Siul­ler­tut, ilumoor­toq una tup­pal­lersaatigiuk: Guutip ul­lumik­kut silarsuarmi naal­liuutit takusin­naal­lugil­lu iliuuseqarfigerusup­pai. (Tus­siaat 72:13, 14) Oqaatsimini, Biibilimi, Guutip ‘an­nikil­lior­titaasut atoruminarsisitsinermik akilis­sal­lugit’ neriorsor­pai. Qaqugu taamaalius­sava? “Naalagaq Jiisusi in­ngilini pis­saasut ilagalugit qilam­mit saq­qum­mersitaap­pat ... aggiul­lugu pil­laatis­saq Guutimik ilisimasaqan­ngitsunut Naalak­kamil­lu Jiisusimik iivangkiiliumut naalak­kuman­ngitsunut.” (2 Thes­salonikamiut 1:7, 8) Siunis­sami, Biibilimi ‘Guutip Ajugaqan­ngitsup ul­lus­sarsuani sorsuf­fim­mik’ taaneqar­tumi aam­ma Harmagedonitut ilisimaneqar­tumi, Jiisusi saq­qum­mersitaas­saaq. – Saq­qum­mersitat 16:14, 16.

Siunis­sami sorsun­nermi tamatumani Guutip inuit ator­nagit er­nini, Jiisusi Kristusi, pin­ngor­tital­lu anersaajusut pis­sarsuit ajor­tunut sorsun­nermut atus­savai. Katersaarsuit qilam­miusut naqisiman­nin­nerit tamaasa atuuk­kun­naarsis­savaat. – Esaja 11:4; Saq­qum­mersitat 19:11-16.

Ul­lumik­kut Guutip sorsun­ner­nik isigin­nit­taasia al­lan­ngorsiman­ngilaq. Naqisiman­nin­neq ajus­suserlu atuuk­kun­naarsin­niarlugit sorsun­neq suli akuersaar­paa. Soorluli oqalut­tuarisaanermit erser­toq Guutip kisimi eq­qor­tumik aalajangersin­naavaa qaqugukkut sorsugiar­toqas­sal­lunilu kikkut sorsoqataas­sanersut. Sam­meriik­katsitut ajus­suseq atuuk­kun­naarsin­niarlugu naqisimaneqar­tul­lu akiniun­niarlugit siunis­sami sorsut­toqas­sasoq tamatumalu er­nerminit, Jiisusimit Kristusimit,  siulersor­neqar­nis­saa Guutip aalajangereer­paa. Taamaat­tumik ul­lumik­kut nunarsuarmi sorsun­nerit, qanorluun­niit naaper­tuil­luar­tiger­pasik­kaluar­pata, Guutimit iluarineqan­ngil­lat.

As­sersuuteqariar­ta: Takorlooruk nukap­piaq­qat nukariit ataatar­tik peqan­ngitsoq paalersut. Paajun­naarlutik ataatar­tik sianerfigaat. Aap­paata qatan­ngun­ni aal­lar­tin­neraraa aap­paa ajor­tumik pineqar­nerar­poq. Marluul­lutik taperser­neqar­nis­sar­tik neriuutigalugu ataatamin­nut oqaatil­liip­put. Ataataasul­li tusar­naareerlugit oqarfigai paas­san­ngitsut angerlar­nis­saminul­lu utaq­qeq­qul­lugit. Nukap­piaq­qat sivikitsumik utaq­qereerlutik paaq­qiler­put. Ataataasup angerlarami qitor­nani iluarinagit naalan­ngin­nerat pil­lugu pil­lar­pai.

