Kodi Nkhani ya Moyo wa Yesu Imene Ili M’Baibulo Ndi Yolondola?
Yankho la m’Baibulo
Luka, amene analemba nawo Baibulo, ananena zokhudza moyo wa Yesu kuti: “Ndafufuza zinthu zonse mosamala kwambiri kuchokera pa chiyambi.”—Luka 1:3.
Anthu ena amanena kuti nkhani ya moyo wa Yesu imene ili m’mabuku a Uthenga Wabwino, inasinthidwa nthawi inayake cha m’ma 300 C.E. Mabuku a Uthenga Wabwino amenewa analembedwa ndi Mateyu, Maliko, Luka ndi Yohane, anthu omwe anakhalapo pa nthawi yofanana ndi imene Yesu anali padziko lapansi.
Komabe, chidutswa cha Uthenga Wabwino wa Yohane chinapezeka ku Egypt chakumayambiriro kwa zaka za m’ma 1900. Masiku ano, chidutswa chimenechi chimadziwika ndi dzina lakuti Papyrus Rylands 457 (P52) ndipo chikusungidwa mulaibulale ina yotchedwa John Rylands Library mumzinda wa Manchester, ku England. Pachidutswapa pali mawu amene ali pa Yohane 18:31-33, 37, 38 m’Mabaibulo a masiku ano.
Chidutswa chimenechi ndi chakale kwambiri pa zidutswa zonse za Malemba Achigiriki (Chipangano Chatsopano) zimene zikudziwika masiku ano. Akatswiri ambiri amakhulupirira kuti mpukutu wa chidutswachi unalembedwa cha mu 125 C.E., patangopita zaka pafupifupi 25 zokha kuchokera pamene Yohane analemba buku lake la Uthenga Wabwino. Mawu amene ali pachidutswachi akufanana kwambiri ndi mawu amene analembedwa m’mipukutu ina yomwe inalembedwa chaka cha 125 C.E. chitadutsa.
Mwina Mungakondenso Kudziwa Izi
KUYANKHA MAFUNSO A M’BAIBULO
Kodi Nkhani Zokhudza Moyo wa Yesu Zinalembedwa Liti?
Kodi panapita nthawi yaitali bwanji kuchokera pamene Yesu anafa kufika pamene mabuku a Uthenga Wabwino analembedwa?
NSANJA YA OLONDA
Kodi Baibulo Limafotokoza Zonse Zokhudza Yesu?
MFUNDO ZOFUNIKA ZA M'BAIBULO
N’chifukwa Chiyani Yesu Anafa?
Baibulo limasonyeza kuti imfa ya Yesu ndi yofunika kwambiri. Kodi imfa ya Yesu ili ndi phindu lililonse?
ZOKHUDZA IFEYO
Pemphani Kuti Tidzakuyendereni
Mutha kukhala ndi mwayi wokambirana nkhani inayake ya m’Baibulo kapena kudziwa zambiri zokhudza Mboni za Yehova.