“Ko te Atua . . . ka holoi kehe e ia nā loimata uma mai o lātou mata. Ka hē toe i ei he oti, ka hē toe i ei he fakanoanoa pe he tagi pe he tīgā. Ko nā mea tuai kua mou kehe atu.”​—Fakaaliga 21:3, 4, Ko Te Feagaiga Fou.

Ko he galuega uigā ma te fakalotomalie.​—Ihaia 65:21-23.

Ka hē toe i ei te tauale ma hō he puapuagā.​—Ihaia 25:8; 33:24.

Ko he olaga fiafia fakatahi ai ma kaiga ma uō e fakavavau.​—Halamo 37:11, 29.

Io, e lua ia mafuaga:

• E fakataunuku e te Atua nā folafolaga. I te Tuhi Paia, e na ko Ieova e takua ko “te Atua Hilihilikehe te Mālohi,” auā e hē gata tona malohi. (Fakaaliga 15:3) Ko ia lava te ia mafai oi tauhi tana folafolaga ke matuā huia to tatou lalolagi ki te lelei. E lea mai te Tuhi Paia, “e mafai ia mea uma e te Atua.”​—Mataio 19:26.

• E finagalo te Atua ke fakataunuku ana folafolaga. Mo he fakatakitakiga, e fofou lele ke toe fakafoki mai nā tino kua feoti.​—Iopu 14:14, 15.

  E lea mai te Tuhi Paia ko te Ataliki o te Atua, ko Iehu, na fakamālōlō e ia nā tauale. Aiheā? Auā na loto ki ei. (Maleko 1:40, 41) Na fakaata katoatoa e Iehu nā uiga o tona Tamana i te fehoahoani atu ki iētahi tino.​—Ioane 14:9.

  E mautinoa ko Ieova ma Iehu e fia fehoahoani ke maua he tatou lumanaki fiafia!—Halamo 72:12-14; 145:16; 2 Petelu 3:9.