DERS 02

Kitêba Pîroz Hêviyeke Xweş Dide

LÊDE

Li seranserê dinyayê problemên însanan pir in. Ji ber vê yekê, kul û derd û êşa dilê wan pir giran e. Gelo ev tişt hatine serê te jî? Belkî tu derdê nexweşiyeke giran dikişînî. Belkî însanekî ku tu jê hez dikî, jiyana xwe ji dest daye. Belkî jî tu ji xwe re dibêjî: “Gelo wê rojekê halê min baştir bibe?” Cewaba Kitêba Pîroz wê dilê te rihet bike.

1. Kitêba Pîroz çi hêviyê dide me?

Kitêba Pîroz ji me re zelal dike ku îro çima ew qas problem hene. Ew dibêje ku xebera xêrê jî heye. Yanî di wexteke nêzîk de, Xwedê wê van kul û derdan bi temamî tune bike. Bi vî awayî Kitêba Pîroz ji me re ‘hêvî û fikrên xweşiyê’ soz dide (Yêremya 29:11, 12 bixwîne). Ev soz alî me dikin ku em a niha li hemberî kul û derdên xwe sebir bikin, û hem îro hem jî heta bi hetayê dilşad bin.

2. Kitêba Pîroz li ser pêşeroja me çi dibêje?

Kitêba Pîroz li ser pêşerojê dibêje ku “êdî mirin wê nebe. Êdî şîn û girîn, êş û elem jî wê nebin” (Peyxam 21:4 bixwîne). Îro derdên mîna feqîrî, bêedaletî, nexweşî û mirin hene. Ew dikarin barê jiyana me giran bikin û me bê hêvî bihêlin. Kitêba Pîroz soz dide ku ev kul û derd êdî wê nemînin. Ew dibêje ku dinya wê bibe cenet, û her kes wê heta bi hetayê dilşad be.

3. Tu çawa dikarî baweriya xwe bi sozên Kitêba Pîroz bînî?

Gelek însan hêvî dikin ku tiştên baş wê çêbin, lê ew qet nizanin ka hêviya wan wê rojekê bê cih. Lê belê, em dikarin baweriya xwe bi sozên Kitêba Pîroz bînin. Ji bo vê yekê lazim e ku em “her roj li ser Nivîsarên Pîroz lêkolîn” bikin (Karên Şandiyan 17:11). Gava tu Kitêba Pîroz baştir nas bikî, tuyê bi xwe bibînî ka tu dikarî baweriya xwe bi sozên Kitêba Pîroz bînî.

HÛR Û KÛR BIFIKIRE

Kitêba Pîroz li ser pêşerojê çi soz dide me? Hêviya ji Kitêba Pîroz îro çawa alî me dike?

4. Kitêba Pîroz soz dide ku emê heta bi hetayê bê kul û derd bijîn

Ka bala xwe bide van sozên Kitêba Pîroz. Bi xisûsî kîjan soz dilê te xweş dikin û çima?

Ayetan bixwîne û li ser van pirsan bifikire:

Tu çi dibêjî, çi feydeya van ayetan ji bo te heye? Çi feydeya wan ji bo malbat û hevalên te heye?

Dinyayeke wisa bîne ber çavê xwe ku

TU KES WÊ ...	HER KES WÊ ...
êşê nekişîne, kal û pîr nebe û nemire (Îşaya 25:8).	bibîne ku miriyên wan wê ji mirinê rabin û ewê bi hev re li ser erdê bijîn (Yûhenna 5:28, 29).
nexweş nekeve û seqet nebe (Îşaya 33:24; 35:5, 6).	bi sihet û bi qewet be (Eyûb 33:25).
rastî bêedaletiyê neyê (Îşaya 32:16, 17).	têr be, xwediyê xaniyekî xweşik be û bi kêfxweşî bişixule (Zebûr 72:16; Îşaya 65:21, 22).
şer neke û derdên giran nekişîne (Zebûr 46:9).	di nav aştî û selametiyê de be (Zebûr 37:11).
ji ber fikir û bîranînên xerab aciz nebe (Îşaya 65:17).	heta bi hetayê jiyaneke pir xweş derbas bike (Zebûr 37:29).

5. Sozên Kitêba Pîroz bitesîr in

Gelek însan ji ber problemên li derdora xwe aciz dibin û diqehirin. Hinek jî, ji bo ku halê jiyanê xweştir bikin, şer dikin. Ka bibîne ku sozên Kitêba Pîroz çawa îro alî însanan dike. VÎDEOYÊ vêxe û li ser van pirsan sohbetê bikin:

VÎDEO: Min Dixwest li Hember Bêedaletiyê Micadele Bikira (4:07)

Rafika ji ber kîjan bêedaletiyê aciz dibû?
Wê nikaribû bêedaletî safî bikira. Gelo Kitêba Pîroz çawa alî wê kir?

Sozên Kitêba Pîroz qewetê didin me ku em cesareta xwe winda nekin û li hemberî kul û derdên xwe sebir bikin. Methelokên Silêman 17:22 û Romayî 12:12 bixwîne û li ser van pirsan sohbetê bikin: