CAAMSAA 9, 2024
RAASHIYAA

‘Yeroo Gara Fuulduraa Irrattin Xiyyeeffadha’

BANI

Manni Murtii Magaalaa Leesosibirisk naannoo Kiraasnoyaariskitti argamu obboleessa keenya Andiree Shiyaan ilaalchisee yeroo dhihootti murtii dabarsa. Abbaan alangaa wanta akka isarratti murteeffamu barbaadu ifa hin goone.

Ibsa Gabaabaa

Andiree Shiyaan

Baraa fi Iddoo Dhalootaa: 1969 (Leesosibiriski, Naannoo Kiraasnoyaariskitti dhalate)

Seenaa Jireenyaa: Toʼataa meeshaalee biyya keessa seenanii fi biyya alaatti ergamanii ture

Bara 1992tti Iinaa fuudhe. Intala tokko qabu

Jalqaba Dhugaa Baatota Yihowaa wajjiniin qoʼachuu kan jalqaban Iinaa, haadha ishee fi obboleessa ishii isa quxisuudha. Andireenis walgaʼii irratti kan argame yeroo taʼu ibsa nama amansiisuu fi Kitaaba Qulqulluu keessatti argamu baayʼee jaallate

Iinaan bara 2001tti, Andireen immoo bara 2002tti cuuphaman

Yaada Dhuunfaa

Nagaa sammuu kee akka eeggattu wanti si gargaare maalidha?

Wanta Roomaa 15:13 irratti galmeeffame jireenya koo keessatti argeera: “Humna hafuura qulqulluutiin abdiin akka isiniif baayʼatutti, isatti amanamuu keessaniin Waaqayyo inni abdii kennu gammachuu fi nagaa guddaadhaan isin haa guutu.” Abdii koorratti xiinxaluun koo akkan dandamadhu na gargaareera. Yommuun sodaachuu fi shakkuu jalqabu dafeen addunyaa haaraa keessatti yaadaan of ilaaluu jalqaba. Yommuun yaadaan addunyaa haaraa keessatti of ilaalu hundatti wantoota yeroo amma na dhiphisan dagachaan deema. Kunimmoo rakkoowwan koo irratti xiyyeeffachuu mannaa, ciminaa fi kakaʼumsa yeroo gara fuulduraa irratti xiyyeeffachuuf na dandeessisu naaf kenneera.

Nutis akkuma Andiree ‘dubbiin Yihowaa abdii keenya akka nuuf taʼu’ heyyamuudhaan jajjabinaa fi cimina argachuu dandeenya.—Faarfannaa 119:114.

Chaartii Yeroo

Sadaasa 25, 2021

Manni isaa ni sakattaʼame
Ebla 11, 2023

Ammas manni isaa ni sakattaʼame. Himanni yakkaa isarratti baname. Akka hin imalle dhorkame
Muddee 29, 2023

Himanni isarratti baname mana murtiitti ilaalamuu jalqabe

Kanneen Armaan Gadiis ni Jaallatta Taʼa

ODUU HAARAA

Sababii Amantii Isaaniitiin Hidhamaniiru—Raashiyaa

Dhugaa Baatonni Yihowaa Raashiyaa keessa jiran sababii amantii isaaniitiin hidhamaniiru. Seenaa isaanii dubbisi, maqaa Dhugaa Baatota Yihowaa yeroo ammaatti hidhamanii jiranii ilaali.

ODUU HAARAA