Salmo 77:1-20
Parad direktor; diad Jedutun.* Salmo nen Asaf.+ Sakey a kansion.
77 Ontawag ak ed Dios diad maksil a boses;Ontawag ak ed Dios, tan dengelen to ak.+
2 Diad agew a nagogonigon ak et aanapen koy Jehova.+
Diad labi et tuloytuloy ya akaunat iray limak diad pampipikasik ed sikato.*Agak naligliwa.*
3 Sano nanononotan koy Dios, onaakis ak;+Napapagaan ak tan nanaekalan ak na biskeg.*+ (Selah)
4 Pansiasiansiaen mon akalukas iray matak;Nagogonigon ak tan agak makasalita.
5 Nononoten ko ray agew nensaman a panaon,+Saray taon ya abaybayag lan linmabas.
6 Diad labi et nanononotan ko ray kansion ko;*+Diad pusok et mandadalepdep ak;+Maseeseet ak* a manuusisa.
7 Kasin anggad angga so pangipulisay ed sikami nen Jehova?+
Kasin agto lan balot ipatnag so panangabobon to?+
8 Kasin agto lan balot ipatnag so matoor a panangaro to?
Kasin anggapo so henerasyon a makanengneng ed pakasumpal na sipan to?
9 Alingwanan la kasi na Dios ya ipatnag so panangabobon to,+Odino lapud sanok to et tinmunda lan mangipatnag na panangasi? (Selah)
10 Kasin ibagak ni: “Saya so pakakagonigonan ko:*+
Inekal la na Sankatagyan so suporta tod sikami”?
11 Nonoten ko ray kimey nen Jah;Nonoten ko ray makapakelaw a ginawam nensaman a panaon.
12 Tan dalepdepen koy amin a kimey mo,Tan nodnonoten ko ray gagawaen mo.+
13 O Dios, saray dalan mo et masanto.
Wala tay dios a makapipara ed pakapanyarim, O Dios?+
14 Sika so tuan Dios, samay manggagawa na makapakelaw iran bengatla.+
Say biskeg mo et imparungtal mod saray totoo.+
15 Diad pakayarim* et inliktar* mo ray totoom,+Saray ilalak nen Jacob tan ilalak nen Jose. (Selah)
16 Anengneng ka na saray danum, O Dios;Anengneng ka na saray danum tan agulo ra.+
Tan agonigon iray araralem a danum.
17 Saray lurem et angipelag na uran.
Say malurem a tawen et nampakarol,Tan saray panam et mantikyab dia tan diman.+
18 Say tanol na karol mo+ et singa tanol na saray dalig na karwahe;Saray kidyam na kirmat et niliwawaan day dalin;+Say dalin et ginmiwgiw tan yinmegyeg.+
19 Say dalan mo et walad dayat,+Say basbas mo et walad amayamay a danum;Balet agnatonton iray bakat na salim.
20 Intonton moy totoom a singa sakey a pulok,+Diad panangasikaso* nen Moises tan Aaron.+
Paimanod leksab
^ Odino “akaunat iray limak tan ag-onkekelat.”
^ Odino “Agnaligliwa so kamarerwak.”
^ Literal, “nalelemay so espirituk.”
^ Odino “musikan manlalapud nandeles ya instrumento.”
^ Literal, “so espirituk.”
^ Odino “pakakasugatan ko.”
^ Literal, “taklay mo.”
^ Literal, “dinondon.”
^ Literal, “Diad panamegley na lima.”