Kumbe: “xa ku tshembeka.” Hi Xiheberu: “Amen.”
^ Kumbexana: “Lweyi a faka na a ni 100 wa malembe a ta voniwa na a rhukiwile.”
^ Ku nga muxaka wa mbyana ya nhova.
