ලූක් 3:1-38
3 එය ටයිබීරියස් සීසර්ගේ පාලන සමයෙහි පහළොස්වෙනි අවුරුද්දයි. ඒ වන විට යුදයෙහි ආණ්ඩුකාරයා වූයේ පොන්තියුස් පිලාත්ය. ගලීලයේ දේශාධිපති ලෙස කටයුතු කළේ හෙරොද්ය.+ ඔහුගේ සහෝදරයා වූ ෆිලිප් ඉතුරය ප්‍රදේශයෙහි සහ ට්‍රකොනීටස්හි දේශාධිපති වශයෙන් කටයුතු කළේය. අබිලේනියෙහි දේශාධිපති වූයේ ලිසානියස්ය.
2 ප්‍රකට පූජකයන් ලෙස සිටියේ කායෆස් සහ නායක පූජක වූ අන්නස්ය.+ ඒ කාලයේදී පාළුකරයේ සිටි+ සෙකරියාගේ පුත් යොහන්ට දෙවිගෙන් පණිවිඩයක් ලැබිණ.+
3 ඔහු යොර්දාන් ගඟ අවට පිහිටි මුළු ප්‍රදේශය පුරා සංචාරය කරමින් ජනතාවට දේශනා කළේය. ඔහු ඔවුන්ට පැවසුවේ පව්වලට සමාව ලබාගැනීම සඳහා තම පසුතැවිල්ල සංකේතවත් කරමින් බව්තීස්ම විය යුතු බවය.+
4 අනාගතවක්තෘ යෙසායාගේ ලියවිල්ලෙහි සඳහන් වචන ඔහු මගින් එලෙස ඉටු විය. එහි සඳහන් වූයේ මෙයයි. “සවන් දෙන්න! ‘ජනයෙනි, යෙහෝවා දෙවිගේ මඟ එළි පෙහෙළි කර සූදානම් කරන්න! ඔහුගේ මාවත් සමතලා කරන්න’+ කියා යමෙක් පාළුකරයේ හඬ නඟන්නේය.
5 සෑම නිම්නයක්ම පස්වලින් පිරවිය යුතුයි. සියලුම කඳු හා හෙල්ද සමතලා කළ යුතුයි. වංගු සහිත මාර්ග කෙළින් කර රළු බිම් සමතලා තැන් බවට පත් කළ යුතුයි.+
6 දෙවි ගැලවීම සලසා දෙන ආකාරයද සියලුදෙනා දකින්නෝය.’”+
7 විශාල පිරිසක් බව්තීස්ම වීම සඳහා ඔහු ළඟට පැමිණියෝය. එහෙයින් ඔහු ඔවුන්ට මෙසේ පැවසුවේය. “පොළොඟුන්ගෙන් පැවතෙන්නෙනි.+ දෙවිගේ උදහසින් පලා යන්න අවශ්‍යයි කියා ඔබට පෙන්වා දුන්නේ කවුද?+
8 ඔබ ඇත්තටම පසුතැවිලි වී ඇති බව ඔබේ ක්‍රියාවලින් ඔප්පු කර පෙන්වන්න.+ ‘අපේ පියා ආබ්‍රහම්’ කියා පැවසුවත් එය ඔබට වාසියක් කියා සිතන්න එපා. දෙවිට අවශ්‍ය නම් මේ ගල්වලින් වුණත් ආබ්‍රහම්ට දරුවන් ලබා දෙන්න ඔහුට බලය තිබෙනවා.
9 ගහ කපා දැමීමට සියලුම කටයුතු සූදානම්. දැනටමත් පොරොවක් එහි මුල ළඟ තබා තිබෙනවා. හොඳ පල නොදරන සෑම ගසක්ම කපා ගින්නෙහි දමනු ලබනවා.”+
10 ඔහු වෙතට පැමිණි සමූහයා, “අප කළ යුත්තේ කුමක්ද”+ කියා ඔහුගෙන් ඇසුවෝය.
11 ඔහු ඔවුන්ට පිළිතුරු දුන්නේ මෙසේයි. “කෙනෙකුට ඇතුල් වස්ත්‍ර දෙකක් ඇත්නම් ඒ වැඩිපුර එක නැති කෙනෙකුට දිය හැකියි. කෑම ඇති තැනැත්තාටත් ඒ අයුරින්ම කළ හැකියි.”+
12 බදු එකතු කරන්නෝ පවා බව්තීස්ම වීමට පැමිණ, “ගුරුතුමනි, අප කළ යුත්තේ කුමක්ද”+ කියා ඔහුගෙන් ඇසූහ.
13 ඔහු පිළිතුරු දුන්නේ මෙසේයි. “නියමිත බද්ද පමණක් එකතු කරන්න. වැඩිපුර අය කරන්න එපා.”+
14 හමුදා සේවයේ යෙදී සිටි අයද, “අප කළ යුත්තේ කුමක්ද” කියා ඔහුගෙන් ඇසුවෝය. එවිට ඔහු ඔවුන්ට පැවසුවේ මෙයයි. “කාටවත් හිරිහැර කරන්න එපා. කිසි කෙනෙකුට විරුද්ධව බොරු චෝදනා එල්ල කරන්නත් එපා.+ ඔබට ලැබෙන දෙයින් සෑහීමට පත් වී සිටින්න.”+
15 ජනතාව ක්‍රිස්තුස්ගේ පැමිණීම ගැන අපේක්ෂාවෙන් සිටි නිසා ඔවුහු යොහන් ගැන කල්පනා කරමින්, “මොහු ක්‍රිස්තුස් වෙන්න බැරිද”+ කියා තර්ක කළෝය.
16 නමුත් යොහන් සියලුදෙනාටම මෙසේ පිළිතුරු දුන්නේය. “මම ඔබව බව්තීස්ම කරන්නේ වතුරෙන්. නමුත් මට වඩා බලවත් කෙනෙක් පැමිණෙනවා. ඔහුගේ පාවහන්වල පටි ලිහා දමන්නවත් මම වටින කෙනෙක් නොවෙයි.+ ඒ තැනැත්තා ඔබව බව්තීස්ම කරන්නේ දෙවිගේ බලයෙන් හා ගින්නෙනුයි.+
17 දැනුත් ධාන්‍ය පොළන කුල්ලක් ඔහුගේ අතේ තිබෙනවා. ඔහු තමන්ගේ කමත හොඳින් පිරිසිදු කර ගබඩාවට තිරිඟු රැස් කරයි.+ නමුත් කිසිවෙකුට නිවිය නොහැකි ගින්නකින් ඔහු දහයියා+ සියල්ල දවා දමයි.”+
18 ජනතාවට වෙනත් ආකාරවලින්ද බොහෝ අවවාද දුන් ඔහු ඔවුන්ට ශුභාරංචිය දිගටම දේශනා කළේය.
19 මේ අතර යොහන් දේශාධිපති වූ හෙරොද්ටද යම් අවවාද දුන්නේය. ඔහු එසේ කළේ හෙරොද් තම සහෝදරයාගේ බිරිඳ වූ හෙරෝදියස් සම්බන්ධයෙන් කර තිබුණු දේ සහ ඔහුගේ වෙනත් දුෂ්ට ක්‍රියා නිසාය.+
20 පසුව හෙරොද් තමන් කළ සියලු දුෂ්ට ක්‍රියාවලට අමතරව යොහන්ව සිරගෙයි දැමීමටද පියවර ගත්තේය.+
21 සියලුදෙනාම බව්තීස්ම වූ අවස්ථාවේදී යේසුස්ද+ ඇවිත් බව්තීස්ම වුණේය. ඒ අවස්ථාවේදී ඔහු යාච්ඤා කරමින් සිටි විට අහස විවර විය.+
22 දෙවිගේ බලය පරෙවියෙකුගේ ස්වරූපයෙන් ඔහු පිට බැස ආවේය. එවිට “මාගේ ප්‍රේමණීය පුත්‍රයා ඔබයි. මම ඔබව අනුමත කළෙමි”+ කියා පවසන හඬක්ද ස්වර්ගයෙන් නික්මුණේය.
23 යේසුස් තම සේවය පටන්ගත් විට+ ඔහුගේ වයස අවුරුදු තිහක් පමණ විය.+ සියලුදෙනා පිළිගෙන සිටියේ ඔහුගේ පියා+ යෝසෙප්+ කියාය.යෝසෙප්ගේ පියාහේලිය.
