“ሕጉሳትሲ እቶም ቃል ኣምላኽ ዚሰምዑን ዚሕልዉን ደኣ እዮም!”​—ሉቃስ 11:28፡ ትርጉም ሓዳስ ዓለም።

ናይ ሓቂ ፍቕሪ ትረክብ።​—ኤፌሶን 5:28, 29።

ልባዊ ኣኽብሮት ይህልወካ።​—ኤፌሶን 5:33።

ናይ ሓቂ ሓድነት ይህልወካ።​—ማርቆስ 10:6-9።

እወ ንኽእል ኢና፣ እንተ ወሓደ ብኽልተ ምኽንያት።

• መስራቲ ስድራ ቤት ኣምላኽ እዩ። መጽሓፍ ቅዱስ፡ “ኵሉ ዓሌት” ወይ ስድራ ቤት፡ ‘ካብ የሆዋ ኣምላኽ ከም ዚስመ’ እዩ ዚገልጽ። (ኤፌሶን 3:14, 15) ብኻልእ ኣበሃህላ፡ ስድራ ቤት ኪህሉ ዝኸኣለ፡ ኣምላኽ ስለ ዝፈጠሮ እዩ። እዚ ኣገዳሲ ዝዀነ ስለምንታይ እዩ፧

  ነዚ ዚስዕብ እሞ ሕሰበሉ፦ ጥዑም ምግቢ ትበልዕ እንተ ኣሊኻ፡ እቲ ምግቢ ኻብ ምንታይ ከም እተሰርሐ ድማ ክትፈልጥ እንተ ደሊኻ፡ ንመን ኢኻ እትሓትቶ፧ ነቲ ዝሰርሖ ሰብ ኢኻ እትሓትቶ።

  ብተመሳሳሊ፡ መፍትሕ ሓጐስ ስድራ ቤት እንታይ ምዃኑ ኽንፈልጥ እንተ ደሊና፡ ነቲ መስራቲ ስድራ ቤት ዝዀነ የሆዋ ኢና ኽንሓትቶ ዘሎና።—ዘፍጥረት 2:18-24።

• ኣምላኽ ይሓልየልካ እዩ። ስድራ ቤታት ነቲ የሆዋ ብቓሉ ኣቢሉ ዚህቦ ምኽሪ ኺስዕባኦ ኣለወን። ስለምንታይ፧ ምኽንያቱ፡ ‘ንሱ ይሓልየልና እዩ።’ (1 ጴጥሮስ 5:6, 7) የሆዋ ጽቡቕና እዩ ዚደሊ፣ ምኽሩ ኸኣ ወትሩ ግብራዊ እዩ።—ምሳሌ 3:5, 6፣ ኢሳይያስ 48:17, 18።