«Мэк авэл тиро Царство». Молитва, сави ԥэнэн милионоря мануша
Мангэсаспэ ту, кай тэ авэл лэ Дэвлэско Царство? Ужэ бут бэрша милионоря мануша най еқвар ԥэнэн кадэла алава анда ашунгли молитва Отче наш (Матфея 6:10). Васо вонэ кадя мангэнпэ? Важ кода кай тэ мангэнпэ, кай тэ авэл лэ Дэвлэско Царство, приԥэндя о Иисус Христос.
И пэрви лэ Иисусостирэ ученикоря най вся полэнас, кала во росԥэнэнас пала лэ Дэвлэско Царство. Еқвар вонэ пушлэ лэстар: «Ӷосподо, най андэ кадэя время ту терэс, кай упалэ тэ авэл... о царство?» О Иисусо нэ атветил лэнди ворта, и можэт кадэлэстар вонэ фартэ удивисайлэ (Деяния 1:6, 7). Хэба и мануша никала на уӷанэна, со када лэ Дэвлэско Царство и кала во авэла? Канешно, уӷанэна!
Андэ кадэва журнало ту виарақэса атветоря пэ вопросоря пала Царство.
Со када лэ Дэвлэско Царство?
Васо лэ манушэнди трэбуй лэ Дэвлэско Царство?
Ко авэла ӷлавно андэ кадэва Царство?
Кала лэ Дэвлэско Царство лэла тэ правий ла ԥувьяса?
Саво авэла лашимос, кай правия о Царство?
Васо трэбуй тэ витидэс лэ Дэвлэско Царство ужэ акана?
Тути кадяжэ можэт тэ авэл интересно
ESSENTIAL BIBLE TEACHINGS
Со када лэ Дэвлэско Царство?
Кала о Иисусо росԥэнэнас важ о Дэл, май бут всаворэстар во дэлас дума пала лэ Дэвлэско Царство. Ужэ най ек шэл бэрш и христианоря мангэнпэ, кай тэ авэл кадэва Царство.
