Polenimi il­loqarfeeq­qami, Tysklandip kil­leqarfiata ungasin­ngisaani, inun­ngor­punga. Naasoris­saasut or­pip­pas­suil­lu akor­nan­ni eq­qis­sil­lunga peroriar­tor­punga. Angajoq­qaama asan­nit­tut pis­suseris­saar­nis­san­nik, atuarfim­mi naalat­tar­nis­san­nik nuimasumil­lu atorfeqar­nermik anguniagaqar­nis­samik kaam­mat­tor­paan­nga.

Il­loqarfim­mi Wrocławimi ilisimatusarfim­mi inatsisilerituutut ilin­nialerama ajor­nar­torsiuler­punga. Nam­mineq initaarama ikin­ngutipalaaqaler­punga. Arsar­neq nuan­nariuaan­nar­nikuuara, ikin­ngutitaak­kali ilagisalerak­kit ingasaas­sil­lunga arsaat­tar­tunik il­lersuisaler­punga. Il­lersor­tak­kak­ka Warszawameersuup­put, weekendinilu sumi unam­minerat apeq­qutaatin­nagu il­lersoriar­tor­tar­pak­ka. Angalaner­ni taamaat­tuni er­ngut­tar­pugut, ikiaroor­tar­pugut ilaan­nik­kul­lu il­lersor­tak­kat­ta unam­misaan­nik tapersersuisul­lu paggit­tarluta. Nalun­ngik­kaluarlugu politiinit tigusarineqaruma inatsisilerituutut sulisin­naajun­naas­sal­lunga taamatut angalasar­nera ul­luin­nar­ni ulapil­luni inuunermit qimaaner­tut isigaara.

Ikin­ngutik­kalu klubbinukar­nis­sar­put qitigiar­tarfin­nukar­nis­sar­pul­lu nuan­narisar­par­put. Taak­kunaniin­nitsin­nilu aq­qusiner­ni paggit­tunut akuliutikulasar­pugut. Arlaleriarlunga politiinit tigusarineqar­punga, tamatigul­li – ilaan­nik­kut akiliil­lunga peq­quserlutsitsinik­kut – eq­qar­tuus­saanis­sara pin­ngitsoor­tit­tar­para. Up­peril­luin­nar­para inuunera nuan­ner­ner­paamik atorlugu. Taamaak­kaluar­toq iliuutsima ajor­tuunerat qamuuna nalun­ngilara. Ilerasun­nera an­nikil­lisin­niarlugu sapaatit tamaasa naalagiar­tar­punga.

2004-mi Jehovap Nalunaajaasui marluk matun­nut kasut­tor­tut Biibili pil­lugu oqaloqatigisaler­pak­ka. Kristumiut ilumoor­tut inooriaasiat pil­lugu paasisaqar­nerujar­tor­til­lunga ilerasun­nerujar­tuin­nar­punga. Nalun­ngilara er­ngut­tar­neq ikiaroor­tar­nerlu unitsit­tariaqarlugil­lu najoq­qutas­sianik Biibilimeersunik maleruaan­ngitsunik peqateqar­tarun­naar­tariaqarlunga. Aam­ma kamajasuujun­naar­nis­sara nakuuser­tarun­naar­nis­saralu paasivara. Tamak­kuli nalun­ngik­kaluarlugit inooriaatsin­nik al­lan­nguin­ngilanga.

Angutinit arfineq-pingasunit unatar­neqareerlunga al­lan­nguivunga. Eq­qaamavara aq­qusinermi nalal­lunga niaq­quk­kut til­luar­neqarlungalu tuk­kar­neqarlunga. Toqusus­san­ngorsorigama Guutimut ima qinuvunga: “Jehova, utoq­qatser­punga oqaatsitit pimoorus­siman­ngin­nak­kit.  Inuuin­nas­saguma neriorsor­pak­kit Nalunaajaasut ilagalugit Biibili atuaq­qis­saar­talis­sal­lugulu inuunerluk­kun­naas­sal­lunga.” Tupin­naan­nar­tumik toqun­ngilanga. Biibilimik atuaq­qis­saar­taler­nis­samik neriorsuinera eq­qor­tip­para.

