ចូរទទួលប្រយោជន៍ពីការស្លាប់របស់លោកយេស៊ូ
មួយឆ្នាំម្ដង សាក្សីព្រះយេហូវ៉ានិងមនុស្សរាប់លាននាក់នៅទូទាំងពិភពលោកបានជួបជុំគ្នាធ្វើពិធីរំលឹកមរណភាពរបស់លោកយេស៊ូ ដូចលោកបានបង្គាប់។ (លូកា ២២:១៩) កម្មវិធីនេះជួយយើងឲ្យយល់សារៈសំខាន់អំពីអ្វីដែលលោកយេស៊ូបានធ្វើ ពេលដែលលោកលះបង់ជីវិតខ្លួនសម្រាប់មនុស្សជាតិ។ កម្មវិធីនេះក៏បង្ហាញអំពីរបៀបដែលការស្លាប់របស់លោកមានឥទ្ធិពលមកលើជីវិតយើងនៅឥឡូវនេះនិងនៅអនាគតផងដែរ។—យ៉ូហាន ៣:១៦
មិនថាលោកអ្នកបានចូលរួមឬមិនបានចូលរួមពិធីរំលឹកនៅឆ្នាំនេះក្ដី តើតាមរបៀបណាលោកអ្នកអាចទទួលប្រយោជន៍ពីការស្លាប់របស់លោកយេស៊ូ? លោកយេស៊ូបានបង្រៀនថាយើងគួរធ្វើអ្វីសំខាន់ពីរយ៉ាង៖
១. រៀនអំពីព្រះនិងលោកយេស៊ូ។ ពេលលោកអធិដ្ឋានទៅបិតានៅស្ថានសួគ៌ លោកបានមានប្រសាសន៍ថា៖«អស់អ្នកដែលនឹងទទួលជីវិតដែលគ្មានទីបញ្ចប់ ត្រូវស្គាល់លោកដែលជាព្រះពិតតែមួយឲ្យបានច្បាស់ និងត្រូវស្គាល់យេស៊ូគ្រិស្តដែលលោកបានចាត់ឲ្យមក»។—យ៉ូហាន ១៧:៣
២. ធ្វើតាមអ្វីដែលអ្នករៀន។ លោកយេស៊ូបានបញ្ជាក់ថា យើងត្រូវអនុវត្តតាមសេចក្ដីបង្រៀនរបស់លោកក្នុងជីវិតប្រចាំថ្ងៃ។ ជាឧទាហរណ៍ នៅចុងបញ្ចប់សុន្ទរកថាដ៏ល្បីរបស់លោក លោកបានបង្គាប់ដល់អស់អ្នកដែល«ស្ដាប់ពាក្យរបស់[លោក] ហើយធ្វើតាម»។ (លូកា ៦:៤៦-៤៨) នៅពេលមួយទៀត លោកក៏បានមានប្រសាសន៍ស្រដៀងនេះដែរថា៖«ឥឡូវអ្នករាល់គ្នាដឹងការទាំងនេះ តែបើអ្នករាល់គ្នាធ្វើការទាំងនេះ អ្នករាល់គ្នានឹងមានសុភមង្គល»។—យ៉ូហាន ១៣:១៧
តើអ្នកចង់រៀនថែមទៀតអំពីព្រះនិងលោកយេស៊ូទេ? តើអ្នកចង់ទទួលដំបូន្មានល្អៗអំពីរបៀបធ្វើតាមអ្វីដែលអ្នករៀនឬទេ? នៅខាងក្រោមនេះមានវិធីខ្លះដែលអាចជួយអ្នកបាន។
វគ្គសិក្សាគម្ពីរ
វគ្គសិក្សាគម្ពីរដោយឥតគិតថ្លៃ បានរៀបចំឡើងដើម្បីជួយមនុស្សជាច្រើនឲ្យពិនិត្យមើលបទគម្ពីរ និងអនុវត្តតាមអ្វីដែលគម្ពីរចែងក្នុងជីវិតប្រចាំថ្ងៃ។
សូមចូលទៅទំព័រដែលមានវគ្គសិក្សាគម្ពីរដើម្បីស្វែងយល់ថែមទៀតអំពីកម្មវិធីនេះ។
សូមទស្សនាវីដេអូដែលមានចំណងជើងថាសូមសប្បាយនឹងការរៀនគម្ពីរ ដើម្បីដឹងថាការសិក្សាគម្ពីរជាមួយសាក្សីព្រះយេហូវ៉ាគឺយ៉ាងណា។