24 හේලිගේ පියා මතට්ය.මතට්ගේ පියා ලෙවීය.ලෙවීගේ පියා මෙල්කිය.මෙල්කිගේ පියා යනයිය.යනයිගේ පියා යෝසෙප්ය.
25 යෝසෙප්ගේ පියා මටතියස්ය.මටතියස්ගේ පියා ආමොස්ය.ආමොස්ගේ පියා නාහුම්ය.නාහුම්ගේ පියා එස්ලිය.එස්ලිගේ පියා නග්ගයිය.
26 නග්ගයිගේ පියා මායත්ය.මායත්ගේ පියා මටතියස්ය.මටතියස්ගේ පියා සෙමියන්ය.සෙමියන්ගේ පියා යෝසෙක්ය.යෝසෙක්ගේ පියා යෝදාය.
27 යෝදාගේ පියා යොවානන්ය.යොවානන්ගේ පියා රේසාය.රේසාගේ පියා සෙරුබාබෙල්ය.+සෙරුබාබෙල්ගේ පියා ෂෙයල්ටියල්ය.+ෂෙයල්ටියල්ගේ පියා නේරිය.
28 නේරිගේ පියා මෙල්කිය.මෙල්කිගේ පියා අද්දිය.අද්දිගේ පියා කෝසම්ය.කෝසම්ගේ පියා එල්මාදම්ය.එල්මාදම්ගේ පියා ඒර්ය.
29 ඒර්ගේ පියා යේසුස්ය.යේසුස්ගේ පියා එලියේසර්ය.එලියේසර්ගේ පියා යෝරිම්ය.යෝරිම්ගේ පියා මතට්ය.මතට්ගේ පියා ලෙවීය.
30 ලෙවීගේ පියා සිමියොන්ය.සිමියොන්ගේ පියා යූදස්ය.යූදස්ගේ පියා යෝසෙප්ය.යෝසෙප්ගේ පියා යෝනාම්ය.යෝනාම්ගේ පියා එලියාකිම්ය.
31 එලියාකිම්ගේ පියා මේලියාය.මේලියාගේ පියා මෙන්නාය.මෙන්නාගේ පියා මත්තතාය.මත්තතාගේ පියා නාතන්ය.+නාතන්ගේ පියා දාවිත්ය.+
32 දාවිත්ගේ පියා යෙස්සේය.+යෙස්සේගේ පියා ඕබෙද්ය.+ඕබෙද්ගේ පියා බෝවස්ය.+බෝවස්ගේ පියා සල්මොන්ය.+සල්මොන්ගේ පියා නාෂොන්ය.+
33 නාෂොන්ගේ පියා අමිනදාබ්ය.+අමිනදාබ්ගේ පියා ආනීය.+ආනීගේ පියා හෙස්‍රොන්ය.+හෙස්‍රොන්ගේ පියා පේරෙස්ය.+පේරෙස්ගේ පියා යූදාය.+
34 යූදාගේ පියා යාකොබ්ය.+යාකොබ්ගේ පියා ඊසාක්ය.+ඊසාක්ගේ පියා ආබ්‍රහම්ය.+ආබ්‍රහම්ගේ පියා ටේරාය.+ටේරාගේ පියා නාහෝර්ය.+
35 නාහෝර්ගේ පියා සේරග්ය.+සේරග්ගේ පියා රෙව්ය.+රෙව්ගේ පියා පේලෙග්ය.+පේලෙග්ගේ පියා ඒබර්ය.+ඒබර්ගේ පියා ෂෙලාය.+
36 ෂෙලාගේ පියා කායිනන්ය.කායිනන්ගේ පියා ආර්පක්සද්ය.+ආර්පක්සද්ගේ පියා ෂෙම්ය.+ෂෙම්ගේ පියා නෝවාය.+නෝවාගේ පියා ලාමෙක්ය.+
37 ලාමෙක්ගේ පියා මෙතූසලාය.+මෙතූසලාගේ පියා ඒනොක්ය.+ඒනොක්ගේ පියා යාරද්ය.+යාරද්ගේ පියා මහාලලියල්ය.+මහාලලියල්ගේ පියා කායිනන්ය.+
38 කායිනන්ගේ පියා ඒනොෂ්ය.+ඒනොෂ්ගේ පියා සෙත්ය.+සෙත්ගේ පියා ආදම්ය.+ආදම්ගේ පියා දෙවිය.
