၂၀၂၃ ခုနှစ်၊ ဖေဖော်ဝါရီ ၁၃ ရက်၊ တနင်္လာနေ့မှာ အမေရိကန်ပြည်ထောင်စု၊ ရောဂါကာကွယ်ထိန်းချုပ်ရေးဗဟိုဌာန (CDC) က အမေရိကန် ဆယ်ကျော်သက်တွေရဲ့ စိတ်ကျန်းမာရေးနဲ့ပတ်သက်ပြီး သတင်းတစ်ခု ထုတ်ပြန်ခဲ့တယ်။ အထက်တန်းကျောင်းသူ၊ ကျောင်းသား ၄၀ ရာခိုင်နှုန်းကျော်ဟာ အမြဲလိုလို ဝမ်းနည်းနေတယ်၊ မျှော်လင့်ချက်မဲ့နေတယ်လို့ ခံစားကြတယ်ဆိုပြီး သတင်းမှာ ဖော်ပြတယ်။

 ဗဟိုဌာနရဲ့ ဆယ်ကျော်သက် ကျောင်းကျန်းမာရေး (DASH) အပိုင်းမှာ ဒါရိုက်တာလုပ်နေတဲ့ ဒေါက်တာ ကိတ်လန် အယ်သီရာ အခုလိုပြောပြတယ်– “လွန်ခဲ့တဲ့ ၁၀ နှစ်ကျော်အတွင်းမှာ လူငယ်တွေရဲ့ စိတ်ကျန်းမာရေးအခြေအနေ ပိုဆိုးလာတာကို မြင်ခဲ့ရပေမဲ့ အခုလောက်အထိ ဆယ်ကျော်သက်မိန်းကလေးတွေရဲ့ စိတ်ကျန်းမာရေး အခြေအနေ ဆိုးရွားလာတာ၊ ကိုယ့်ကိုယ်ကိုယ် သတ်သေဖို့ ကြံစည်လာတာတွေ မမြင်ဖူးဘူး။”

 သတင်းအရ

•   မိန်းကလေး ၁၀ ယောက်မှာ ၁ ယောက်ကျော် (၁၄ ရာခိုင်နှုန်း) ဟာ အလိုမတူဘဲ လိင်ဆက်ဆံဖို့ ဖိအားပေးခံရတယ်။ “ဆယ်ကျော်သက်မိန်းကလေး ၁၀ ယောက်မှာ အနည်းဆုံး တစ်ယောက် ဒါမှမဟုတ် တစ်ယောက်ထက်မကဟာ အဓမ္မပြုကျင့်ခံနေရတာဆိုတော့ တကယ့်ကို စိတ်ပူစရာပဲ” ဆိုပြီး ဒေါက်တာ အယ်သီရာ ပြောတယ်။

•   ဆယ်ကျော်သက်မိန်းကလေး ၃ ယောက်မှာ ၁ ယောက်နီးပါး (၃၀ ရာခိုင်နှုန်း) က ကိုယ့်ကိုယ်ကိုယ် သတ်သေဖို့ စဉ်းစားကြတယ်။

•   ဆယ်ကျော်သက်မိန်းကလေး ၅ ယောက်မှာ ၃ ယောက်နီးပါးက အမြဲလိုလို ဝမ်းနည်းနေတယ်၊ မျှော်လင့်ချက်မဲ့နေတယ်လို့ ခံစားကြရတယ်။

 ထိတ်လန့်စရာ မှတ်တမ်းတွေပါပဲ။ တကယ်တော့ လူငယ်ဘဝဆိုတာ ပျော်ရွှင်ရမယ့်အချိန်ပါ။ ဆယ်ကျော်သက်တွေ ရင်ဆိုင်နေရတဲ့ ဖိစီးမှုတွေကို ဖြေရှင်းနိုင်ဖို့ ဘယ်ကနေ အကူအညီရနိုင်သလဲ။ ကျမ်းစာအဆိုက ဘာလဲ။

ကျမ်းစာမှာ ဆယ်ကျော်သက်တွေအတွက် လက်တွေ့ကျအကူအညီ ပါရှိ

 ကျွန်တော်တို့ လက်ရှိအသက်ရှင်နေထိုင်တဲ့အချိန်ဟာ ဖိစီးမှုတွေ များမယ်၊ “အလွန် ခက်ခဲကျပ်တည်းမယ်” ဆိုပြီး ကျမ်းစာမှာ ပြောထားတယ်။ (၂ တိမောသေ ၃:၁-၅) ဒါပေမဲ့ ကမ္ဘာတစ်ဝန်းက သန်းနဲ့ချီတဲ့ ဆယ်ကျော်သက်တွေအတွက် အမြဲတမ်းအသုံးဝင်တဲ့ အကြံပြုချက်တွေ ကျမ်းစာမှာ ပါတယ်။ အဲဒီအကြံပြုချက်တွေက ဆယ်ကျော်သက်တွေရဲ့ ပြဿနာကို ရင်ဆိုင်ဖြေရှင်းနိုင်အောင် ကူညီပေးနိုင်တယ်။ အောက်ပါကျမ်းစာအခြေပြု ဆောင်းပါးတွေကို ဖတ်ကြည့်ပါ။