កិច្ចប្រជុំរបស់សាក្សីព្រះយេហូវ៉ា
សាក្សីព្រះយេហូវ៉ាជួបជុំគ្នាពីរដងក្នុងមួយសប្ដាហ៍នៅកន្លែងគោរពប្រណិប័តន៍របស់ពួកគេដែលហៅថាសាលប្រជុំ។ នៅកិច្ចប្រជុំនោះ យើងពិភាក្សាគ្នាអំពីគម្ពីរនិងរៀនអំពីរបៀបដែលយើងអាចធ្វើតាមសេចក្ដីបង្រៀនក្នុងគម្ពីរ។
កិច្ចប្រជុំនោះបើកជាសាធារណៈ ហើយអ្នកមិនចាំបាច់ធ្វើជាសាក្សីព្រះយេហូវ៉ាដើម្បីចូលរួមនោះទេ។ អ្នកអាចចូលរួមប្រជុំដោយផ្ទាល់ឬតាមវីដេអូក៏បាន ស្របទៅតាមកាលៈទេសៈក្នុងតំបន់របស់អ្នក។
សូមទស្សនាវីដេអូដែលមានចំណងជើងថាតើមានកម្មវិធីអ្វីខ្លះនៅសាលប្រជុំរបស់យើង? ដើម្បីដឹងអំពីអ្វីដែលធ្វើឡើងនៅកិច្ចប្រជុំរបស់យើង។
សូមស្វែងរកសាលប្រជុំដែលនៅជិតតំបន់របស់អ្នក ដោយចូលទៅទំព័រអំពីកិច្ចប្រជុំរបស់សាក្សីព្រះយេហូវ៉ា។
អត្ថបទនិងវីដេអូតាមអ៊ីនធឺណិត
អត្ថបទនិងវីដេអូជាច្រើននៅក្នុងគេហទំព័រនេះ អាចជួយអ្នកឲ្យរៀនថែមទៀតអំពីសេចក្ដីបង្រៀនរបស់លោកយេស៊ូ និងប្រយោជន៍នៃការស្លាប់របស់លោក។
ជាឧទាហរណ៍ ដើម្បីរៀនអំពីរបៀបដែលការស្លាប់របស់បុរសម្នាក់នេះអាចផ្ដល់ប្រយោជន៍ដល់មនុស្សរាប់លាននាក់ សូមអានអត្ថបទ ចំណងជើងថា«តើលោកយេស៊ូសង្គ្រោះយើងតាមរបៀបណា?» ហើយ«ហេតុអ្វីលោកយេស៊ូបានរងទុក្ខនិងស្លាប់?» ឬទស្សនាវីដេអូដែលមានចំណងជើងថាហេតុអ្វីលោកយេស៊ូបានស្លាប់?
លោកអ្នកក៏ប្រហែលជាចូលចិត្តដែរ
សេចក្ដីបង្រៀនសំខាន់ៗក្នុងគម្ពីរ
ហេតុអ្វីលោកយេស៊ូបានស្លាប់?
គម្ពីរប្រាប់យើងអំពីសារៈសំខាន់នៃការស្លាប់របស់លោកយេស៊ូ។ តើការស្លាប់របស់លោកមានគោលបំណងអ្វី?
កិច្ចប្រជុំ
តើមានកម្មវិធីអ្វីខ្លះនៅសាលប្រជុំរបស់យើង?
សូមអញ្ជើញលោកអ្នកចូលមើលដោយផ្ទាល់។
អំពីយើង
កិច្ចប្រជុំក្រុមជំនុំរបស់សាក្សីព្រះយេហូវ៉ា
អញ្ជើញរកព័ត៌មានអំពីទីកន្លែងដែលយើងជួបជុំគ្នា និងរបៀបដែលយើងគោរពប្រណិប័តន៍។
អំពីយើង
ពិធីរំលឹកមរណភាពរបស់លោកយេស៊ូ
សាក្សីព្រះយេហូវ៉ាសូមអញ្ជើញលោកអ្នកចូលរួមពិធីរំលឹកមរណភាពរបស់លោកយេស៊ូ នាថ្ងៃទី១២ ខែមេសា ឆ្នាំ២០២៥។
