ايان 11:1—19
11 ماعان ولشەۋىش تاياق سياقتى قامىس+ بەرىلىپ، بىلاي دەلىندى: «تۇر دا، قۇدايدىڭ عيباداتحاناسىنىڭ قاسيەتتى بولىگىن، قۇرباندىق ۇستەلىن* جانە سول جەردە عيبادات ەتىپ جاتقانداردى ولشەپ شىق.
2 ال عيباداتحانانىڭ قاسيەتتى بولىگىنىڭ سىرتىنداعى اۋلانى قالدىر، ونى ولشەمە، ويتكەنى ول باسقا ۇلتتارعا بەرىلگەن. ولار قاسيەتتى قالانى+ 42 اي بويى اياقتارىمەن تاپتايدى+.
3 مەن ەكى كۋاگەرىمدى جىبەرەمىن. ولار ازالى كيىم كيىپ، 1260 كۇن پايعامبارلىق ەتەتىن بولادى».
4 ولار قوس ٴزايتۇن اعاشى+ مەن قوس شامدال+ ارقىلى بەينەلەنگەن، ٵرى جەر يەسىنىڭ الدىندا تۇر+.
5 بىرەۋ ولارعا زيان كەلتىرگىسى كەلسە، اۋىزدارىنان وت شىعىپ، جاۋلارىن جالماپ قويادى. ولارعا زيان كەلتىرگىسى كەلگەن اركىم وسىلاي ٶلىم قۇشادى.
6 ەكەۋىندە پايعامبارلىق ەتكەندە جاڭبىر جاۋمايتىنداي ەتىپ+، اسپاندى جاۋىپ تاستايتىن بيلىك بار+. سونداي-اق ولاردا سۋدى قانعا اينالدىراتىن+ جانە قالاعان كەزدەرىندە جەردى سان الۋان پالەگە ۇشىراتاتىن دا بيلىك بار.
7 ولار كۋالىك ەتىپ بولعاندا، تۇڭعيىقتان شىققان جىرتقىش اڭ ولارمەن سوعىسىپ، جەڭىپ شىعىپ، ٶلتىرىپ تاستايدى+.
8 ولاردىڭ ٴمايىتى بەينەلى ماعىنادا سودوم جانە مىسىر دەپ اتالاتىن ۇلى قالانىڭ باستى كوشەسىندە جاتادى. ەكەۋىنىڭ يەلەرى دە سول قالادا باعاناعا ىلىنگەن بولاتىن.
9 بارلىق حالىقتان، رۋدان، تىلدەن جانە ۇلتتان شىققان ادامدار ٷش جارىم كۇن بويى+ ولاردىڭ مايىتىنە قارايدى جانە ولاردى قابىرگە قويۋعا رۇقسات ەتپەيدى.
10 جەر بەتىنىڭ تۇرعىندارى ولاردىڭ ولگەنىن قۋانا تويلاپ، ٴبىر-بىرىنە سي-تارتۋ جىبەرەدى. سەبەبى وسى ەكى پايعامبار جەر بەتىنىڭ تۇرعىندارىن ازاپتاعان ەدى.
11 ٴبىراق ٷش جارىم كۇننەن كەيىن بويلارىنا قۇدايدىڭ ٶمىر رۋحى ەنىپ+، ولار تۇرەگەلدى. ەكەۋىن كورگەندەردى قاتتى قورقىنىش بيلەدى.
12 سوندا ەكەۋى كوكتەن: «مۇندا كوتەرىلىڭدەر!»— دەگەن زور داۋىستى ەستىدى. ولار بۇلت ىشىندە كوككە كوتەرىلدى، ال جاۋلارى قاراپ تۇردى.
13 ٴدال سول كەزدە قاتتى جەر سىلكىنىسى بولىپ، قالانىڭ وننان ٴبىر بولىگى قيراپ قالدى. جەر سىلكىنىسىنەن 7000 ادام ٶلدى، ال قالعاندارى ۇرەيلەرى ۇشىپ، كوكتىڭ قۇدايىن داڭقتادى.
14 ەكىنشى قاسىرەت ٶتتى+، ٴبىراق ٷشىنشىسى جىلدام ٴتونىپ كەلە جاتتى.
15 جەتىنشى پەرىشتە كەرنەيلەتكەندە+، كوكتە: «دۇنيەنىڭ ۇستىنەن پاتشالىق ەتۋ بيلىگى ەندى يەمىزگە+ جانە ماسىحكە*+ تيەسىلى. ول ماڭگى باقي پاتشالىق ەتەدى+!»— دەگەن قاتتى داۋىستار ەستىلدى.
16 سوندا قۇداي الدىندا ٶز تاقتارىندا وتىرعان 24 اقساقال+ باس ۇرىپ، وعان تاعزىم ەتىپ،
17 بىلاي دەدى: «بۇرىن بولعان، قازىر دە بار+ قۇدىرەتى شەكسىز ەحوبا قۇداي، ساعان ريزاشىلىق بىلدىرەمىز، ويتكەنى زور قۇدىرەتىڭدى قولعا الىپ، پاتشالىق ەتە باستادىڭ+.
18 ٴبىراق ۇلتتار اشۋلاندى، سەن قاھارىڭدى توكتىڭ؛ ولىلەردى سوتتاۋ ٷشىن جانە قۇلدارىڭ پايعامبارلارعا+، قاسيەتتىلەرگە، سەنىڭ ەسىمىڭنەن قورقاتىن ۇلىقتار مەن كىشىكتەرگە سيلارىن بەرۋ ٷشىن+، سونداي-اق جەردى بۇلدىرگەندەردى+ قۇرتۋ ٷشىن بەلگىلەگەن ۋاقىتىڭ كەلدى».
19 قۇدايدىڭ كوكتەگى عيباداتحاناسىنىڭ قاسيەتتى بولىگى اشىلىپ، ونىڭ كەلىسىم ساندىعى كورىندى+. سوندا نايزاعاي ويناپ، داۋىستار مەن كۇن كۇركىرى ەستىلدى، جەر سىلكىنىپ، قاتتى بۇرشاق جاۋدى.