•   ငါ အသက် ဆက်မရှင်ချင်တော့ဘူး ဆိုရင်

•   သေချင်တယ်—ကိုယ့်ကိုယ်ကိုယ် သတ်သေချင်စိတ် ပေါ်လာတဲ့အခါ ကျမ်းစာက ကူညီပေးနိုင်သလား

•   ဘာကြောင့် အသက်ဆက်ရှင်ဖို့လိုတာလဲ

•   စိတ်ကျဝေဒနာကို ရင်ဆိုင်ဖြေရှင်းနိုင်ပုံ

•   အပျက်သဘော အတွေးတွေ ဘယ်လို ရှောင်နိုင်သလဲ

•   စိုးရိမ်ပူပန်စိတ်ကို ဘယ်လို ရင်ဆိုင်ဖြေရှင်းနိုင်မလဲ

•   ငါ့ရဲ့ စိတ်ခံစားချက်တွေကို ဘယ်လိုထိန်းမလဲ

•   ဝမ်းနည်းခြင်းမှ ဝမ်းသာခြင်းသို့ (ကာတွန်းသရုပ်ဖော် ဗီဒီယို)

•   အနိုင်ကျင့် ခံနေရရင် ဘာလုပ်ရမလဲ

•   ဆိုက်ဘာအနိုင်ကျင့်မှု ခံရရင် ဘယ်လိုလဲ

•   အနိုင်ကျင့်သူကို လက်သီးမသုံးဘဲ ရင်ဆိုင်နည်း (ကာတွန်းသရုပ်ဖော် ဗီဒီယို)

•   လိင်ဆိုင်ရာ စော်ကားနှောင့်ယှက်မှုကို ဘယ်လိုဖြေရှင်းနိုင်မလဲ

•   လိင်ဆိုင်ရာ စော်ကားမှုအကြောင်း ဘာသိထားသင့်သလဲ—အပိုင်း ၁– ကြိုတင်ကာကွယ်ခြင်း

•   လိင်ဆိုင်ရာ စော်ကားမှုအကြောင်း ဘာသိထားသင့်သလဲ—အပိုင်း ၂– ပြန်လည်ကုစားခြင်း

မိဘတွေအတွက် ကျမ်းစာထဲက လက်တွေ့ကျအကြံပြုချက်

 ဘဝအခက်အခဲတွေကို ဆယ်ကျော်သက်သားသမီးတွေ ရင်ဆိုင်ဖြေရှင်းရာမှာ မိဘတွေအနေနဲ့ ဘယ်လိုကူညီနိုင်တယ်ဆိုတဲ့အကြောင်း ကျမ်းစာမှာ အကြံပြုထားတယ်။ အောက်ပါ ကျမ်းစာအခြေပြုဆောင်းပါးတွေကို ဖတ်ကြည့်ပါ။

•   ဆယ်ကျော်သက် စိတ်ကျဝေဒနာ—ဘာကြောင့် ဖြစ်ရသလဲ၊ ဘာက ကူညီပေးနိုင်သလဲ

•   ဆယ်ကျော်သက်သမီးတွေ ဖိစီးမှုများတဲ့အခါ

•   ငါ့ကလေး အနိုင်ကျင့်ခံရရင် ဘာလုပ်ရမလဲ

•   သင့်ဆယ်ကျော်သက်ကလေး ကိုယ့်ကိုယ်ကိုယ် အနာတရ ဖြစ်အောင်လုပ်တဲ့အခါ

•   သားသမီးနဲ့ လူမှုမီဒီယာ—အပိုင်း ၁။ ငါ့ကလေးကို လူမှုမီဒီယာ ပေးသုံးသင့်သလား

•   သားသမီးနဲ့ လူမှုမီဒီယာ—အပိုင်း ၂။ ဆယ်ကျော်သက် သားသမီးတွေ လူမှုမီဒီယာကို အန္တရာယ်ကင်းကင်း သုံးတတ်အောင် သင်ပေးပါ

•   သားသမီးနဲ့ စမတ်ဖုန်း—အပိုင်း ၁။ သားသမီးကို စမတ်ဖုန်း ပေးသုံးသင့်သလား

•   သားသမီးနဲ့ စမတ်ဖုန်း—အပိုင်း ၂။ စမတ်ဖုန်းကို ချင့်ချိန်မှုရှိရှိ သုံးတတ်အောင် သားသမီးတွေကို သင်ပေးပါ

•   ဖုန်းနဲ့ မဖွယ်မရာပုံတွေ၊ စာတွေပို့ခြင်းအကြောင်း သင့်ကလေးနဲ့ ပြောဆိုနိုင်ပုံ