Nkunga 86:1-17
Kisambu ya Davidi.
86 O Yehowa, tula dikutu,* mpi pesa mono mvutu,Sambu mono ke mona mpasi mpi mono kele nsukami.+
2 Tanina luzingu* na mono, sambu mono kele ya kwikama.+
Gulusa nsadi na nge yina ke tudilaka nge ntima,Sambu nge kele Nzambi na mono.+
3 Wila mono mawa, O Yehowa,+Sambu mono ke binga nge kilumbu ya mvimba.+
4 Pesa nsadi* na nge kiese,Sambu mono ke samba nge,* O Yehowa.
5 Sambu nge, O Yehowa, nge kele mbote+ mpi ya kuyilama na kulolula;+Nge kele ti zola ya kwika- ma mingi sambu na ba- ntu yonso yina ke binga- ka nge.+
6 O Yehowa, wa kisambu na mono;Mpi tula dikebi na bisambu ya mono ke sala sambu na kulomba lusadisu.+
7 Mono ta binga nge na kilu- mbu ya mpasi na mono,+Sambu nge ta pesa mono mvutu.+
8 Ata nzambi mosi ve kele bonso nge na kati ya banzambi, O Yehowa,+Kele ve ti kisalu yina me fwanana ti bisalu na nge.+
9 Makanda yonso ya nge salakaTa kwisa mpi ta fukama na ntwala na nge, O Yehowa,+Mpi bo ta pesa nkembo na zina na nge.+
10 Sambu nge kele nene mpi nge ke salaka mambu ya kuyituka;+Nge kele Nzambi, nge mpamba.+
11 O Yehowa, longa mono banzila na nge.+
Mono ta tambula na kieleka na nge.+
Pesa mono ntima ya kukonda kukabwana* sambu mono wa zina na nge boma.+
12 Mono ke kumisa nge, O Yeho- wa Nzambi na mono, na ntima na mono ya mvimba,+Mpi mono ta pesa zina na nge nkembo kimakulu,
13 Sambu zola na nge ya kwikama sambu na mono kele mingi,Mpi nge me gulusaka luzingu* na mono na bisika ya mudindu ya Maziamu.*+
14 O Nzambi, bantu ya lulendo ke telama sambu na kunwanisa mono;+Kimvuka ya bantu ya nku ke sosa kufwa mono,*Mpi bo ke zitisa nge ve ata fioti.*+
15 Kansi nge, O Yehowa, nge kele Nzambi yina ke wilaka bantu mawa mpi ke fwilaka bo nkenda,*Nge ke waka makasi nswalu ve mpi nge kele ya kufuluka na zola ya kwikama mpi kwikama.*+
16 Tala mono mpi wila mono mawa.+
Pesa ngolo na nge na nsadi na nge,+Mpi gulusa mwana ya nsadi na nge ya nkento.
17 Songa mono kidimbu* ya bumbote na nge,Sambu bantu yina ke menga mono kumona yo mpi kuwa nsoni.
Sambu nge, O Yehowa, nge kele nsadisi na mono mpi muntu ya ke lembikaka mono.
Banoti na nsi ya lutiti
^ To “fumbama mpi wa.”
^ To “moyo.”
^ To “moyo ya nsadi.”
^ To “Mono ke tombula moyo na mono na nge.”
^ Na kisina, “Pesa mono ntima mosi.”
^ To “Sheole,” disongidila, maziamu ya bantu yonso. Tala Bantendula ya Bangogo.
^ To “moyo.”
^ To “ke sosa moyo na mono.”
^ To “me tula nge ve na ntwala na bo.”
^ To “ke sadilaka bo mambu na luzitu yonso.”
^ To “mpi kieleka.”
^ To “nzikisa.”
