Gálatas 5:1-26
5 Chhayna libre kananchispaqqa Criston librawarqanchis. Chhaynaqa qaqata sayaychis,+ amataq wajmanta watachikuychischu kamachi yugoman.+
2 Noqa Pablon niykichis: Qhari kayniykichis qarachatachus kuchuchikunkichis chayqa, manan Cristoq imachus ruwasqanqa imapipas yanapasunkichischu.+
3 Kaytan nillaykichistaq: Pipas qhari kaynin qarachata kuchuchikuqqa junt’ananpunin kamachikuy simiq lliu kamachisqanta.+
4 Qankuna kamachikuy simita junt’aspa chaninchasqa kayta munaqkunaqa+ t’aqasqan kashankichis Cristomanta, paypa ancha sumaq sonqo kayninmantapas t’aqasqan kashankichis.
5 Noqaykun ichaqa espiriturayku iñisqaykurayku ima Diospa chaninchasqan kasaqku, chaytan noqaykuqa tukuy sonqowan suyakushayku.
6 Cristo Jesuswan jujllachasqa kaqkunapaqqa manan imapaqpas valenchu qhari kay qarachata kuchuchikuyqa ni mana kuchuchikuypas,+ aswanpas munakuywan iñiyllan valen.
7 Qankunaqa allintamá riki phawasharqankichis,+ ¿pitaq jark’arqasunkichis cheqaq yachachikuyta manaña kasukunaykichispaqri?
8 Chay jark’asuqniykichiskunaq yachachikuyninqa manan wajasuqniykichis Diosmantachu jamun.
9 Yachasqaykichis jina, levaduraqa juj chhikallanpas llapa masatan poqochin.+
10 Qankuna Señorwan jujllachasqa kaqkunaqa+ manachá noqamanta jujniraytaqa piensashawaqchischu; ichaqa pichus pantachishasunkichis chay runaqa,+ piña kachun chaypas, juchachasqapunin kanqa.
11 Wayqeykuna,* qhari kay qarachata kuchuchikuymantachus yachachishaymanraq chayqa, manachá qatikachashawankumanchu, manañachá Cristoq k’aspipi* wañusqanmanta yachachisqaymantapas phiñakushankumanchu.+
12 Maytan munayman pikunachus urmachiyta munashasunkichis chay runakuna paykuna kikinku qhari kayninkuta jujpaqkama wit’ukunankuta.
13 Wayqeykuna,* libre kanaykichispaqmi qankunaqa wajasqa karqankichis; ichaqa amapunin libre kasqaykichis tumpaqa aychaq munayninta ruwankichischu,+ aswanpas munakuywan kamachi jina qankunapura servinakuychis.+
14 Kamachikuy simiqa “runamasiykitan qan kikiykita jina munakunki”+ nisqa kamachikuywanmi llapan junt’akun.*
15 Ichaqa qankunapurachus qhansanakushankichis rajranakushankichispas* chayqa,+ paqtataq qankunapurallataq ch’usaqyachinakuwaqchis.+
16 Chaymi niykichis: Diospa espiritunman jinallapuni purishaychis,+ chhaynapin mana aychaq ima munaynintapas ruwankichischu.+
17 Aychaqa espirituq mana munasqantan munapayan, chhaynallataqmi espiritupas aychaq mana munasqanta munallantaq; chhaynapin mana tupankuchu, chaymi qankunaqa imachus ruway munasqaykichista mana ruwankichischu.+
18 Chaymantapas, espirituman jinachus kausashankichis chayqa, manañan kamachikuy simiq kamachinñachu kankichis.
19 Aychaq munasqan millay ruwaykunaqa sut’i reqsisqan, chaykunaqa kaykunan: qhelli jucha* ruwaykuna,+ millakunapaq kaq ruwaykuna, mana p’enqarikuspa juchallikuykuna,*+
20 ídolo adoraykuna, layqa ruwaykuna,*+ cheqninakuykuna, churanakuykuna, qhawanakuykuna, k’araq phiñakuykuna, mana acuerdoman jaykuspa discutiykuna, t’aqanakuykuna, waj t’aqata jatarichiykuna,
21 envidianakuykuna, machaykuna,+ millay fiestakunapi puriykuna, llapa chhayna mana allin ruwaykuna ima.+ Imaynan ñaupaqta nirqaykichis chhaynatan kunanpas nillaykichistaq: Pipas chay ruwaykunapi puriqqa manan jaykunqachu Diospa gobiernonmanqa.+
22 Santo espiritun ichaqa ruruchin: munakuyta, kusikuyta, thaj kausayta, pacienciakuyta, sumaq sonqo kayta,+ allin sonqo kayta, iñiyta,
23 llamp’u sonqo kayta, cuerpo kamachiq kayta ima.+ Chaykuna contraqa manan ima kamachikuypas kanchu.
24 Chaymantapas Cristo Jesuspa kaqkunaqa k’aspipin clavanku aychaq munasqankunata, aychaq sinchi millay munapayayninkunatawan.+
25 Espirituman jinachus kausashanchis chayqa, chay espirituman jinallapuniyá kausashasun.+
26 Ama yanqa alabakuqqa kasunchu,+ ama gana-ganaqa imatapas ruwasunchu,+ amataq envidianakusunpaschu.
Uraypi willakuykuna
^ Qhaway Explicasqa simikuna nisqapi “Ñak’arina k’aspi” nisqata.
^ Mayninpiqa warmipaq qharipaqwanmi Bibliapiqa “wayqeykuna” nispa nin.
^ Mayninpiqa warmipaq qharipaqwanmi Bibliapiqa “wayqeykuna” nispa nin.
^ Chaypiqa yaqapaschá “nisqa kamachikuymanmi llapan juñukun” nillanmantaq.
^ Rajranakuytaqa “mijunakuy, kakinakuy” nillankutaqmi.
^ Qhaway Explicasqa simikuna nisqapi “Qhelli jucha” nisqata.
^ Qhaway Explicasqa simikuna nisqapi “Mana p’enqarikuspa juchallikuy” nisqata.
^ Qhaway Explicasqa simikuna nisqapi “Layqa ruwaykuna” nisqata.