Ul­lumik­kut inuiaqatigiit akersuut­tut Guutimut taperseq­qul­lutik qinusar­put. Guutil­li ul­lumik­kut sorsut­tut tapersersor­neq ajor­pai. Oqaatsiminili, Biibilimi, ima ersaris­sumik oqar­poq: “Ajor­toq akileqinasiuk ajor­toqataanik” aam­ma “nam­mineerlusi akiniaaqinasi”. (Romamiut 12:17, 19) Tamatuma saniatigut inuiaat Harmagedonimi iliuuseqar­nis­sami tungaanut ‘eq­qis­sil­lutik utaq­qinis­saat’ ilisimaneqalersip­paa. (Tus­siaat 37:7) Inuiaat utaq­qeq­qaar­natik sorsuutilersut soq­qusaatsumik saas­sus­sisutut Guutip isigisar­pai. Taamaat­tumik Harmagedonimi ‘nunarsuarmi tamarmi sorsun­nerit soraarsin­nerisigut’ Guutip kaman­nini ersersis­sal­lugulu inuiaqatigiit akersuuk­kun­naarsis­savai. (Tus­siaat 46:10; Esaja 34:2) Aap, Harmagedonimi sorsun­nerit tamarmik soraarsin­neqas­sap­put.

Sorsut­toqar­tarun­naar­nera Guutip naalagaaf­fiata pil­luaq­qus­sutis­sar­pas­suisa ilaan­naraat. Jiisusip naalagaaf­fik taan­na qin­num­mi ilisimaneqarluar­tumi matumani eq­qar­tor­paa: “Naalagaaf­fiit tikiul­li, piumasat qilam­misut nunamis­saaq pili.” (Mat­thæusi 6:10) Guutip naalagaaf­fiata sorsun­nerit tamaasa unitsiin­nar­nagit sorsun­ner­nut pis­sutaasoq, ajus­suseq, atuuk­kun­naarsis­savaa. * (Tus­siaat 37:9, 10, 14, 15) Jiisusip ajoqersugaasa Guutip naalagaaf­fiata pil­luaq­qus­sutisias­saasa atuutiler­nis­saan­nut qilanaar­nerat paasinar­poq. – 2 Petrusi 3:13.

Guutil­li naalagaaf­fiata naal­liuutinik, naqisiman­nin­ner­nik ajus­sutsimil­lu atuuk­kun­naarsitsinis­saata tungaanut qanoq sivisutigisumik utaq­qis­saagut? Biibilimi siulit­tuutip eq­quun­neranit erser­poq pis­sutsit aaq­qis­suus­saanerat matuma ‘ul­luini kingul­ler­ni’ inuusugut. (2 Timotheusi 3:1-5) * Qanit­tuk­kut, Harmagedonimi, Guutip naalagaaf­fiata ul­lut kingul­liit taak­ku taamaatitis­savai.

Siusin­nerusuk­kut eq­qaaneqar­tutut sorsun­nermi kingul­lermi pil­lar­neqar­tut tas­saas­sap­put ‘Naalak­kamik Jiisusimik iivangkiiliumut naalak­kuman­ngitsut’. (2 Thes­salonikamiut 1:8) Eq­qaamajul­li inuup kialuun­niit, aam­ma ajor­tup, toqunera Guutip iluarin­ngisaan­narmagu. (Ezekieli 33:11) Sorsun­nermi kingul­lermi tamatumani kial­luun­niit toqutaanis­saa kis­saatigin­ngin­namiuk naggatis­sap nal­liutin­ngin­nerani Naalagar­put Jiisusi pil­lugu nutaarsias­sap nuan­nersup ‘inuian­nut tamanut nalujun­naarsil­lugu silarsuarmi tamarmi oqaluus­sis­sutigineqar­nis­saa’ isumagaa. (2 Petrusi 3:8, 9; Mat­thæusi 24:14; 1 Timotheusi 2:3, 4) Aap, Jehovap Nalunaajaasuisa nunarsuaq tamak­kerlugu oqaluus­sinerisigut ul­lumik­kut inuit Guutimik ilisarisiman­niler­nis­samin­nut, Jiisusi pil­lugu nutaarsias­samut nuan­nersumut naalaler­nis­samin­nut ul­lul­lu sorsun­nerup atuuk­kun­naarsin­neqar­nis­saata misiginis­saanut periarfis­saqar­put.