“Lavo lulama va ta tshama emisaveni, va ta hanya eka yona hilaha ku nga heriki.”

Pisalema 37:29

“Misava yi tshama hilaha ku nga heriki.”

Eklesiasta 1:4

“Rifu u ta ri mitela makumu, Yehovha Hosi leyi Tlakukeke u ta sula mihloti eswikandzeni hinkwaswo.”

Esaya 25:8

“Hi nkarhi wolowo matihlo ya lava nga voniki ma ta pfuriwa, ni tindleve ta lava nga twiki ti ta pfuriwa. Hi nkarhi wolowo loyi a lamaleke u ta tlula ku fana ni mhunti, ni ririmi ra loyi a nga vulavuliki ri ta huwelela hi ku tsaka. Hikuva ku ta pfelela mati emananga, ni swinambyana etindhawini leti nga mananga.”

Esaya 35:5, 6

“Xi ta sula mihloti hinkwayo ematihlweni ya vona, rifu a ri nge he vi kona, hambi ku ri nkosi, ku rila ni switlhavi a swi nge he vi kona. Swilo swo sungula swi hundzile.”

Nhlavutelo 21:4

 “Va ta aka tiyindlu va tshama eka tona, va ta rima masimu ya madiriva va dya mihandzu ya wona. A va nge he aki kutani ku tshama un’wana, a va nge rimi kutani ku dya un’wana. Hikuva masiku ya vanhu va mina ma ta fana ni masiku ya murhi, vanhu va mina lava ndzi va hlawuleke va ta tiphina swinene hi mitirho ya mavoko ya vona.”

Esaya 65:21, 22