Nkunga 34:1-22
Ya Davidi, ntangu yandi kusaka kilawu+ na ntwala ya Abimeleki, yina kulaka yandi, ebuna yandi kwendaka.
א [Aleph]
34 Mono ta kumisa Yehowa ntangu yonso;Nkunga ya kukumisa yandi ta vandaka na munoko na mono konso ntangu.
ב [Beth]
2 Mono* ta kudikumisa na Yehowa;+Bantu ya kudikulumusa ta wa mpi ta yangalala.
ג [Gimel]
3 Beno pesa Yehowa nkembo kumosi ti mono;+Beto kumisa zina na yandi kumosi.
ד [Daleth]
4 Mono yulaka Yehowa, mpi yandi pesaka mono mvutu.+
Yandi gulusaka mono na mambu yonso yina vandaka kupesa mono boma.+
ה [He]
5 Bantu yina talaka yandi kumaka na kiese;Baluse na bo lendaka ve kuwa nsoni.
ז [Zayin]
6 Muntu yai ya kukonda mfunu bingaka, ebuna Yehowa waka.
Yandi gulusaka yandi na bampasi na yandi yonso.+
ח [Heth]
7 Wanzio ya Yehowa ke vandaka na nziunga ya bantu yina ke waka yandi boma,+Mpi yandi ke gulusaka bo.+
ט [Teth]
8 Beno meka mpi beno mona nde Yehowa kele mbote;+Kiese na muntu yina ke tinaka na yandi.
י [Yod]
9 Beno wa Yehowa boma, beno basantu na yandi yonso,Sambu bantu yina ke waka yandi boma ke kondaka kima ve.+
כ [Kaph]
10 Ata bana-bantambu ya ngolo* me kuma na nzala,Kansi bantu yina ke sosaka Yehowa ta konda ve kima ya mbote.+
ל [Lamed]
11 Bana na mono, beno kwisa, beno wa mono;Mono ta longa beno boma ya Yehowa.+
מ [Mem]
12 Nani na kati na beno ke sepelaka na luzinguMpi ta zola kumona bilumbu mingi ya mbote?+
נ [Nun]
13 Kana mpidina, tanina ludimi na nge na mambu ya mbi,+Mpi tanina bikobo na nge sambu yo tuba ve mambu ya luvunu.+
ס [Samekh]
14 Bika mambu ya mbi mpi sala mambu ya mbote;+Sosa ngemba mpi landa yo.+
ע [Ayin]
15 Meso ya Yehowa ke talaka bantu ya lunungu,+Mpi makutu na yandi ke waka kudila na bo sambu na kulomba lusadisu.+
פ [Pe]
16 Kansi Yehowa ke buyaka bantu yina ke salaka mambu ya mbi,Sambu na kuvwansa zina na bo na ntoto.+
צ [Tsade]
17 Bo bokaka, mpi Yehowa waka;+Yandi gulusaka bo na bampasi na bo yonso.+
ק [Qoph]
18 Yehowa kele pene-pene ya bantu yina kele na mawa;+Yandi ke gulusaka bantu yina ke niokwama na mabanza.*+
ר [Resh]
19 Muntu ya lunungu ke kutanaka ti bampasi mingi,+Kansi Yehowa ke gulusaka yandi na bampasi yina yonso.+
ש [Shin]
20 Yandi ke tanina mikwa na yandi yonso;Bo me buka ve ata mukwa na yandi mosi.+
ת [Taw]
21 Mpasi ta fwa muntu ya mbi;Bo ta bedisa bantu yina ke mengaka muntu ya lunungu.
22 Yehowa ke sumbaka diaka luzingu* ya bansadi na yandi;Bo ta bedisa ve ata muntu mosi yina ke tinaka na yandi.+
Banoti na nsi ya lutiti
^ To “Moyo na mono.”
^ To “bana-bantambu yina kele ti mika mingi na nkingu.”
^ To “yina me lemba nitu.”
^ To “moyo.”
