ايان 3:1—22
3 ساردتاعى قاۋىمنىڭ حابارشىسىنا مىنانى جاز: «قۇدايدىڭ جەتى رۋحىنا يە+ جانە جەتى جۇلدىزى بار+ بىلاي دەيدى: —مەن ىستەرىڭدى بىلەمىن. سەنىڭ ٴتىرى دەگەن اتىڭ بار، ٴبىراق ٶلىسىڭ+.
2 سەرگەك بول+ جانە قالعانداردى نىعايت، ولار دا ولۋگە شاق قالدى. ويتكەنى قۇدايىمنىڭ الدىنداعى ىستەرىڭنىڭ اياقتالماعانىن كوردىم.
3 سوندىقتان نە الىپ، نە ەستىگەنىڭدى ەسىڭنەن شىعارما، سولاردى ۇستانا بەر جانە وكىن+. ەگەر ويانباساڭ، ۇرى سياقتى كەلەمىن+، ال قاي ساعاتتا كەلەتىنىمدى سەن بىلمەيسىڭ+.
4 دەسە دە ساردتا كيىمىن بىلعاماعان+ بىرنەشە ادام* بار. ولار اق كيىم كيىپ+، مەنىمەن بىرگە جۇرەتىن بولادى، ويتكەنى سوعان لايىق.
5 جەڭىمپازعا+ اق كيىم كيگىزىلەدى+. مەن ونىڭ ەسىمىن ٶمىر كىتابىنان ەشقاشان وشىرمەيمىن+، قايتا، اكەمنىڭ جانە ونىڭ پەرىشتەلەرىنىڭ الدىندا سول ەسىمدى مويىندايمىن+.
6 قۇلاعى بار اركىم كيەلى رۋحتىڭ قاۋىمدارعا ايتقاندارىن تىڭداسىن».
7 ٴفيلادەلفيدەگى قاۋىمنىڭ حابارشىسىنا مىنانى جاز: «قولىندا ٴداۋىتتىڭ كىلتى بار+ ٵرى ول اشقاندى ەشكىم جابا المايتىن، ال جاپقاندى اشا المايتىن قاسيەتتى+ دە شىنايى+ بىلاي دەيدى:
8 —مەن ىستەرىڭدى بىلەمىن. مىنە، الدىڭنان ەسىك اشىپ قويدىم+، ونى ەشكىم دە جابا المايدى. سەنىڭ از دا بولسا كۇشىڭ بار ەكەنىن، مەنىڭ ٴسوزىمدى ساقتاعانىڭدى جانە ەسىمىمنەن باس تارتپاعانىڭدى بىلەمىن.
9 شايتاننىڭ ٴماجىلىسحاناسىنان شىققان ٵرى ياھۋدي بولماسا دا، وزدەرىن سولاي اتاپ+، وتىرىك سويلەيتىندەردى الدىڭا اكەلىپ، اياعىڭا تاعزىم ەتكىزەمىن جانە سەنى سۇيەتىنىمە كوزدەرىن جەتكىزەمىن.
10 سەن مەنىڭ تاباندىلىعىما ەلىكتەدىڭ+، سوندىقتان جەرجۇزىنىڭ تۇرعىندارى سىنالاتىن كەزدە مەن دە سەنى ساقتاپ قالامىن+.
11 مەن تەز ارادا كەلەمىن+. ٴتاجىڭدى ەشكىم تارتىپ الماس ٷشىن، وزىڭدە باردى بەرىك ۇستان+.
12 جەڭىمپازدى قۇدايىمنىڭ عيباداتحاناسىنىڭ تىرەگى ەتەمىن، ول ارقاشان سول جەردە بولادى. وعان قۇدايىمنىڭ ەسىمىن+، سونداي-اق قۇدايىمنىڭ كوكتەن تۇسەتىن قالاسىنىڭ، ياعني جاڭا يەرۋساليمنىڭ+، اتىن جانە ٶزىمنىڭ جاڭا ەسىمىمدى جازامىن+.
13 قۇلاعى بار اركىم كيەلى رۋحتىڭ قاۋىمدارعا ايتقاندارىن تىڭداسىن».
14 لاۋديكيدەگى قاۋىمنىڭ+ حابارشىسىنا مىنانى جاز: «اۋمين+ ٵرى قۇداي جاراتىلىستارىنىڭ العاشقىسى+، ادال دا شىنايى+ كۋاگەر+ بىلاي دەيدى:
15 —مەن ىستەرىڭدى بىلەمىن. سەن نە سالقىن، نە ىستىق ەمەسسىڭ. سالقىن نە ىستىق بولساڭ عوي!
16 ىستىق تا+، سالقىن دا ەمەس+، جىلىمشى بولعانىڭ ٷشىن سەنى اۋزىمنان تۇكىرىپ تاستايمىن.
17 سەن: «مەن داۋلەتتىمىن+، بايىپ الدىم، ەشتەڭەگە مۇقتاج ەمەسپىن»،— دەيسىڭ، ٴبىراق ٶزىڭنىڭ سورلى، بەيشارا، كەدەي، سوقىر ٵرى جالاڭاش ەكەنىڭدى بىلمەيسىڭ.
18 سوندىقتان مىناداي كەڭەس بەرەمىن: بايۋ ٷشىن مەنەن وتپەن تازارتىلعان التىن جانە جالاڭاشتىعىڭ كورىنىپ، ۇياتقا قالماۋ ٷشىن كيىم+، سونداي-اق كوزىڭە جاعىپ، كورەتىن بولۋ ٷشىن كوزماي+ ساتىپ ال+.
19 كىمدى جاقسى كورسەم، سونى اشكەرەلەپ، جونگە سالامىن+. سول سەبەپتى ىنتالى بول جانە وكىن+.
20 مىنە، مەن كەلىپ، ەسىك قاعىپ تۇرمىن. داۋسىمدى ەستىپ، ەسىگىن اشقان ادامنىڭ ۇيىنە كىرەمىن. ٴسۇيتىپ، مەن ونىمەن، ول مەنىمەن بىرگە كەشكى اس ىشەدى.
21 جەڭىمپازدى+ وزىممەن بىرگە تاعىما وتىرعىزامىن+، ويتكەنى مەن دە جەڭىپ شىعىپ، اكەممەن بىرگە ونىڭ تاعىنا وتىردىم+.
22 قۇلاعى بار اركىم كيەلى رۋحتىڭ قاۋىمدارعا ايتقاندارىن تىڭداسىن».
سىلتەمەلەر
^ سوزبە-ٴسوز «ەسىم».
