Salmo 127:1-5
Kansion na Saramay Ontatatdang. Salmo nen Solomon.
127 No aliwan si Jehova so mangipaalagey na abung,Andi-kakanaan so pansasagpot na saray managpaalagey.+
No aliwan si Jehova so manbantay ed syudad,+Andi-kakanaan so pansiasiansian aliing na bantay.
2 Andi-kakanaan so ibabangon yon masakbay,Say pampupuyat yo,Tan say pansasagpot yo a mananap na naakan,Lapud itataryaan to ray inad-aro to tan iikdan to ra na masamit ya ugip.+
3 Saray ananak* et tawir manlapud si Jehova;+Say bunga na eges et sakey a tumang.+
4 Singa saray pana ed lima na mabiskeg a laki,Ontan iray ananak a lalaki na sakey a wala nid kaksilan.+
5 Maliket so laki a papanoen to na saratan so pananginan toy pana.+
Ag-ira niiyan ed kababaingan,Ta sikaray mitongtong ed saray kakabusol diad puerta na syudad.
Paimanod leksab
^ Literal, “ananak a lalaki.”