2006-imi Tuluit Nunaan­nut nuup­punga. Polenimut uter­nis­san­nut inatsisilerinermul­lu tun­ngatil­lugu qaf­fasin­nerusumik ilin­niagaqaler­nis­san­nut aningaasarsior­nis­sara anguniagaraara. Biibilimik atuaq­qis­saar­tar­nin­ni al­las­simaf­fik ataaseq kil­litsis­sutigingaar­para. Apustili Paulusi ima al­lap­poq: “Tamak­ku tamaasa ajunaarutaatip­pak­ka pis­sutigalugu Kristusi-Jiisusimik Naalak­kan­nik ilisiman­nin­neq an­nerungaar­toq. Taan­na pil­lugu tamak­ku tamaasa an­naasimavak­ka, tamaasalu perlukutut igitas­saan­naatip­pak­ka Kristusi pigilerumal­lugu.” (Filip­pimiut 3:8) Apustili Paulusi uat­tul­li inatsisilerinermut tun­ngasumik ilin­niagaqarlunilu sior­natigut persut­taasar­tuuvoq. (Apustilit Suliaat 8:3) Taas­sumali Guutimut kif­far­tor­nik­kut sapin­ngisamil­lu Jiisusimik ilaarsiniar­nik­kut pitsaanerusumik inooriaaseqar­toqarsin­naanera paasivaa. Paulusip maligas­siuinera eq­qarsaatigeq­qis­saarak­ku paasivara nuimasumik atorfeqar­neq nakuuser­tar­nerlu pil­lualis­sutaasin­naan­ngitsut. Isum­mer­punga Paulusi al­lan­nguisin­naap­pat aam­ma uanga al­lan­nguisin­naal­lunga. Taamaat­tumik Tuluit Nunaan­niigin­nar­niarlunga inatsisilerinermul­lu tun­ngatil­lugu qaf­fasin­nerusumik ilin­niagaqar­niar­nanga aalajanger­punga.

Jehova pil­lugu ilin­niar­nerujar­tor­til­lunga ikin­ngutigil­luar­nerujar­tor­para. Taas­suma al­lan­nguinis­samin­nik ilumoorlutik kis­saateqar­tunik isumak­keerfigin­nin­nis­samik neriorsuutaa kil­litsis­sutigaara. (Apustilit Suliaat 2:38) Johan­nesip al­lagai siul­liit 4:16-imi al­las­simasoq “Guuti tas­saavoq asan­nin­neq” eq­qarsaatigeq­qis­saarak­ku paasiler­para sooq Guutip nakuuser­neq uumigigaa.

Aam­ma Nalunaajaasut pis­susilersoriaasiat ajasoorutigaara. Biibilimi ileq­qoris­saar­neq pil­lugu najoq­qutas­sianik qutsis­sunik maleruaaniar­nerat uan­nut ersarip­poq. Qatan­ngutigiis­suit pil­luar­tut ilaaf­figisaat aam­ma uanga ilaaf­figerusup­pak­ka. Tamaviaareerlunga inuunin­nil­lu al­lan­nguereerlunga 2008-mi Jehovap Nalunaajaasuatut kuisip­punga.

Anguniagaqarumatuutut, nakuuser­tar­tutut, ikiaroor­tar­tutut arsaat­tar­tunik ingasat­tajaarluni il­lersuisar­tutut imerajut­tutul­lu inuujun­naarlunga Guutimut kif­far­tor­tutut Biibili pil­lugu inun­nik al­lanik ilin­niar­titsinermik nuan­narisaqar­tutut inuuler­nis­san­nut Biibili iluaqutigaara. Suli arsaat­tut isigin­naas­sal­lugit nuan­naraara, aalajangiusimavarali aliik­kutas­sat taamaat­tut pingaar­tip­pal­laan­ngin­nis­saat.

Maan­na pil­luarlunga Esther, Jehovamik pal­lorfigin­nit­toq pin­nersoq, nuliaraara. Maani Tuluit Nunaata avan­naata-kitaani inuit Polenimiutut oqalut­tut Biibilimik ilin­niar­tin­nis­saat nuan­naarutigaar­put. Aatsaavis­suaq inuuleramali nalerisimaar­tutut misigiler­punga. Ilerasuuteqar­nangalu nuan­nersumik siuner­taqarluar­tumil­lu inuuneqar­punga.