جوحان 13:1—38
13 يسا ٶزىنىڭ وسى دۇنيەدەن كەتىپ، اكەسىنە باراتىن+ ۋاقىتىنىڭ كەلگەنىن+ قۇتقارىلۋ مەيرامى بولماي تۇرىپ بىلگەن ەدى. وسى دۇنيەدەگى ٶز ادامدارىن سۇيگەن يسا ولاردى اقىرىنا دەيىن ٴسۇيدى+.
2 كەشكى اس ٸشىلىپ جاتتى. بۇل كەزدە ٸبىلىس يساعا وپاسىزدىق جاساۋدى+ شيمون ۇلى ياھۋدا يسقاريوتتىڭ جۇرەگىنە سالىپ قويعان ەدى+.
3 اكەسى ٴبارىن ٶز قولىنا تاپسىرعانىن جانە قۇدايدان كەلىپ، قايتادان وعان باراتىنىن+ بىلگەن يسا
4 داستارقان باسىنان تۇرىپ، جامىلعىسىن شەشتى دە، بەلىنە سۇلگى بايلاپ الدى+.
5 سوسىن شىلاپشىنعا سۋ قۇيىپ، شاكىرتتەرىنىڭ اياقتارىن جۋىپ، بەلىنە بايلاعان سۇلگىمەن سۇرتە باستادى.
6 ال شيمون پەتىردىڭ جانىنا كەلگەندە، ول: «يەم، مەنىڭ اياعىمدى جۋماقسىز با؟»— دەدى.
7 يسا وعان: «نە ىستەپ جاتقانىمدى قازىر ەمەس، كەيىن تۇسىنەسىڭ»،— دەپ جاۋاپ بەردى.
8 پەتىر: «مەن سىزگە اياعىمدى ەشقاشان جۋعىزبايمىن!»— دەگەندە، يسا: «اياعىڭدى جۋماسام+، مەنىمەن ۇلەستەس بولمايسىڭ»،— دەدى.
9 بۇعان شيمون پەتىر: «يەم، وندا اياعىمدى عانا ەمەس، قولىم مەن باسىمدى دا جۋىڭىز»،— دەپ جاۋاپ قايىردى.
10 سوندا يسا: «شومىلعان كىسى تولىقتاي تازا، ونىڭ اياعىن عانا جۋۋ كەرەك. سەندەر تازاسىڭدار، ٴبىراق ٴبارىڭ ەمەس»،— دەدى.
11 سەبەبى ول وزىنە كىمنىڭ وپاسىزدىق جاسايتىنىن بىلەتىن+، سوندىقتان «ٴبارىڭ ەمەس» دەگەن ەدى.
12 ولاردىڭ اياقتارىن جۋىپ بولعان سوڭ، يسا جامىلعىسىن كيىپ، قايتادان داستارقان باسىنا جانتايدى دا، بىلاي دەدى: «سەندەرگە نە ىستەگەنىمدى تۇسىنەسىڭدەر مە؟
13 مەنى «ۇستاز»، «يەم» دەيسىڭدەر. بۇلارىڭ دۇرىس، ويتكەنى مەن سولمىن+.
14 ەگەر يەلەرىڭ ٵرى ۇستازدارىڭ بولا تۇرا، اياقتارىڭدى جۋسام+، سەندەر دە ٴبىر-ٴبىرىڭنىڭ اياقتارىڭدى جۋۋلارىڭ كەرەك*+.
15 مەن نە ىستەسەم، سەندەر دە سولاي ىستەسىن دەپ، ۇلگى كورسەتتىم+.
16 سەندەرگە ناعىز شىندىقتى ايتامىن، قۇلى قوجايىنىنان، ال جىبەرىلگەن ٶزىن جىبەرگەننەن ۇلكەن ەمەس.
17 وسىلاردى ٴبىلىپ قانا قويماي، سوعان ساي ارەكەت ەتسەڭدەر، باقىتتىسىڭدار+.
18 مۇنى بارلىعىڭ جايلى ايتىپ تۇرعان جوقپىن. مەن ٶزىم تاڭداپ العانداردى بىلەمىن. ٴبىراق مىنا جازبا ورنى ورىندالۋى كەرەك+: «داستارقانداس بوپ نانىمدى جەپ جۇرگەن كىسى ماعان قارسى وكشەسىن كوتەردى»+.
19 مۇنى ٵلى ورىندالماي جاتىپ ايتىپ تۇرمىن، وسىلايشا ايتقاندارىم ورىندالعاندا، مەنىڭ سول ەكەنىمە سەنەتىن بولاسىڭدار+.
