Жок. Сизди буга эч ким мажбурлабайт. Миллиондогон адамдар биз менен Ыйык Китепти изилдешет, бирок алардан сөзсүз Жахабанын Күбөсү болуу талап кылынбайт. a Биздин билим берүү программабыздын максаты — башкаларга Ыйык Китепте эмнелер жазылганын билүүгө жардам берүү. Алган билимиңизди кандай колдонушту өзүңүз чечесиз. Себеби Кудайга кызмат кылабы, жокпу, ар ким өзү чечет (Жашыя 24:15).

 Ооба. Биз Ыйык Китептин заманбап тилге которулган «Жаңы дүйнө котормосун» колдонууну каалайбыз. Эгер кааласаңыз, сизге да бекер бере алабыз. Ошентсе да изилдөө учурунда өзүңүздүн Ыйык Китебиңизди колдонгуңуз келсе, каршы эмеспиз. Алааматтан аман каларыбыз, жаркын келечек жөнүндө, Ыйык Китептин кайсы котормосунан болбосун, биле аласыз.

•   Негизи, бизге Жахаба Кудайды жакшы көргөнүбүз түрткү берет. Ал алган билимибизди башкалар менен бөлүшүшүбүздү каалайт (Матай 22:37, 38; 28:19, 20). Биз Кудайдын Сөзүндө жазылгандарды башкаларга айтып, «Кудайдын кызматташтары» болууну чоң сыймык деп эсептейбиз (1 Корунттуктар 3:6—9).

•   Ошондой эле бардык адамдарды жакшы көрөбүз (Матай 22:39). Өзүбүз окуп-билгендерди башкаларга айтуу бизге зор кубаныч тартуулайт (Элчилер 20:35).