Guutip Aaperaap kinguaavisa ilaat inatsisinik tunigamigit inuiat­tut aaq­qis­suus­saasun­ngortip­pai. Inuiaat taak­ku Israelik­kun­nik taavai pal­lorfigin­nin­nermil­lu ilumoortumik oqaatsiminil­lu il­lersuinis­samik akisus­saaf­filerlugit. (Tussiaat 147:19, 20) Taamaat­tumik Israelik­kut aq­qutigalugit inuit inuian­nit tamaneersut pil­luaq­quneqarsin­naap­put. — Atuaruk 1 Mosesi 22:18.

Guutip Israelik­kut im­minik ilisiman­nit­tuusus­satut, imaluun­niit im­minut nalunaajaa­suusus­satut, toq­qarpai. Itsaq Israelik­kut oqalut­tuarisaa­neran­nit erserpoq inuit Guutip inatsisaanut naalan­nertik qanoq iluaqutigisar­neraat. (5 Mosesi 4:6) Taamaalil­lutik inuit al­lat Israelik­kut aq­qutiga­lugit Guutimik ilumoortumik ilisarisiman­nilersin­naap­put. — Atuakkit Esaja 43:10, 12.

Pif­fis­sap ingerlanerani Israelik­kut Jehovamit iluarisaajun­naarput, inuian­nul­li taak­kunun­nga taarsiul­lugit Jehovap ilagiit kristumiut iluarisarilerpai. (Matthæusi 21:43; 23:37, 38) Ul­lumik­kut Jehova pil­lugu nalunaajaasuusut tas­saan­ngil­lat Israelik­kut, tas­saap­pul­li kristumiut ilumoortut. — Atuakkit 1 Petrusi 2:9, 10.

Jiisusip ajoqersuk­kani aaq­qis­suus­saasumik nalunaajaaqatigiit­tarnis­saan­nik inuiaqatigiin­nil­lu tamaneersunik ajoqersugan­ngortitsinis­saan­nik ilin­niartip­pai. (Matthæusi 10:7, 11; 24:14; 28:19, 20) Maan­nak­kut silarsuup nag­gatis­saata qanil­liartornerani aatsaat taama oqaluus­sisoqartigaaq. Ul­lumik­kut Jehovap inuit mil­lionil­lit inuiaqatigiin­nit tamaneersut pal­lorfigin­nin­nermut ilumoortumut katersortip­pai. (Saqqummersitat 7:9, 10) Kristumiut ilumoortut qiim­mas­saqatigiil­lutil­lu ikioqatigiis­sin­naanias­sagamik peqatigiis­sortatut aaq­qis­suus­saap­put. Silarsuaq tamak­kerlugu taak­kua ataatsimiin­neran­ni Biibilimik ilin­niartin­neqarnerat pilersaarusiat as­sigiit atorlugit ingerlan­neqartarpoq. — Atuakkit Hebræerit 10:24, 25.

1870-ik­kun­ni Biibilimik atuaq­qis­saartartut ikit­tun­nguit sal­lusuis­sutit Biibilimeersut ukiorpas­suarni paasineqarsiman­ngitsut paasilerpaat. Taak­kua nalun­ngin­namik­ku ilagiit kristumiut Jiisusimit oqaluus­seq­quneqar­simasut silarsuaq tamak­kerlugu oqaluus­sineq im­mik­kut suliniutigi­salerpaat. 1931-mi taak­kua taaguutigi­lerpaat Jehovap Nalunaajaasui. — Atuakkit Apustilit Suliaat 1:8; 2:1, 4; 5:42.

Ukiuni hundredelin­ni siul­lerni ilagiit kristumiut nunani amerlasuuniit­tut siulersuisoqatigiin­nit siulersorneqarput. Siulersuisoqatigiit taak­kua Jiisusi ilagiin­nut niaquusutut akueraat. (Apustilit Suliaat 16:4, 5) Ul­lumik­kut­taaq Jehovap Nalunaajaasuisa nunarsuaq tamak­kerlugu Siulersuisoqatigiit utoq­qaanertanik misilit­tagaqarluartunik ilaasortal­lit iluaqutigisarpaat. Taak­kua nak­kutigisaraat Jehovap Nalunaajaasuisa im­mik­koortor­taqarfii, taak­kunani Biibililersaarutit oqaatsinut 600-nit amerlanerusunut nutserneqartarput, naqiterneqartarlutik ag­guaan­neqartar­lutil­lu. Taamatut Siulersuisoqatigiit Biibili tun­ngavigalugu ilagiin­nik 100.000-init amerlanerusunik sumi tamaniit­tunik kaam­mat­tuil­lutil­lu siun­nersuisin­naap­put. Ilagiin­ni tamaniit­tut angutit piumasaqaatinik eq­qortitsisut utoq­qaaner­tatut, tas­sa nak­kutil­liisutut, kif­fartorput. Angutit taak­ku “Guutip savaataanik” isumas­suil­luarput. — Atuakkit 1 Petrusi 5:2, 3.

Jehovap Nalunaajaasui peqatigiis­sortatut aaq­qis­suus­saap­put nutaarsias­samik nuan­nersumik oqaluus­sis­sutigin­nin­nias­sagamik ajoqersugan­ngortit­sior­tornias­sagamil­lu. Apustilit iliornerat­tut il­lumiit il­lumut oqaluus­sisarput. (Apustilit Suliaat 20:20) Aam­ma sal­lusuis­sum­mik ilumoorlutik paasin­nerusut­tut Biibilimik atuaq­qis­saaqatiginis­saan­nik neqeroor­figisarpaat. Jehovap Nalunaajaasui tas­saagin­nan­ngil­lat peqatigiif­fik. Ilaqutariiup­put asan­nit­tumil­lu ataataqarlutik. Qatan­ngutigiiup­put im­min­nut isumas­soqatigiit­tut. (2 Thessalonikamiut 1:3) Jehovap in­nut­tai taas­suma iluarisaatut iliornis­samut al­lanil­lu ikiuisarnis­samut aaq­qis­suus­saagamik nunarsuarmi ilaqutariiup­put pil­luarnerpaat. — Atuakkit Tussiaat 33:12; Apustilit Suliaat 20:35.