Pin­ngortitsiserput uagutsin­nit ilisimas­suseqar­nerungaarpoq. Ataataasutut asan­nit­tutut uagutsin­nik isumas­suingaartuuvoq. Im­minit siulersorneqarata inuunis­sarput siunertarisiman­ngisaan­narpaa. (Esaja 29:16) Soorlu meeq­qat angajoq­qaamin­nit siun­nersorneqarnis­sartik pisariaqartik­kaat taamatut­taaq uagut tamat­ta Guutimit siun­nersorneqarnis­sarput pisariaqartip­parput. (Esaja 48:17, 18) Guutip siun­nersortarpaatigut najoq­qutas­siat Biibilimiit­tut aq­qutigalugit. — Atuaruk 2 Timotheusi 3:16.

Jehovap inatsisai najoq­qutas­siaalu iluaqutigalugit maan­nak­kut inooriaaseq pitsaanerpaaq suunersoq siunis­samilu inuuneq naas­saan­ngitsoq qanoq angusin­naanerip­put ilin­niartin­neqarpugut. Guutimit pin­ngortin­neqarat­ta taas­suma siun­nersuutaanik qujamasul­luta maleruaanis­sarput pis­susis­samisuuin­narpoq. — Atuakkit Tussiaat 19:8, 12; Saqqummersitat 4:11.

Najoq­qutas­siat Biibilimeersut tas­saap­put ilumoortut tun­ngaviusut tamatigut atuut­tut. Inatsisil­li amerlanertigut aalajangersimasumut tun­ngasarput. (5 Mosesi 22:8) Najoq­qutas­siaq pis­sutsini as­sigiin­ngitsuni qanoq atorsin­naanerip­put paasiumal­lugu eq­qarsarsin­naanerput atortariaqarparput. (Ussatit 2:10-12) As­sersuu­tigalugu inuunerup Guutimit tunis­sutaanera Biibilimi ilin­niartitsis­sutigineqarpoq. Ilumoortoq tun­ngaviusoq taman­na kajumis­sissutigalugu sulif­fitsin­ni, angerlarsimaf­fitsin­ni angal­lan­nermilu inuunermik navianartorsior­titsisin­naasut pin­ngitsoorniar­tarpavut. Inuuneq tunis­sutaam­mat isuman­naal­lisaajumas­saagut. — Atuaruk Tussiaat 100:3.

Jiisusip najoq­qutas­siat pingaarnerit marluk maleruartariaqak­kavut eq­qaavai. Siul­leq inuunerup siunertavianut  tun­ngavoq, tas­sa Guutimik ilisarisiman­nin­nermut, taas­sumin­nga asan­nin­nermut aalajaal­lunilu taas­sumun­nga kif­fartornermut. Najoq­qutas­siaq siul­leq taan­na iliuutsitsigut tamatigut maleruartaria­qarparput. (Ussatit 3:6) Maleruartuarutsigu Guutimut ikin­ngutaalersin­naal­lutalu piviusumik pil­lualersin­naal­lutalu naas­saan­ngitsumik inuulersin­naas­saagut. — Atuakkit Matthæusi 22:36-38.

Najoq­qutas­siap aap­paa al­lanut at­taveqar­nermut tun­ngatil­lugu iluaqutigisin­naavarput. (1 Korinthimiut 13:4-7) Najoq­qutas­siaq taan­na malik­kumal­lugu Guutip inun­nik pin­nit­tarneratut inuit al­lat pisariaqar­pavut. — Atuakkit Matthæusi 7:12; 22:39, 40.

Ilaqutariit najoq­qutas­siat Biibilimiit­tut iluaqutigisin­naavaat asaqatigiil­lutik at­taveqatigiil­luartuarnis­samin­nut. (Kolossemiut 3:12-14) Aam­ma aap­pariin­nerup ataavar­tuusaria­qarnera pil­lugu najoq­qutas­siaq Biibilimiit­toq ilaqutariin­nut il­lersuutaavoq. — Atuaruk 1 Mosesi 2:24.

Najoq­qutas­sianik Biibilimiit­tunik maleruaanerput aningaasaqarniarnik­kut misigis­sutsik­kul­lu iluaqutigisin­naavarput. As­sersuutigalugu sulisitsisut inuit najoq­qutas­sianik Biibilimiit­tunik un­neq­qaris­suunis­samik eqiasuitsuunis­samil­lu maleruaasut atorfinitsik­kumanerusarpaat. (Us­satit 10:4, 26; Hebræerit 13:18) Guutip oqaasiani aam­ma pigisatsin­nik pisariaqartuin­narnik naam­magin­nit­tooq­quneqarpugut, Guutimil­lu ikin­nguteqar­nerput pigisanin­ngarnit pingaarneruteq­quneqarpoq. — Atuakkit Matthæusi 6:24, 25, 33; 1 Timotheusi 6:8-10.

Inatsisinik najoq­qutas­sianil­lu Biibilimiit­tunik maleruaanerput peq­qis­sutsitsin­nut iluaqutaasin­naavoq. (Ussatit 14:30; 22:24, 25) As­sersuu­tigalugu aalakuun­ngin­nis­samik Guutip inatsisaa il­lersuu­tigaarput toqus­sutaasumik nap­paateqalin­ngin­nias­sagat­ta ajunaan­ngin­nias­sagat­talu. (Ussatit 23:20) Jehovap ingasaas­sinata imigas­sartortarnis­sarput akueraa. (Tussiaat 104:15; 1 Korinthimiut 6:10) Najoq­qutas­siat Biibilimiit­tut iliuutsit­ta mianersuutiginis­saan­nuin­naq iluaqutaanatik aam­ma eq­qarsaatit­ta mianersuutiginis­saan­nut iluaqutaap­put. (Tussiaat 119:97-100) Kristumiul­li ilumoortut Guutip najoq­qutas­siaanik maleruaagaangamik im­min­nut iluaqutaanerat pis­sutigiin­narnagu maleruaasarput. Pingaarnerpaamik Jehovamut ataq­qinaataa­rusuk­kamik maleruaasarput. — Atuakkit Matthæusi 5:14-16.