Meqë është Krijuesi ynë, Perëndia e di cila është mënyra më e mirë si duhet të jetojmë. Ai na fton të ndjekim drejtimin e tij, sepse kjo është për dobinë tonë. Kur u bindemi urdhërimeve të Perëndisë, nuk kemi pse të dyshojmë nëse zgjedhjet tona do të dalin për mirë. Do të jemi gjithnjë të sigurt se kemi bërë zgjedhjen e duhur, atë që na sjell paqe e lumturi në jetë.

 Të jetojmë sipas standardeve morale të Perëndisë, mund të kërkojë të ndryshojmë mënyrën si mendojmë dhe veprojmë. Por nuk është se Jehovai po kërkon tepër nga ne. Në fund të fundit, ai është Krijuesi ynë dhe e di çfarë potenciali kemi. Dhe, sa më shumë ta njohim Jehovain, do të kuptojmë se «urdhërimet e tij nuk janë të rënda».—1 Gjonit 5:3.

Përderisa kemi ndihmën e Perëndisë, nuk është e pamundur të jetojmë sipas normave morale të tij. Ai na ndihmon nëpërmjet Fjalës së tij, Biblës, e cila na jep inkurajim e shpresë.

Miliona njerëz përreth botës kanë parë se, duke jetuar sipas normave të Biblës, u është përmirësuar jeta. Pse të mos mësosh më shumë çfarë këshillash të mençura ka Bibla për ty? Mund të fillosh duke shqyrtuar broshurën Gëzoje jetën përgjithmonë që disponohet falas në jw.org. Ajo përmban këto mësime:

• Si mund të të ndihmojë Bibla?

• Bibla jep shpresë

• A mund t’i besosh Biblës?

Ndërsa analizon Fjalën e Perëndisë, Biblën, do të zbulosh se nuk i ka ikur koha; ajo është «përherë [e] besueshme, tani e përgjithmonë». (Psalmi 111:8) Kur ndjekim standardet morale të Biblës, kemi zgjedhur mënyrën më të mirë si ta jetojmë jetën. Gjithsesi, Perëndia nuk na detyron që të veprojmë kështu. (Ligji i përtërirë 30:19, 20; Josiu 24:15) Është një zgjedhje që secili prej nesh duhet ta bëjë.