Esaya 43:1-28
43 Yehovha Mutumbuluxi wa wena u vula leswi,Eka wena Yakobo, Muvumbi wa wena Israyele+ u ri:
“U nga chavi, hikuva ndzi ku kutsurile.+
Ndzi ku vitane hi vito ra wena.
U wa mina.
2 Loko u hundza exikarhi ka mati, ndzi ta va na wena,+Ni loko u pela milambu, a yi nge ku khukhuli.+
Loko u famba endzilweni, a wu nge tshwi,Ni langavi a ri nge ku vavuli.
3 Hikuva hi mina Yehovha Xikwembu xa wena,Mukwetsimi wa Israyele, Muponisi wa wena.
Ndzi ta ku kutsula hi ku nyiketa Egipta,Etiyopiya na Seba eka valala va wena.
4 Hikuva u wa nkoka swinene eka mina,+Wa xiximeka naswona ndzi ku rhandzile.+
Kutani ndzi ta nyikela hi vanhu ni matikoLeswaku ndzi ponisa vutomi bya wena.
5 U nga chavi, hikuva ndzi na wena.+
Ndzi ta landza vana* va wena lava nga evuxeniNdzi va hlengeleta ku suka evupeladyambu.+
6 Ndzi ta byela n’walungu ndzi ku, ‘Va vuyise!’+
Ndzi byela dzonga ndzi ku, ‘U nga va khomeleli.
Vuyisa vana va mina va majaha lava sukaka ekule ni vana va mina va vanhwanyana lava sukaka ekule swinene,+
7 Un’wana ni un’wana la vitaniwaka hi vito ra mina+
Loyi ndzi n’wi tumbuluxeke leswaku ndzi ta dzunisiwa,Loyi ndzi n’wi vumbeke ni ku n’wi endla.’+
8 Humesa vanhu lava nga voniki hambileswi va nga ni matihlo,Ni lava nga twiki hambileswi va nga ni tindleve.+
9 Matiko hinkwawo a ma hlengeletane endhawini yin’we,Ni vanhu va matiko a va hlengeletiwe.+
I mani exikarhi ka swikwembu swa vona* a nga vulaka leswi?
Kumbe xana swi nga hi byela swilo swo sungula?*+
A swi tiyimeleli, a swi humese timbhoni ta swona,Leswaku ti ta swi twa kutani ti ku, ‘I ntiyiso!’ ”+
10 “N’wina mi timbhoni ta mina,”+ ku vula Yehovha,“Malandza ya mina lawa ndzi tihlawuleleke wona,+Leswaku mi ta tiva kutani mi va ni ripfumelo eka mina,Mi tlhela mi twisisa leswaku A ndzi cincanga.+
Emahlweni ka mina a ku nga ri na Xikwembu lexi vumbiweke,Naswona endzhaku ka mina a xi vanga kona xin’wana.+
11 Mina hi mina Yehovha,+ handle ka mina ku hava muponisi.”+
12 “Hi mina Loyi a nga huwelela ni ku ponisa ni ku tivisa,Hi nkarhi lowu a ku nga ri na xikwembu xa matiko exikarhi ka n’wina.+
Hikwalaho mi timbhoni ta mina,” ku vula Yehovha, “mina ndzi Xikwembu.+
13 Naswona, A ndzi cincacinci;+A nga kona loyi a nga wutlaka swo karhi evokweni ra mina.+
Loko ndzi teka goza, i mani la nga sivelaka voko ra mina?”+
14 Yehovha Mukutsuri+ wa n’wina, Mukwetsimi wa Israyele+ u ri:
“Ndzi ta rhumela vanhu eBabilona hikwalaho ka n’wina leswaku va ya wisa tigede hinkwato,+Kutani Vakalidiya va ta rila swinene eswikepeni swa vona.+
15 Hi mina Yehovha, Mukwetsimi wa n’wina,+ Mutumbuluxi wa Israyele,+ Hosi ya n’wina.”+
16 Leswi hi leswi vuriwaka hi Yehovha,Loyi a pfulaka ndlela exikarhi ka lwandleNi ndlela exikarhi ka mati lama hobomulanaka,+
17 Loyi a humesaka kalichi ya nyimpi ni hanci,+Vuthu ra nyimpi ni tinhenha u ri:
“Va ta etlela, a va nge he pfuki.+
Va ta timiwa ku fana ni ntambhu ya rivoni.”
18 “Mi nga tsundzuki swilo swa khale,Naswona mi nga khomeleli etimhakeni ta khale.
19 Vonani! Ndzi endla swilo leswintshwa;+Ni sweswi swi le ku humeleleni.
Xana a mi swi voni?
Ndzi ta pfula ndlela exikarhi ka mananga+
Ndzi ta endla milambu yi khuluka etikweni leri omeke.+
20 Swivandzana swi ta ndzi xixima,Timhungubye ni tinca,Hikuva ndzi endla leswaku ku va ni mati emananga,Milambu etikweni leri omeke,+Leswaku vanhu va mina, lava ndzi va hlawuleke+ va ta nwa,
21 Vanhu lava ndzi tivumbeleke vonaLeswaku va ta ndzi dzunisa.+
22 Kambe a wu ndzi vitananga, wena Yakobo,+Hikuva u karhele hi mina, wena Israyele.+
23 A wu ndzi tiselanga tinyimpfu to endla magandzelo yo hisiwa,Kumbe u ndzi dzunisa hi magandzelo ya wena.
A ndzi ku sindzisanga leswaku u ndzi nyika nyiko,A ndzi ku karharisanga hi ku tshamela ku londza murhi wa risuna.+
24 A wu ndzi xavelanga rihlanga ro nun’hwela hi mali ya wena,Naswona a wu ndzi enerisanga hi mafurha ya swifuwo leswi a wu endla magandzelo ha swona.+
Ku ri na sweswo u ndzi tikiserile hi swidyoho swa wenaU ndzi karharisa hi swidyoho swa wena.+
25 Hi mina ndzi sulaka swidyoho swa wena,+ hikwalaho ka vito ra mina,+Naswona a ndzi nge he swi tsundzuki swidyoho swa wena.+
26 Ndzi tsundzuxe; a hi vulavule timhaka ta hina;Hlamusela mhaka ya wena hi ta vona loko u tiyisile.
27 Kokwa wa wena wo sungula u dyohile,Ni vavulavuleri* va wena va ndzi pfukerile.+
28 Hikwalaho ndzi ta nyamisa tihosana leti tirhaka endhawini yo kwetsima,Ndzi ta herisa Yakobo,Ndzi ta tshika Israyele a rhukaniwa.+
Tinhlamuselo ta le hansi
^ Hi Xiheveru, “mbewu.”
^ Swi nga endleka ku vulavuriwa hi swilo leswi nga ta rhanga swi endleka enkarhini lowu taka.
^ Hi Xiheveru, “exikarhi ka vona.”
^ Swi nga endleka ku vulavuriwa hi lava dyondzisaka Nawu.
