ଆମେ ସମସ୍ତେ ସବୁବେଳେ ଖୁସିରେ ରହିବା ପାଇଁ ଚାହୁଁ । କିନ୍ତୁ ଏହା ସବୁବେଳେ ସମ୍ଭବ ହୋଇପାରେନି । କାରଣ ଆମ ଜୀବନରେ ଅନେକ ସମସ୍ୟା ଆସିଥାଏ । ଏସବୁ ଦେଖି ହୁଏତ ଆମେ ଭାବିପାରୁ ଯେ ଜୀବନରେ ଏତେ ଦୁଃଖକଷ୍ଟ କାହିଁକି ଅଛି, କʼଣ ଏସବୁ କେବେ ଠିକ୍‌ ହେବ । ଏହାର ଉତ୍ତର ଈଶ୍ୱର ନିଜ ବାକ୍ୟ ବାଇବଲରେ ଦେଇଛନ୍ତି । a ତାʼସହ ଏଥିରେ କିଛି ଭଲ ପରାମର୍ଶ ମଧ୍ୟ ଦିଆଯାଇଛି । ଯେପରି, ଆମେ ନିଜ ପରିବାରକୁ ଖୁସିରେ କିପରି ରଖିପାରିବା ଏବଂ ଚିନ୍ତାଗୁଡ଼ିକର ସାମନା କିପରି କରିପାରିବା । କʼଣ ଆପଣ ଏବିଷୟରେ ଆହୁରି ଅଧିକ ଜାଣିବା ପାଇଁ ଚାହାନ୍ତି ?

୧. ଈଶ୍ୱର କେଉଁ କେଉଁ ପ୍ରଶ୍ନଗୁଡ଼ିକର ଉତ୍ତର ଦେଇଛନ୍ତି ?

ଈଶ୍ୱର ବାଇବଲ ଜରିଆରେ ଅନେକ ମହତ୍ତ୍ୱପୂର୍ଣ୍ଣ ପ୍ରଶ୍ନର ଉତ୍ତର ଦେଇଛନ୍ତି । ଯେପରି, ଆମକୁ କାହିଁକି ସୃଷ୍ଟି କରାଯାଇଛି ? ଭଲ ଲୋକଙ୍କ ସହ ଅନ୍ୟାୟ କାହିଁକି ହୁଏ ? ମୃତ୍ୟୁ ପରେ କʼଣ ହୁଏ ? କʼଣ ଭବିଷ୍ୟତରେ ଏହି ପୃଥିବୀର ବିନାଶ ହୋଇଯିବ ? ଅନେକ ଲୋକ ବାଇବଲରୁ ଏହି ପ୍ରଶ୍ନଗୁଡ଼ିକର ଉତ୍ତର ପାଇଛନ୍ତି । ଈଶ୍ୱର ଚାହାନ୍ତି ଯେ ଆପଣ ମଧ୍ୟ ଏସବୁ ପ୍ରଶ୍ନର ଉତ୍ତର ପାଆନ୍ତୁ ।

୨. ପ୍ରତିଦିନର ଚିନ୍ତାଗୁଡ଼ିକର ସାମନା କରିବା ପାଇଁ ଈଶ୍ୱର କିପରି ଆମକୁ ସାହାଯ୍ୟ କରନ୍ତି ?

ଈଶ୍ୱର ବାଇବଲ ଜରିଆରେ ଆମକୁ ଅନେକ ଭଲ ପରାମର୍ଶ ଦେଇଛନ୍ତି । ଯେପରି, ଏଥିରେ କୁହାଯାଇଛି ଯେ ଆମେ ଚିନ୍ତାର ସାମନା କିପରି କରିପାରିବା, ପରିବାରରେ ଆମେ ସମସ୍ତେ ଖୁସିରେ କିପରି ରହିପାରିବା ଏବଂ କାମ ଜାଗାରେ ସମସ୍ୟା ଆସିଲେ ଆମେ କʼଣ କରିପାରିବା । ଏହି ବିଷୟଗୁଡ଼ିକ ଉପରେ ଚର୍ଚ୍ଚା କଲେ ଆପଣ ନିଜେ ଜାଣିପାରିବେ ଯେ ବାଇବଲରେ ଯାହା ଲେଖା ହୋଇଛି, ତାହା ‘ଆମ ପାଇଁ ଉପକାରୀ ।’​—୨ ତୀମଥି ୩:୧୬.

୪. ବାଇବଲରୁ ଆମକୁ ନିଜ ପ୍ରଶ୍ନଗୁଡ଼ିକର ଉତ୍ତର ମିଳିପାରେ

 ୫. ବାଇବଲ ପଢ଼ିଲେ ଆପଣ ବହୁତ କିଛି ଶିଖିପାରିବେ

୬. ଅନ୍ୟମାନଙ୍କ ସାହାଯ୍ୟରେ ଆମେ ବାଇବଲକୁ ଆହୁରି ଭଲ ଭାବେ ବୁଝିପାରିବା

ଅନେକ ଲୋକ କୁହନ୍ତି ଯେ ଏକୁଟିଆ ବାଇବଲ ପଢ଼ିବା ସହ ଅନ୍ୟମାନଙ୍କର ସାହାଯ୍ୟ ନେଲେ ଆମେ ବାଇବଲକୁ ଆହୁରି ଭଲ ଭାବେ ବୁଝିପାରିବା । ପ୍ରେରିତ ୮:୨୬-୩୧ ପଢ଼ନ୍ତୁ, ତାʼପରେ ଆଗକୁ ଦିଆଯାଇଥିବା ପ୍ରଶ୍ନ ଉପରେ ଆଲୋଚନା କରନ୍ତୁ:

• ଆମେ ବାଇବଲକୁ କିପରି ଭଲ ଭାବେ ବୁଝିପାରିବା ?​—ପଦ ୩୦ ଓ ୩୧ ଦେଖନ୍ତୁ ।

 ଆମେ କʼଣ ଶିଖିଲୁ ?

ବାଇବଲ ସାହାଯ୍ୟରେ ଆମେ ଜାଣିପାରୁ ଯେ ଆମେ ଚିନ୍ତାର ସାମନା କିପରି କରିବା । ଏଥିରେ ଅନେକ ମହତ୍ତ୍ୱପୂର୍ଣ୍ଣ ପ୍ରଶ୍ନର ଉତ୍ତର ଦିଆଯାଇଛି । ଏହାକୁ ପଢ଼ିଲେ ଆମକୁ ସାନ୍ତ୍ୱନା ମିଳେ ଏବଂ ଭବିଷ୍ୟତ ପାଇଁ ଏକ ଆଶା ମିଳେ ।

ଆପଣ କʼଣ କହିବେ ?

• ପ୍ରତିଦିନର ଚିନ୍ତାଗୁଡ଼ିକର ସାମନା କରିବା ପାଇଁ ଈଶ୍ୱର କିପରି ଆମକୁ ସାହାଯ୍ୟ କରନ୍ତି ?

• ବାଇବଲରେ କେଉଁ ପ୍ରଶ୍ନଗୁଡ଼ିକର ଉତ୍ତର ଦିଆଯାଇଛି ?

• ଆପଣ ବାଇବଲରୁ କେଉଁ ବିଷୟରେ ଜାଣିବାକୁ ଚାହାନ୍ତି ?