Esaya 11:1-16
11 Ku ta huma xirhabyana+ exikundzwini* xa Yese,+Etimitswini ta yena ku ta huma xihluke+ lexi nga ta tswala mihandzu.
2 Moya wa Yehovha wu ta va ehenhla ka yena,+Moya wa vutlhari+ ni wa ku twisisa,Moya wa xitsundzuxo ni wa matimba,+Moya wa vutivi ni wa ku chava Yehovha.
3 Ku chava Yehovha swi ta n’wi endla a tsaka.+
A nge avanyisi hi ku ya hi leswi a swi vonaka,Kumbe a tshinya hi ku ya hi leswi a swi twaka.+
4 U ta avanyisa swisiwana hi ndlela leyinene,Naswona u ta tshinya hi vunene ku pfuna lavo rhula emisaveni.
U ta ba misava hi nhonga ya nomu wakwe+
U ta dlaya lowo homboloka hi moya lowu humaka enon’wini wakwe.+
5 Ku lulama ku ta fana ni bandhi emasengeni yakwe,Vutshembeki byi ta kota bandhi emasengeni yakwe.+
6 Mhisi yi ta tshama nkarhinyana ni xinyimpfana,+Yingwe yi ta etlela ni ximbutana,Rhole ni xinghalana ni xifuwo xo nona swi ta tshama swin’we;*+Swi ta risiwa hi xifanyetana.
7 Homu ni bere swi ta dya swin’we,Vana va swona va ta vundza swin’we.
Nghala yi ta dya byanyi kukota nkuzi.+
8 N’wana loyi a ha mamaka u ta tlangela enceleni wa xivatlankombe,Naswona n’wana loyi a lumuriweke u ta nghenisa voko ra yena enkeleni wa nyoka leyi nga ni vuxungu.
9 A swi nge vavisi munhu+Kumbe ku onha entshaveni ya mina yo kwetsima,+Hikuva misava hinkwayo yi ta tala hi ku tiva YehovhaKu fana ni mati lama funengeteke lwandle.+
10 Hi siku rero rimitsu ra Yese+ ri ta yima ri va xikombiso eka vanhu.+
Matiko ma ta ya eka yena leswaku a ma letela,+U ta tshama endhawini leyi vangamaka.
11 Hi siku rero Yehovha u ta tlhela a pfuna masalela ya vanhu vakwe lava saleke eAsiriya,+ eEgipta,+ ePatirosi,+ eKuxi,+ eElami,+ eXinara* ni le Hamati ku katsa ni le swihlaleni leswi nga elwandle.+
12 U ta vekela matiko xikombiso kutani a hlengeleta Vaisrayele lava hangalakeke,+ u ta hlengeleta vanhu va le Yuda lava hangalakeke ematlhelweni ya mune ya misava.+
13 Mavondzo ya Efrayimi ma ta hela,+Ni lava vengaka Yuda va ta herisiwa.
Efrayimi a nge he n’wi vondzoki Yuda,Naswona Yuda a nge he n’wi vengi Efrayimi.+
14 Ma ta hlasela emikoveni ya Vafilista hi le vupeladyambu;Ma ta tekela vanhu va le Vuxeni swilo swa vona.
Ma ta hlasela Edomu+ na Mowabu,+Naswona Vaamoni va ta va mahlonga ya vona.+
15 Yehovha u ta ava* lwandle ra Egipta,+A tlakusa voko rakwe ehenhla ka Nambu.*+
U ta ba swinambyana swa rona swa nkombo hi moya wakwe wo hisa,Naswona u ta endla leswaku vanhu va tsemakanya va ambale maphaxani.
16 Ku ta va ni ndlela leyikulu+ leyi humaka eAsiriya ya masalela ya vanhu vakwe lava saleke,+Ku fana ni leyi a yi tirhisiwa hi Vaisrayele loko va huma etikweni ra Egipta.
Tinhlamuselo ta le hansi
^ Kumbe “exigodweni.”
^ Kumbexana “Rhole ni xinghalana swi ta dya swin’we.”
^ Ku nga mfumo wa Babilona.
^ Kumbexana “omisa.”
^ Ku nga Yufrata.
