“Mbumba inadzamenyana na mbumba indzace, umambo unadzamenyana na umambo undzace . . . Pinthu pyenepi pyonsene ndi cipangizo ca kutoma kwa nyatwa zakutsukwalisa.”

Mateu 24:7, 8

“Kunadzaoneka aprofeta azinji authambi mbanyengeza anthu azinji; pontho thangwi yakuthimizirika kwa uipi, ufuni wa anthu azinji unadzathowa.”

Mateu 24:11, 12

“Mungabva pya nkhondo na mabvabva a nkhondo, lekani kudzudzumika kakamwe; pinthu pyenepi pisafunika kucitika, mbwenye si kumala kwa makhaliro a dziko tayu.”

Marko 13:7

“Kunadzaoneka piteketeke pikulu, kunadzaonekambo njala na mautenda mʼmbuto zakusiyana-siyana; pontho anthu anadzaona pinthu pyakugopswa, na pidzindikiro pikulu kudzulu.”

Luka 21:11

 “Mbwenye dziwa kuti mu ntsiku zakumalisa, inadzaoneka midzidzi yakugopswa na yakunentsa kupirira. Thangwi anthu anadzafunika okhene basi, anadzafuna kakamwe kobiri, anadzakhala anthu akugaya, akudzikuza, akuxola, akukhonda kubvera anyakubala, akukhonda kupereka takhuta, akukhonda kukhulupirika, akusowa ufuni, akukhonda funa kucita cibverano na anango, anadzakhala anyamapsweda, akukhonda kuphata ntima, ausumankha, akukhonda kufuna pinthu pyadidi, anyakusandukira andzawo, akukhonda kubva pinalonga andzawo, akudzala na kudzikuza, anadzafuna pinakomerwa na iwo basi, mbakhonda kufuna Mulungu, anadzaoneka ninga anthu adaperekeka kuna Mulungu, mbwenye umaso wawo nee unadzapangiza pyenepi.”

2 Timoti 3:1-5