Bahebrayo 5:1-14
5 Nkaambo mupaizi mupati uuli woonse uubwezyegwa akati kabantu usalilwa kubeleka mulimo wa Leza wakubagwasya,+ ikutegwa katuula zipego azipaizyo akaambo kazibi.+
2 Ulakonzya kubafwida lubomba bantu batazyi ibalubizya mbwaanga awalo mwini ulapenga akubula nguzu kwakwe,
3 alimwi akaambo kaceeci weelede kutuulila zibi zyakwe mwini mbubonya mbwacitila zyabantu.+
4 Kunyina muntu uulipa bulemu oobu mwini pe, pele ulapegwa lilikke naitwa a Leza, mbubonya awalo Aroni mbwaakaitwa.+
5 Mbubonya buyo, Kristo awalo tanaakalipa bulemu+ kwiinda mukulibikka kuba mupaizi mupati, pele wakapegwa bulemu ayooyo iwakamwaambila kuti: “Yebo uli mwanaangu; sunu mebo ndaba bauso.”+
6 Alimwi kubusena bumbi waamba kuti, “Yebo uli mupaizi lyoonse mane kukabe kutamani mbubonya mbuli Melekizedeki.”+
7 Naakali kupona anyika Kristo wakapaila mipailo yakukombelezya akulomba kuli yooyo iwakali kukonzya kumufwutula kulufwu, kacita boobo cakulila kapati akuzwa misozi,+ eelyo wakamvwugwa nkaambo wakali kuyoowa Leza.
8 Nokuba kuti wakali mwana, wakaiya kumvwida kuzwa kuzintu nzyaakapenga.+
9 Mpoonya naakalondolwa,+ wakapegwa mukuli wakupa lufwutuko lutamani kuli baabo boonse bamumvwida,+
10 nkaambo Leza mwini nguwamubikka kuba mupaizi mupati mbubonya mbuli Melekizedeki.+
11 Tujisi makani manji aakwaamba kujatikizya nguwe, alimwi nciyumu kwaapandulula nkaambo mulaakazilukwa mukumvwa kwanu.
12 Nkaambo nokuba kuti lino* mwaleelede kuba bamayi, muciyandika muntu wakumuyiisya buya alimwi kuzwa kumatalikilo kwini injiisyo zyantalisyo+ zijatikizya makani aasetekene aa Leza, alimwi mwapilukila musyule akuba bantu bayandika mukupa, ikutali cakulya ciyumu pe.
13 Nkaambo muntu woonse uuzumanana kunywa mukupa talizyi pe ijwi lyabululami, nkaambo mwana musyoonto.+
14 Pele cakulya ciyumu ncabantu basimide, aabo ibalaamaano aayiisyidwe kwaandaanya ciluzi acitaluzi kwiinda mukwaabelesya.
Bupanduluzi buyungizyidwe
^ Mu Chigiriki, “akaambo kaciindi.”
