Iopu 14:1-22
14 “O le tagata ua fanau mai i le fafine,Ua puupuu ona aso+ ma ua tumu i faafitauli.*+
2 E tupu aʻe o ia e pei o le fuga ma oo ina mamae;*+E sola ese foʻi o ia e pei o le ata lafoia, ma e mou atu.+
3 E moni, ua silasila mai ou fofoga iā te ia,Ma ua e aumaia o ia* ina ia faamasinoina faatasi ma oe.+
4 O ai na te mafaia ona fanau mai se tagata mamā mai i se tagata e lē mamā?+
E lē mafai e se tasi!
5 Afai e puupuu le ola o se tagata,Ua iā te oe la le aofaʻiga o ona masina;Ua e tuuina le tapulaa mo ia ina ia lē sopo‘ia e ia.+
6 Ia e silasila ese mai iā te ia ina ia mālōlō ai o ia,Se‘ia oo ina māe‘a lana galuega o le aso e pei o le tagata faigaluega.+
7 Auā e oo lava i le laau e iai lona faamoemoe.
Pe a tuu i lalo, ona toe tātupu mai lea,Ma e tutupu mai pea ona tamaʻi lālā.
8 Pe a afu ona aa i le eleeleMa mate lona pogati i le palapala,
9 Ae i le susū o le vai, e toe tātupu mai ai;Ma e tutupu mai ai lālā e pei o se laau fou.
10 Ae e oti le tagata, ma ua leai sona malosi;Pe a tō le mānava a le tagata, o fea o iai o ia?+
11 E mou atu vai mai i le sami,E alu ese foʻi le vai mai i le vaitafe ma ua mātūtū ai.
12 E taoto foʻi le tagata ma e lē toe tulaʻi.+
E latou te lē toe feala mai seʻia mavae atu le lagi,E lē toe fafagua foʻi i latou mai i la latou moe.+
13 E! ia e natia aʻu i le Tuugamau,*+Ia e faaliloina ai aʻu seʻia mavae atu lou toʻasā,Ma ia e atofaina mai se taimi mo aʻu ma manatua mai ai aʻu!+
14 Pe a oti le tagata, pe e toe ola mai ea o ia?+
Ou te faatali i aso uma o laʻu galuega mamafaSeʻia oo ina tuusaʻoloto aʻu.+
15 E te valaau mai, ona ou tali atu ai lea iā te oe.+
E te matuā naunau i le galuega a ou aao.
16 Ae ua e faitauina pea nei oʻu laasaga uma;Ua e vaavaai tau lava o laʻu agasala.
17 Ua e faamauina laʻu solitulafono i se taga,Ma ua e faapipii i loʻu sesē.
18 A o paʻū le mauga ma ua soloMa aveesea le papa mai i le mea sa iai,
19 A o tafiesea e le vai maaMa tafiesea e ona tafega le palapala o le eleele,Ua e faaumatia fo‘i le faamoemoe o le tagata.
20 E te manumalo pea iā te ia se‘ia mavae atu o ia;+E te suia ona foliga, ma e te auina ese atu o ia.
21 Ua faamamaluina ona atalii, ae e lē iloa e ia;Ua faamaulaloina i latou, ae e lē mātauina e ia.+
22 E na o le taimi e ola ai o ia e tigā ai lona tino;E na o le taimi e ola ai o ia e faavauvau ai lona loto.”
Faamatalaga Pito i Lalo
^ Po o le “tumu i le atuatuvale.”
^ Pe atonu “ma e salaeseina.”
^ Epe., “aʻu.”
^ Po o “Seoli.” Tagaʻi i le Uiga o Upu.
