Esaya 48:1-22
48 Yingisani n’wina vandyangu wa Yakobo,N’wina mi tivitanaka hi vito ra Israyele,+N’wina vatukulu lava humaka* eka Yuda,N’wina lava hlambanyaka hi vito ra Yehovha,+Lava khongelaka Xikwembu xa Israyele,Hambileswi ku nga riki hi ntiyiso ni ku lulama.+
2 Hikuva va vula leswaku va huma emutini wo kwetsima,+Naswona va lava ku seketeriwa hi Xikwembu xa Israyele,+Lexi vito ra xona ku nga Yehovha wa mavuthu.
3 “I khale ndzi mi byele swilo swo sungula.
Swi hume enon’wini wa mina,Ndzi endle leswaku swi tiviwa.+
Ndzi teke goza hi xitshuketa, kutani swi endleka.+
4 Hikuva a ndzi swi tiva leswaku u ome nhloko ku fikela kwihi,Nsiha wa nkolo wa wena wu fana ni nsimbhi naswona mombo wa wena i koporo,+
5 Ndzi ku byele khale swinene.
Swi nga si endleka, ndzi endle leswaku u swi twa,Leswaku u nga tibumi u ku, ‘Swi endliwe hi xikwembu xa mina;Swi huma eka xifaniso xa mina lexi vatliweke ni xifaniso xa mina xa nsimbhi.’
6 U swi twile u tlhela u vona swilo leswi hinkwaswo.
Xana a wu nge swi huweleli?+
Ndzi ta ku byela swilo leswintshwa ku sukela sweswi,+Xihundla lexi u nga xi tiviki.
7 Swa ha ku tumbuluxiwa, a hi khale swi ri kona,Swilo leswi u nga si tshamaka u swi twa,Lerova a wu nge vuli u ku, ‘Ana se a ndzi swi tiva.’
8 A wu swi twanga,+ a wu nga swi tivi,Tindleve ta wena a ti nga si pfuleka hi nkarhi wolowo.
Hikuva ndza swi tiva leswaku a wu tshembekanga,+A wu ri mudyohi ku sukela loko u velekiwa.+
9 Kambe ndzi ta tikhoma ndzi nga hlundzuki hikwalaho ka vito ra mina;+Ndzi ta mi lehisela mbilu leswaku ndzi ta dzunisiwa,A ndzi nge ku herisi.+
10 Vona! Ndzi ku basisile, kambe ku nga ri ku fana ni silivhere.+
Ndzi ku tshike u xaniseka leswaku u ta basa, ku fana ni nsimbhi loko yi n’okisiwa exitikweni.+
11 Hakunene ndzi ta endla sweswo hikwalaho ka vito ra mina,+Xana ndzi nga pfumerisa ku yini ku rhukaniwa?+
Ku vangama ka mina a ndzi ku nyiki un’wana.*
12 Ndzi yingise, wena Yakobo na wena Israyele, loyi ndzi n’wi vitaneke.
A ndzi cincanga.+ Hi mina wo sungula; naswona ndzi wo hetelela.+
13 Masungulo ya misava ma vekiwe hi voko ra mina,+Matilo ndzi ma andlale hi voko ra mina ra xinene.+
Loko ndzi ma vitana, ma suka ma yima.
14 Hlengeletanani, hinkwenu mi yingisa.
I mani exikarhi ka vona loyi a vuleke swilo leswi?
Yehovha u n’wi rhandzile.+
U ta endla ku rhandza ka yena hi Babilona,+U ta lwa ni Vakalidiya.+
15 Mina ndzi vulavurile, ndzi tlhela ndzi n’wi vitana.+
Ndzi n’wi landzile naswona leswi a nga ta swi endla swi ta humelela.+
16 Tshinelani eka mina, mi twa leswi.
Ku sukela eku sunguleni a ndzi vulavulanga exihundleni.+
A ndzi ri kona ku sukela loko swi endleka.”
Sweswi Yehovha Hosi Leyi Tlakukeke u ndzi rhumile ni moya wa yena.
17 Yehovha, Mukutsuri wa wena, Mukwetsimi wa Israyele u ri:+
“Mina Yehovha, ndzi Xikwembu xa wena,Loyi a ku dyondziselaka ku ku pfuna,+Loyi a ku kongomisaka endleleni leyi u faneleke u famba hi yona.+
18 Loko wo yingisa swileriso swa mina!+
Ku rhula ka wena ku ta fana ni nambu+Ni ku lulama ka wena ku ta fana ni magandlati ya lwandle.+
19 Vana* va wena a va ta tala ku fana ni sava,Vatukulu va wena a va ta fana ni swiribyana swa rona.+
Vito ra vona a ri ta va kona hilaha ku nga heriki.”
20 Humani eBabilona!+
Balekelani Vakalidiya.
Va byeleni hi ku ba nkulungwana! Swi tiviseni!+
Byelani vanhu emisaveni hinkwayo.+
Vulani mi ku: “Yehovha u tlhele a xava Yakobo nandza wakwe.+
21 A va khomiwanga hi torha loko a famba na vona emananga.+
U va humesele mati eribyeni;A pandza ribye mati ma huma hi matimba.”+
22 Yehovha u ri: “Lavo homboloka a va na ku rhula.”+
Tinhlamuselo ta le hansi
^ Hi Xiheveru, “lava humaka ematini ya.”
^ Kumbe “Ku vangama ka mina a ndzi ku avelani ni un’wana.”
^ Hi Xiheveru, “Mbewu.”
