ايان 1:1—20
1 بۇل — قۇدايدىڭ ٶز قۇلدارىنا جۋىردا بولاتىن جايتتاردى كورسەتۋ ٷشىن+ يسا ماسىحكە بەرگەن ايانى+. يسا بولسا ونى پەرىشتەسىن جىبەرىپ، قۇلى جوحانعا+ بەلگىلەر ارقىلى كورسەتتى.
2 ال جوحان قۇداي ٴسوزى جانە يسا ٴماسىحتىڭ كۋالىگى تۋرالى، ياعني كورگەندەرىنىڭ ٴبارى تۋرالى كۋالىك ەتتى.
3 وسى پايعامبارلىقتاعى سوزدەردى داۋىستاپ وقيتىن ادام دا، ونى تىڭدايتىن ٵرى وندا جازىلعانداردى ورىندايتىندار دا باقىتتى+، سەبەبى بەلگىلەنگەن ۋاقىت تاياپ قالدى.
4 جوحاننان ازيا* ايماعىنداعى جەتى قاۋىمعا+:
«بۇرىن بولعان، قازىر دە بار ٵرى بولاشاقتا كەلەتىن»+، سونداي-اق ونىڭ تاعىنىڭ الدىنداعى جەتى رۋح+
5 جانە «ادال كۋاگەر»+، «ولىمنەن قايتا تىرىلگەندەردىڭ العاشقىسى»+، «جەر بەتىندەگى پاتشالاردىڭ بيلەۋشىسى»+ يسا ٴماسىح سەندەرگە راقىمى مەن تىنىشتىعىن سيلاسىن!
ول ٴبىزدى سۇيەدى+، ٶز قانىمەن كۇنالارىمىزدان ارىلتتى+،
6 سونداي-اق ٴبىزدى پاتشا+ جانە ٶزىنىڭ قۇدايى ٵرى اكەسىنىڭ ٴدىني قىزمەتكەرلەرى ەتتى+. ۇلىلىق پەن قۇدىرەت ماڭگىلىك سوعان تيەسىلى! اۋمين.
7 مىنە، ول بۇلتتارمەن كەلەدى+. ونى ٴبارى، ونى تۇيرەگەندەر دە، ٶز كوزىمەن كورەدى. سوندا جەر بەتىندەگى رۋ اتاۋلى زار ەڭىرەپ، كوكىرەكتەرىن ۇرادى+. بۇل ٴسوزسىز ورىندالادى. اۋمين.
8 «مەن الفا جانە ومەگامىن*+،— دەيدى ەحوبا* قۇداي.— مەن بۇرىن بولعان، قازىر دە بار ٵرى بولاشاقتا كەلەتىن قۇدىرەتى شەكسىز قۇدايمىن+».
9 مەن، يسانىڭ ٸزباسارى رەتىندە+ وزدەرىڭ سياقتى تاباندىلىق تانىتىپ+، قيىندىقتارعا شىداپ جۇرگەن+، ال كەلەشەكتە پاتشالىققا ۇلەستەس بولاتىن باۋىرلاستارىڭ+ جوحان، قۇداي جايلى ايتىپ، يسا تۋرالى كۋالىك ەتكەنىم ٷشىن پاتموس ارالىندا بولعانىمدا،
10 كيەلى رۋحتىڭ اسەرىمەن يەمىزدىڭ كۇنىنە اپارىلدىم. سوندا تۋ سىرتىمنان بىلاي دەپ جاتقان كەرنەي ۇنىنە ۇقساس زور داۋىستى ەستىدىم:
11 «كورگەندەرىڭدى شيىرشىققا جازىپ، ەفەس+، سميرنا+، پەرگام+، تياتيرا+، سارد+، فيلادەلفي+ جانە لاۋديكيدەگى+ جەتى قاۋىمعا جىبەر».
12 كىمنىڭ سويلەپ تۇرعانىن كورۋ ٷشىن ارتىما بۇرىلىپ ەدىم، جەتى التىن شامدالدى كوردىم+.
13 ولاردىڭ اراسىندا ادام ۇلىنا ۇقساس+، ۇزىن كويلەك كيگەن، كەۋدەسىن التىن بەلبەۋمەن وراپ العان بىرەۋ تۇر ەكەن.
14 ونىڭ باسىنداعى شاشى اپپاق قارداي، كوزى جالىنداعان وتتاي+،
15 اياعى پەشتە بالقىتىلعان تازا مىستاي+، داۋسى سارقىراپ اققان سۋدىڭ گۇرىلىندەي،
16 ال وڭ قولىندا جەتى جۇلدىزى بار ەكەن+. اۋزىنان ەكى ٴجۇزى دە وتكىر ۇزىن سەمسەر+ شىعىپ تۇردى، بەتى بولسا تال تۇستە جارقىراعان كۇندەي ەدى+.
17 ونى كورگەندە، مەن ٶلى ادامداي اياعىنا قۇلاپ ٴتۇستىم.
سوندا ول وڭ قولىن ۇستىمە قويىپ، بىلاي دەدى: «قورىقپا! مەن العاشقى+ جانە سوڭعىمىن+،
18 ٵرى ٴتىرىمىن+. مەن ولگەن ەدىم+، ال ەندى ماڭگى ٶمىر ٴسۇرىپ جاتىرمىن+. مەندە ٶلىم مەن كوردىڭ* كىلتتەرى بار+.
19 سوندىقتان ٶزىڭ كورگەن، قازىر بولىپ جاتقان جانە بۇدان كەيىن بولاتىن جايتتاردى جازىپ قوي.
20 وڭ قولىمنان ٶزىڭ كورگەن جەتى جۇلدىزدىڭ جانە جەتى التىن شامدالدىڭ قاسيەتتى قۇپياسى مىناداي: جەتى جۇلدىز جەتى قاۋىمنىڭ حابارشىلارىن، ال جەتى شامدال جەتى قاۋىمدى بىلدىرەدى+.
سىلتەمەلەر
^ «ازيا» دەپ ريم يمپەرياسىنىڭ پروۆينسياسى جونىندە ايتىلىپ تۇر.
^ بۇلار گرەك ٵلىپبيىنىڭ ٴبىرىنشى جانە سوڭعى ارىپتەرى. تۇسىندىرمەنى قاراڭىز.
^ بۇل — قۇدايدىڭ ەسىمى. تۇسىندىرمەنى قاراڭىز.
^ گرەكشە «گادەس». تۇسىندىرمەنى قاراڭىز.