Aap, Guutimmi kis­saatigaa inuit guutisior­niarlutik katersuut­tar­nis­saat. Biibilimi allas­simavoq: “Asan­nit­tulior­nis­samut ajun­ngitsulior­nis­samullu kajumis­saaqatigiik­kumal­luta isumas­soqatigiitta. Ataatsimiigias­saarsimasut ilaar­nagit qiim­mas­saqatigiitta.” – Hebræerit 10:24, 25.

 Jiisusip oqaatigimisaar­paa malin­nitsini peqatigiis­sor­tatut aaq­qis­sugaas­sasut ima oqarfigigamigit: “Asaqatigiik­kussi kik­kut tamarmik paasis­savaat ilin­niar­titarigissi.” (Johan­nesi 13:35) Kristusip ilin­niar­titaasa asan­nin­neq tamanna pingaar­tumik uppeqatimin­nik peqateqar­tar­nermik­kut ersersis­sin­naavaat. Akut­toqatigiim­mik guutisioqatigiis­sin­naajumal­lutik ilagiit­tut aaq­qis­sugaasariaqar­put. (Korintimiunut 1. 16:19) Ataatsimullu tas­saajumaar­put nunarsuaq tamak­kerlugu qatan­ngutigiis­suit. – Petrusimit 1. 2:17.

Upperisarsioqatigiinnut ilaasortaaginnarneq naammanngilaq

 Biibilimi allas­simavoq inuit guutisior­niarlutik katersuut­tas­sasut, ajoqersuutigineqan­ngilarli upperisarsior­tunut ilaasor­taagin­nar­nik­kut Guutimit iluarisaasoqarsin­naasoq. Guutimit iluarisaajumasup upperisani ullut tamaasa inuunermini sun­niuteqar­tit­tariaqar­paa. Assersuutigalugu Biibilimi allas­simavoq: ‘Upperisarsioriaaseq Guutitta Ataatat­talu minguitsutut mingutsin­neqarsiman­ngitsutullu isigisaa tas­saavoq: Iliarsun­nik uil­lar­ner­nillu annikil­lior­tunik isumas­suineq inuillu ajor­tut inooriaasian­nit mingutsin­neqan­ngin­neq.” – Jaaku 1:27, qup­per­nerup ataani ilan­ngus­saq.