20 سەندەرگە ناعىز شىندىقتى ايتامىن، كىمدە-كىم مەن جىبەرگەندى قابىلداسا، مەنى دە قابىلداعانى+. ال مەنى قابىلداعان ادامنىڭ مەنى جىبەرگەندى دە قابىلداعانى+».
21 وسىلاردى ايتقاننان كەيىن، يسا ىشتەي قاتتى تولقىپ: «سەندەرگە ناعىز شىندىقتى ايتامىن، ارالارىڭداعى بىرەۋ ماعان وپاسىزدىق جاسايدى»+،— دەپ اشىق ايتتى.
22 شاكىرتتەرى ونىڭ كىم تۋرالى ايتىپ تۇرعانىن بىلمەي، ابدىراپ ٴبىر-بىرىنە قاراستى+.
23 جاقسى كورەتىن شاكىرتى+ يسانىڭ قاسىندا جانتايىپ جاتقان ەدى.
24 شيمون پەتىر وعان ىمداپ بەلگى بەرىپ: «كىم تۋرالى ايتىپ جاتىر؟»— دەدى.
25 الگى شاكىرت باسىن يسانىڭ توسىنە تاقاپ: «يەم، ول كىم؟»— دەپ سۇرادى+.
26 يسا: «ٴبىرۇزىم ناندى تاباققا باتىرىپ، كىمگە بەرسەم، ول — سول ادام»+،— دەدى دە، ناندى تاباققا باتىرىپ، شيمون يسقاريوتتىڭ ۇلى ياھۋداعا بەردى.
27 ول ناندى العان سوڭ، بويىنا شايتان كىردى+. سوندا يسا وعان: «ىستەپ جاتقانىڭدى تەزىرەك ىستە»،— دەدى.
28 ال داستارقان باسىندا جانتايعانداردىڭ ەشقايسىسى يسانىڭ وعان نەگە بۇلاي دەگەنىن تۇسىنگەن جوق.
29 ورتاق قارجىنى سالاتىن جاشىكتى ياھۋدا الىپ جۇرەتىندىكتەن+، كەيبىرى يسا وعان مەيرامعا كەرەكتىلەردى ساتىپ الۋدى نە كەدەيلەرگە بىردەڭە بەرۋدى تاپسىرعان بولار دەپ ويلادى.
30 ال ياھۋدا ناندى العاننان كەيىن، بىردەن شىعىپ كەتتى. بۇل كەز ٴتۇن ەدى+.
31 ول كەتكەن سوڭ، يسا مىنانى ايتتى: «ەندى ادام ۇلى داڭقتالادى+، سول ارقىلى قۇداي دا داڭقتالادى.
32 ونى قۇدايدىڭ ٶزى داڭقتايدى+، ٵرى ول مۇنى بىردەن ىستەيدى.
33 بالالارىم، ەندى قاستارىڭدا ۇزاق بولمايمىن. سەندەر مەنى ىزدەيسىڭدەر. ٴبىراق «مەن باراتىن جەرگە بارا المايسىڭدار»+ دەپ ياھۋديلەرگە ايتقانىمدى قازىر سەندەرگە دە ايتامىن.
34 سەندەرگە جاڭا وسيەت بەرىپ وتىرمىن: ٴبىر-ٴبىرىڭدى سۇيىڭدەر. مەن سەندەردى قالاي سۇيسەم+، سەندەر دە ٴبىر-ٴبىرىڭدى سولاي سۇيىڭدەر+.
35 مەنىڭ شاكىرتتەرىم ەكەندەرىڭدى جۇرتتىڭ ٴبارى ٶزارا سۇيىسپەنشىلىكتەرىڭنەن بىلەتىن بولادى+».
36 شيمون پەتىر: «يەم، قايدا باراسىز؟»— دەپ سۇراعاندا، يسا: «مەن باراتىن جەرگە قازىر ەرىپ بارا المايسىڭ، ٴبىراق كەيىنىرەك سوڭىمنان كەلەسىڭ»+،— دەپ جاۋاپ بەردى.
37 پەتىر وعان: «يەم، نەگە قازىر سىزگە ەرە المايمىن؟ ٴسىز ٷشىن جانىمدى بەرۋگە دايىنمىن»،— دەدى+.
38 يسا: «ٴسىز ٷشىن جانىمدى بەرۋگە دايىنمىن دەيسىڭ بە؟ ساعان ناعىز شىندىقتى ايتامىن، اتەش شاقىرعانشا، سەن مەنەن ٷش رەت تاناسىڭ»،— دەپ جاۋاپ بەردى+.
سىلتەمەلەر
^ نەمەسە «جۋۋعا مىندەتتىسىڭدەر».
