Misangani 10:1-32
10 Misangani ya Salomoni.+
Mwana waudziwisi asatsandzayisa pai wace,+Mbwenye mwana wakusowa ndzeru asatsukwalisa mai wace.
2 Mpfuma zinawinwa munjira yakukhonda kulungama nkhabe phedza,Mbwenye ulungami usapulumusa munthu toera akhonde kufa.+
3 Yahova nkhabe kudzatawirisa kuti munthu wakulungama athabuke na njala,+Mbwenye anakhondera anyakuipa pinthu pinasirira iwo.
4 Manja akupolola asatcerengesa,+Mbwenye manja anaphata basa mwaphinga asapfumisa.+
5 Mwana anacita pinthu mwandzeru asabvuna mʼmalimwe,Mbwenye mwana anacita pinthu mwakupasa manyadzo asagona mbakhonda kubva kunja mu ndzidzi wakubvuna.+
6 Anthu akulungama anadzatambira nkhombo,+Mbwenye milomo ya anyakuipa isabisa usumankha.
7 Munthu wakulungama anakumbukirwa mbapaswa nkhombo,+Mbwenye dzina ya anyakuipa inazambazika.*+
8 Munthu waudziwisi anatawira kupfundziswa,+Mbwenye ule analonga mwakusowa ndzeru anadzathabuka.+
9 Ule anafamba mwakukhulupirika anafamba mwakutsidzikizika,+Mbwenye ule anafamba munjira zakuipa anadzadzindikirwa.+
10 Munthu anapfinya diso munjira yakuipa asasosa nyatwa,+Mbwenye ule analonga mwakusowa ndzeru anadzathabuka.+
11 Pa milomo ya anthu akulungama pasabuluka umaso,+Mbwenye milomo ya anyakuipa isabisa usumankha.+
12 Kuidana kusasosa nthonga,Mbwenye ufuni usaphimbira madodo onsene.+
13 Udziwisi usagumanika pamulomo wa munthu waluso yakunyerezera,+Mbwenye ntcamu ndi toera kukwapula kunsana kwa munthu wakusowa ndzeru.+
14 Anthu audziwisi asakoya cidziwiso muntima,+Mbwenye mulomo wa dzemwa uli dhuzi toera kufudzwa.+
15 Mpfuma za munthu wakupfuma ndi ninga nzinda wace wakutsidzikizika.
Kufudzwa kwa nyakutcerenga ndi utcerengi wace.+
16 Mabasa a anthu akulungama asatsogolera ku umaso;Mbwenye mabasa a anthu akuipa asatsogolera ku madawo.+
17 Munthu anatawira kulangwa asapangiza njira ya ku umaso,*Mbwenye ule anapwaza kusandikwa asatayisa anthu.
18 Munthu anaida ndzace mbakhonda kupangiza pakweca asalonga uthambi,+Munthu anamwaza mphangwa zakuserusa ndzace ndi dzemwa.
19 Mafala anganjipa, nkhabe kusoweka madodo,+Mbwenye ule anacita mphole-mphole na lirimi yace asacita pinthu mwandzeru.+
20 Lirimi ya anyakulungama ndi ninga parata yadidi kakamwe,+Mbwenye ntima wa anyakuipa ndi wakusowa basa.
21 Mafala a anthu akulungama asadyesa* anthu azinji,+Mbwenye madzemwa asafa thangwi yakusowa ndzeru.+
22 Nkhombo za Yahova zisapfumisa,+Pontho iye nkhabe kuthimizirapo nyatwa.*
23 Kuna dzemwa kucita pinthu pyakupasa manyadzo, ndi ninga masendzekero* kuna iye,Mbwenye munthu waluso yakunyerezera ndi waudziwisi.+
24 Pinthu pinagopa anyakuipa ndipyo pinafuna kuacitikira;Mbwenye anyakulungama anadzapaswa pire pinafuna iwo.+
25 Condzi cingapita, anyakuipa nkhabe kudzaonekabve,+Mbwenye anyakulungama ndi ninga miyala ya kwenda na kwenda+ inaikhwa pantsi panyumba.
26 Ninga vinagre isaziriza mano, pontho ninga utci usathoya maso,Munjira ibodzi ene, nyakupolola asatsukwalisa ule anantuma.*
27 Kugopa Yahova kusathimizira ntsiku za umaso,+Mbwenye pyaka pya anyakuipa pinacepeswa.+
28 Pinadikhira anyakulungama pisatsandzayisa,+Mbwenye cidikhiro ca anyakuipa cinadzamala.+
29 Njira ya Yahova ndi mbuto yacitsidzikizo kuna munthu wakulungama,+Mbwenye isabveka kufudzwa kwa anyakucita pyakuipa.+
30 Anyakulungama cipo anadzagwiswa pantsi,+Mbwenye anthu akuipa nee anadzakhalabve pa dziko yapantsi.+
31 Milomo ya anyakulungama isalonga* udziwisi,Mbwenye lirimi yakuipa inadzagwandwa.
32 Milomo ya anyakulungama isadziwa pinthu pyakutsandzayisa,Mbwenye mulomo wa nyakuipa ndi wakuipa.
Pidzindikiro Pyapantsi
^ Fala na Fala: “inabvunda.”
^ Munjira inango: “ali munjira yakuenda ku umaso.”
^ Peno: “asatsogolera.”
^ Peno: “kutsukwala; pinentso.”
^ Peno: “ubalangazi.”
^ Peno: “patrau wace.”
^ Peno: “isabala misapo ya.”