Salmo 146:1-10
146 Idayew yoy Jah!*+
Idayew ko* si Jehova.+
2 Idayew koy Jehova legay bilay ko.
Kansionan ko na panangidayew so* Dios ko legan a mabilay ak.
3 Agkayo manmamatalek ed saray prinsipe*Odino diad anak na too, ya agmakapangiliktar.+
4 Say espiritu* to et ompapaway, sikatoy ompapawil ed dalin;+Diad satan a mismon agew et naandi so nonot to.+
5 Maliket so too a say Dios nen Jacob so mananulong to,+A say ilalo to et walad si Jehova a Dios to,+
6 Say Dios a nanggawa na tawen tan dalin,Say dayat, tan amin a wadtan,+Samay lawas a mansiasiansian matoor,+
7 Samay mangipapaseguroy hustisya ed saramay nalalames,Samay mangiiter na naakan ed narasan.+
Si Jehova et ibubulos to iray priso.*+
8 Lulukasan nen Jehova iray mata na bulag;+Iyaatagey nen Jehova iramay nipaabeba;+Inad-aro nen Jehova imay matunong.
9 Proprotektaan nen Jehova iray dayon miaayam;Susuportaan to so ugaw ya ulilad ama tan balon bii,+Balet aamperen to ray plano na mauges.*+
10 Si Jehova so Ari ya anggad angga,+O Sion, say Dios mo et manari ed amin a henerasyon.
Idayew yoy Jah!*
Paimanod leksab
^ Odino “Hallelujah!” Say “Jah” et pinatikey a ngaran a Jehova.
^ Odino “na kamarerwak.”
^ Odino “Mantogtog tan mangansion ak parad.”
^ Odino “saray gagalangen a totoo.”
^ Odino “linawa.”
^ Literal, “iray abalor.”
^ Odino “pipikeweten to so dalan na mauges.”
^ Odino “Hallelujah!” Say “Jah” et pinatikey a ngaran a Jehova.
