Salmo 115:1-18
115 Aliwan sikami, O Jehova, aliwan sikami,*Noagta say ngaran mo so nigloria+Lapud matoor a panangarom tan katooran mo.+
2 Akin et ibaga na saray nasyon:
“Kawalaan na Dios da?”+
3 Say Dios tayo et walad tawen;Gagawaen to so antokaman a panliliketan to.
4 Saray imahen na dirios da* et gawad pilak tan balitok,A ginawa na saray lima na too.+
5 Walay sangi ra, balet ag-ira makasalita;+Walay mata ra, balet ag-ira makanengneng;
6 Walay layag da, balet ag-ira makarengel;Walay eleng da, balet ag-ira makaangob;
7 Walay lima ra, balet ag-ira makaegna;Walay sali ra, balet ag-ira makaakar;+Anggapoy ompapaway a boses ed kulokulong da.+
8 Saray totoon manggagawad sikara et magmaliw a singa sikara,+Pati say amin a manmamatalek ed sikara.+
9 O Israel, manmatalek kad si Jehova+—Sikatoy mananulong da tan samper da.+
10 O sankaabungan nen Aaron,+ manmatalek kayod si Jehova—Sikatoy mananulong da tan samper da.
11 Sikayo ran ontatakot ed si Jehova, manmatalek kayod si Jehova+—Sikatoy mananulong da tan samper da.+
12 Sankanonot itayo nen Jehova tan sikatoy mamendisyon;Bendisyonan to so sankaabungan nen Israel;+Bendisyonan to so sankaabungan nen Aaron.
13 Bendisyonan nen Jehova iramay ontatakot ed sikato,Saray abeba tan saray atagey.
14 Parakelen kayo nen Jehova,Sikayo tan saray ananak* yo.+
15 Komon ta bendisyonan kayo nen Jehova,+Say Dios a nanggawa na tawen tan dalin.+
16 Say katawenan et kayarian nen Jehova,+Balet say dalin et inter tod saray anak na totoo.+
17 Si Jah et ag-idadayew na saray inaatey;+Odino siopaman ya onlalasur diad kareenan na ipapatey.*+
18 Balet idayew mi JahManlapud natan ya anggad angga.
Idayew yoy Jah!*
Paimanod leksab
^ Odino “Anggapon balot so walad sikami, O Jehova, anggapon balot so walad sikami.”
^ Odino “Saray idolo ra.”
^ Literal, “ananak a lalaki.”
^ Literal, “diad kareenan.”
^ Odino “Hallelujah!” Say “Jah” et pinatikey a ngaran a Jehova.