ISEKEZA RIDASANZWE
Ubwami bw’Imana buzokora iki ku bijanye no kwitwararika amagara?
«Kuba ikiza ca Korona kitakiri mu bintu biraje ishinga cane igisata c’amagara y’abantu, ntibisigura ko kitakiri ingorane ku magara y’abantu hirya no hino kw’isi.. . . Turashobora kwitega ko muri kazoza hazoza ikindi kiza c’ubundi bwoko kandi turakwiye kucitegurira.»—Vyavuzwe na Muganga. Tedros Adhanom Ghebreyesus, umuyobozi mukuru mw’ishirahamwe mpuzamakungu ryitaho amagara y’abantu kw’isi OMS, ku wa 22 Rusama 2023.
Bivuye ku kiza ca Korona, abantu baracabandanya kugira ingorane mu bwenge no ku mubiri. Intwaro hamwe n’amashirahamwe yitaho amagara y’abantu vyoba vyiteguriye ikindi kiza kandi bikaba bishoboye kudufasha neza mu ngorane z’amagara zihari?
Bibiliya iratubwira intwaro izotuma tugira amagara meza. Ivuga ko «Imana yo mw’ijuru izoshiraho ubwami» canke intwaro. (Daniyeli 2:44) Muri iyo ntwaro, «nta wuhaba azovuga ngo: “Ndarwaye.”» (Yesaya 33:24) Twese tuzoba dufise amagara meza n’inkomezi zo mu buto.—Yobu 33:25.
Raba kandi
INYISHU Z’IBIBAZO BISHINGIYE KURI BIBILIYA
Bibiliya ivuga iki ku bijanye n’indwara z’ibiza?
Abantu bamwebamwe bavuga ko Imana iriko ikoresha indwara z’ibiza n’izindi ndwara mu guhana abantu. Ariko Bibiliya ntishigikira ico ciyumviro.
IBINDI BIGANIRO
Ingene wovyifatamwo igihe wumva urengewe n’iki kiza
Tutabaye maso turashobora gusanga tutagikurikiza amabwirizwa yo kwikingira korona.
INYIGISHO Z'ISHIMIKIRO ZO MURI BIBILIYA
Ubwami bw’Imana ni iki?
Mu bikorwa Yezu yaranguye kw’isi, yarigishije cane ibijanye n’Ubwami bw’Imana. Haraciye imyaka amajana abantu basenga basaba ko ubwo Bwami buza.
IBITWEREKEYE
Gusaba ko tukugendera
Nimuganire ikibazo gishingiye kuri Bibiliya canke mwige ibindi ku vyerekeye Ivyabona vya Yehova.
