Esaya 35:1-10
35 Mananga ni ndhawu leyi nga riki na mati swi ta tsaka,+Ni ndhawu leyi nga mananga yi ta tsaka, yi rhumbuka kukota safroni.+
2 Yi ta rhumbuka;+Yi ta tsaka yi ba ni nkulungwana.
Yi ta saseka ku fana na Lebanoni,+Yi ta xiximeka ku fana na Karimeli+ na Saroni.+
Va ta vona ku vangama ka Yehovha, ku xiximeka ka Xikwembu xa hina.
3 Tiyisani mavoko lama nga riki na matimba,Ni matsolo lama ngundlangundlaka.+
4 Byelani lava vilelaka mi ku:
“Tiyani. Mi nga chavi.
Vonani! Xikwembu xa n’wina xi ta ta xi ta rihisela,Xikwembu xi ta xupula.+
Xi ta ta xi ta mi ponisa.”+
5 Hi nkarhi wolowo matihlo ya lava nga voniki ma ta pfuriwa,+Ni tindleve ta lava nga twiki ti ta pfuriwa.+
6 Hi nkarhi wolowo loyi a lamaleke u ta tlula ku fana ni mhunti,+Ni ririmi ra loyi a nga vulavuliki ri ta huwelela hi ku tsaka.+
Hikuva ku ta pfelela mati emananga,Ni swinambyana etindhawini leti nga mananga.
7 Misava leyi tshweke hi mumu yi ta va xidziva lexi nga ni tinhlanga,Ku ta va ni swihlovo laha a ku omile.+
Etindhawini leti timhungubye ti wiselaka eka tona+
Ku ta va ni byanyi bya rihlaza, tinhlanga ni swimilana swa papirasi.
8 Ku ta va ni ndlela leyikulu,+Ndlela leyi vitaniwaka Ndlela yo Kwetsima.
Loyi a nga basangiki a nge fambi eka yona.+
Yi vekeriwe ntsena lava nga ni mfanelo yo famba eka yona;Swiphukuphuku a swi nge fambi eka yona.
9 Kwalaho a ku nge vi na nghala,Ni swivandzana a swi nge vi kona.
A swi nge kumeki eka yona;+Ku ta famba lava kutsuriweke ntsena.+
10 Lava ponisiweke hi Yehovha va ta vuya+ kutani va ya eSiyoni va ri karhi va ba mikulungwana.+
Va ta tsaka hilaha ku nga heriki.+
Va ta tsaka swinene,Gome ni nhlomulo swi ta hela.+
