Ĩ Angĩkorũo nĩ Nemetwo nĩ Gũtigana na Ponografĩ?
Ũrĩa ũngĩka
Taũkĩrũo wega ponografĩ nĩ kĩĩ. Ponografĩ yagithagia gĩtĩo kĩndũ Ngai ombĩte kĩrĩ gĩtheru. Gũtaũkĩrũo nĩ ponografĩ na njĩra ĩyo no gũgũteithie ‘gũthũũra ũũru o gũthũũra.’—Thaburi 97:10.
Wĩcirie ũhoro wa moimĩrĩro. Ponografĩ ĩtũmaga arĩa maroneka thĩinĩ wayo maagĩrũo gĩtĩo. Ningĩ nĩ ĩnyararithagia arĩa mamĩroragĩra. Nĩ ũndũ wa gĩtũmi kĩega, Bibilia yugaga ũũ: “Mũndũ mũbarĩrĩri onaga gũkĩgĩa ũũru, akehitha.”—Thimo 22:3.
Tua itua irũmu. Ayubu ũrĩa warĩ mwĩhokeku oigire, “Nĩndĩhĩtĩĩte mwĩhĩtwa atĩ, ndikerorera mũirĩtu ndĩmwĩrirĩirie” (Ayubu 31:1, Today’s English Version) Ĩno nĩ ĩmwe ya ‘mĩhĩtwa’ ĩrĩa ũngĩĩhĩta:
Ndikahũthĩra Intaneti ndĩ wiki.
Ndĩhingaga o rĩo rĩrĩa mbica na igaathĩrĩrio iria ironania maũndũ ma ũũra-thoni cioimĩra
Rĩrĩa ndaingĩra thĩna-inĩ ũcio, ndĩaragia na mũrata mũgimaru ũngĩhota kũndeithia.
Ponografĩ nĩ ĩnyitaga meciria—o ũrĩa ũramĩĩrorera maita maingĩ, noguo ũrĩkorũo arĩ ũndũ mũritũ gũtigana nayo
Hoya nĩ ũndũ wa ũndũ ũcio. Mwandĩki wa Thaburi aathaithire Jehova Ngai akĩmwĩra: ‘Hũgũra maitho makwa matige kwĩrorera maũndũ matarĩ kĩene.’ (Thaburi 119:37) Ngai nĩ arenda ũtoorie mũtugo ũcio, na ũngĩmũhoya no akũhe ũhoti wa gwĩka ũrĩa kwagĩrĩire!—Afilipi 4:13.
Aranĩria na mũndũ ũngĩgũteithia. Kũgĩa na mũrata ũngĩra thĩna waku nĩ ikinya rĩa bata nĩguo ũhote gũtooria mũtugo ũcio.—Thimo 17:17.
Ririkana ũndũ ũyũ: Hĩndĩ o yothe wethema ponografĩ, nĩ wahotana mbaara nene. Ĩra Jehova Ngai ũhoro wa ũhotani ũcio, na ũmũcokerie ngatho nĩ ũndũ wa gũkũhe ũhoti wa gwĩka ũguo. Rĩrĩa wethema ponografĩ, nĩ ũkenagia ngoro yake!—Thimo 27:11.
Icunjĩ Ingĩ Hihi Ũngĩenda Gũthoma
MACOKIO MA CIŨRIA CIA BIBILIA
Bibilia Yugaga Atĩa Ũhoro-inĩ Wĩgiĩ Gũtũmanĩra Ndũmĩrĩri cia Ũũra-thoni? Hihi nĩ Ũũru?
Maũndũ ma gwĩkenia megiĩ ngomanio nĩ maingĩhĩte mũno. Kũingĩha kwamo nĩ kuonania nĩ metĩkĩrĩku?
MORUTANI MA BATA MA BIBILIA
Hihi Kwĩrorera Ponografĩ nĩ Mehia Maitho-inĩ ma Ngai?
Hihi kiugo “ponografĩ” nĩ gĩkoragwo thĩinĩ wa Bibilia? Tũngĩmenya atĩa mawoni ma Ngai megiĩ ponografĩ?
MŨRANGĨRI
Ponografĩ—Nĩ Njega Kana nĩ Thumu?
Kwĩrorera ponografĩ gũkoragwo na moimĩrĩro marĩkũ harĩ mũndũ kĩũmbe na harĩ famĩlĩ?
