Sena Mulakasya Mafilimu, Mabbuku, naa Nyimbo Zimwi?
Peepe. Mbunga yesu tailangi-langi mafilimu, mabbuku, naa nyimbo zimwi kutegwa ibikke milawo iikasya bantu bamumbunga zyintu eezyo. Nkaambo nzi ncoitacitili boobo?
Bbaibbele likulwaizya muntu umwi aumwi kuba “amaano” aayiisyidwe kutegwa kaandaanya ciluzi acitaluzi.—Bahebulayo 5:14.
Magwalo alaamba njiisyo nzyakonzya kutobela Munakristo ciindi nasala zyintu zyakulikondelezya. a Mbubwenya mbocibede mumbazu zyoonse zyabuumi, makanze eesu ‘ngakusinizya naa ncotucita cilatambulika ku Mwami.’—Baefeso 5:10.
Bbaibbele liyiisya kuti aabo bali njemitwe yamikwasyi balilijisi nguzu, aboobo balakonzya kukasya zyakulikondelezya zimwi kubanamukwasyi wabo. (1 Bakolinto 11:3; Baefeso 6:1-4) Kunze lyamumukwasyi, kunyina uuzumizyidwe kubikka milawo yakukasya Bakamboni bamwi kujatikizya mafilimu, nyimbo, naa baimbi.—Bagalatiya 6:5.
a Mucikozyanyo, Bbaibbele lilakasya kucita zyintu zili zyoonse zisumpula kukomba mizimo, bwaamu, naa kulwana.—Deuteronomo 18:10-13; Baefeso 5:3; Bakolose 3:8.
Andiza Inga Mwaakkomanina Ayaaya
BAKUBUSI BALABUZYA
Sena Kunyina Mbocibede Kuswiilila Nyimbo Zili Zyoonse?
Mbwaanga nyimbo zilaanguzu, amwiiye mbomukonzya kusala kabotu nyimbo nzyomuswiilila.
TUMAVIDIYO ITUTONDEZYA ZYAKUDULOWIŊA ABBOODI
Sena Mavidiyo Geemu Amupa Kuzwidilila Ncobeni?
Kusobana mavidiyo geemu kulakonzya kukkomanisya, pele alimwi kuleetelela. Ino inga mwazyeeleba buti ntenda mpoonya akuzwidilila ncobeni?
NJIISYO ZYAMU BBAIBBELE
Amulembe Foomu Kuti Kamuyanda Kwiiya
Amwiiye Bbaibbele amwiiyi kakunyina kubbadela.