HAGAYYA 25, 2023 | ODUU HAAREFFAME: EBLA 4, 2024
RAASHIYAA

ODUU HAAREFFAME—OBBOLEESSA TOKKOTTI MURTAAʼE | “Wanti Hariiroo Ani Yihowaa Wajjin Qabu Caalaa Na Gammachiisu Tokkollee hin Jiru”

BANI

Ebla 3, 2024, Manni Murtii Magaalaa Gaariyaachiikilucheeviskooy inni Naannoo Kiraasnoodaaritti argamu obboleessa keenya Paavel Sidariyenkaa irratti murtii hidhaa daangaa waggaa sadii isa irratti dabarseera. Yeroo ammaatti mana hidhaa galuun isa hin barbaachisu.

Ibsa Gabaabaa

Paavel Sidariyenkaa

Bara Dhalootaa: 1958 (Kirrimiski, Naannoo Kiraasnoodaar)

Seenaa Jireenyaa: Makaanikaal injinarii taʼee hojjeteera

Bara 1981Maarinaa wajjin gaaʼela godhatan. Intala tokko godhataniiru

Gaaffiiwwan waaʼee dhufaatii jireenya qabu Kitaaba Qulqulluu irraa yommuu isaaf deebisamu, waaʼee Dhugaa Baatota Yihowaa beekuuf fedhii qabaate. Innii fi Maarinaan bara 1991 cuuphaman

Yaada Dhuunfaa

Yeroo baayʼee rakkisaa taʼe kanatti caqasoonni Kitaaba Qulqulluu si jajjabeessan kamfaʼi?

Wanti Roomaa 8:38, 39 irratti ibsame baayʼee na gargaareera: “Sababiin isaas, duuti yookiin jireenyi yookiin maleekonni yookiin mootummoonni yookiin wantoonni amma jiran yookiin wantoonni dhufuuf jiran yookiin humnoonni yookiin ol kaʼiinsi yookiin gad fageenyi yookiin uumamni kan biraan akkamii iyyuu jaalala Waaqayyoo . . . irraa gargar nu baasuu akka hin dandeenye hubadheera.” Yaanni kun Yihowaan matumaa na jaallachuu akka hin dhiisne na amansiiseera; kunis jabina guddaa naaf kenneera. Yihowaan wanta na irra gaʼaa jiru beeka; miira koos naaf hubata. Wanti hariiroo Ani Yihowaa wajjin qabu caalaa na gammachiisu tokkollee hin jiru.

Akkuma Paavel carraaqqii nuti “daandii jireenyaa” irra deddeebiʼuuf goonu gammachuu guddaa akka nuuf argamsiisu beekuun keenya baayʼee nu gammachiisa.—Faarfannaa 16:11.

Chaartii Yeroo

Amajjii 26, 2022

Himanni yakkaa isa irratti dhihaate
Amajjii 28, 2022

Manni isaa ni sakattaʼame. Qorannaan isa irratti geggeeffame; imala akka hin goone dhorkame
Bitootessa 22, 2023

Himanni yakkaa mana murtiitti ilaalamuu eegale

Kanneen Armaan Gadiis ni Jaallatta Taʼa

ODUU HAARAA

Sababii Amantii Isaaniitiin Hidhamaniiru—Raashiyaa

Dhugaa Baatonni Yihowaa Raashiyaa keessa jiran sababii amantii isaaniitiin hidhamaniiru. Seenaa isaanii dubbisi, maqaa Dhugaa Baatota Yihowaa yeroo ammaatti hidhamanii jiranii ilaali.

ODUU HAARAA