Yini Leyenta Kutsi BoFakazi BaJehova Bangawagubhi Ema-Easter?
Imibono leliphutsa levamile
Lokuliphutsa: Sizatfu lesenta boFakazi BaJehova bangawagubhi ema-Easter kutsi bona abasiwo emaKhristu.
Liciniso: Sikholelwa kutsi Jesu Khristu unguMsindzisi wetfu, futsi senta konkhe lokusemandleni etfu kuze ‘silandzele tinyatselo takhe.’—1 Phetro 2:21; Lukha 2:11.
Lokuliphutsa: Anikholelwa kutsi Jesu wavuswa.
Liciniso: Siyakholelwa kutsi Jesu wavuswa; siyacaphela kutsi loko kungumgogodla wekukholwa kwemaKhristu futsi siyakugcizelela nasishumayela.—1 Khorinte 15:3, 4, 12-15.
Lokuliphutsa: Aninendzaba nekutsi bantfwabenu abayitfoli injabulo yekugubha liholidi lema-Easter.
Liciniso: Siyabatsandza bantfwabetfu—senta konkhe lokusemandleni etfu kute sibaceceshe futsi sibasite.—Thithusi 2:4.
Yini leyenta kutsi boFakazi BaJehova bangawagubhi ema-Easter?
Kugubha liholidi lema-Easter akukasekelwa eBhayibhelini.
Jesu watsi kufanele sikhumbule kufa kwakhe, hhayi kuvuswa kwakhe. Siba neSikhumbuto njalo ngemnyaka ngelilanga lafa ngalo ngekuhambisana nekhalenda lebeyisetjentiswa ngetikhatsi tekubhalwa kweliBhayibheli.—Lukha 22:19, 20.
Sikholelwa kutsi umsuka wema-Easter lovela emasikweni asendvulo lamayelana nentalo, wenta kutsi Nkulunkulu angalemukeli leliholidi. Nkulunkulu ufuna kutsi ‘sitinikele kuye kuphela,’ futsi uva buhlungu nangabe simkhonta sisebentisa tindlela langatemukeli.—Eksodusi 20:5, NW; 1 Emakhosi 18:21.
Sikholelwa kutsi sincumo setfu sekungawagubhi ema-Easter sisekelwe eBhayibhelini. Lona lisikhutsata kutsi sisebentise ‘kuhlakanipha nekuzitsa’ kunekutsi simane silandzele emasiko ebantfu. (Taga 3:21; Matewu 15:3) Nangabe labanye bantfu basibuta, siyabatjela ngaloko lesikukholelwako mayelana nema-Easter. Nobe kunjalo, siyalihlonipha lilungelo umuntfu lanalo lekutentela sincumo kulendzaba.—1 Phetro 3:15.
Lokunye Longatsandza Kukuhlola
TIMPHENDVULO TEMIBUTO LEMAYELANA NELIBHAYIBHELI
Litsini LiBhayibheli Ngema-Easter?
Fundza ngemsuka wetintfo letisihlanu letentiwa ngemaholide ema-Easter.
IMIBUTO BANTFU LABAVAMISE KUYIBUTA
BoFakazi BaJehova Bayakholelwa Yini kuJesu?
Cabanga ngekubaluleka kwekutsi emaKhristu eliciniso akholelwe kuJesu.
IMIBUTO BANTFU LABAVAMISE KUYIBUTA
BoFakazi BaJehova BangemaKhristu Yini?
Sicela ucabange ngalokusenta sehluke kuletinye tinkholo.
MAYELANA NATSI
Kungani Kufanele Utadishe LiBhayibheli?
LiBhayibheli lisita tigidzi tebantfu emhlabeni wonkhe kutsi titfole timphendvulo temibuto lebalulekile. Ungatsandza yini nawe kwati leto timphendvulo?
MAYELANA NATSI
Cela Kuvakashelwa
Coca ngembuto lomayelana neliBhayibheli nobe ufundze lokunyenti ngaBoFakazi BaJehova.