Nkunga 46:1-11
Na ntwadisi. Ya bana ya Kora.+ Na kuwakana ti mutindu ya kuyimba ya Alamoti.* Nkunga.
46 Nzambi kele kitininu na beto mpi ngolo na beto,+Lusadisu yina beto lenda baka kukonda mpasi na bantangu ya mpasi.+
2 Yo yina beto ta wa boma ve, ata ntoto kusoba,Ata bangumba kunikana mpi kubwa na bisika ya mudindu ya nzadi-mungwa,+
3 Ata bamasa na yo kutula makelele mpi kubasisa mafulu-fulu,+Ata bangumba kunikana sambu na mavwanga na yo. (Sela)
4 Kele ti nzadi yina bamasa na yo ke pesaka kiese na mbanza ya Nzambi,+Nzo-tenta ya nene ya santu ya Muntu ya Kuluta Zulu.
5 Nzambi kele na mbanza;+ bo lenda bwisa yo ve.
Nzambi ta kwisa kusadisa yo na suka-suka.+
6 Makanda vandaka na mavwanga, bo bwisaka bimfumu;Yandi tombulaka ndinga, ebuna ntoto kumaka masa-masa.+
7 Yehowa ya makesa kele ti beto;+Nzambi ya Yakobi kele kisika na beto ya mbote ya kubumbana.* (Sela)
8 Beno kwisa mpi beno mona bisalu ya Yehowa,Mutindu yandi me sala bima ya ke yitukisa ngolo na ntoto.
9 Yandi ke sukisa bitumba na ntoto ya mvimba.+
Yandi ke buka munduki ya tolo-tolo mpi dikonga;Yandi ke yoka bapusu-pusu* ya basoda na tiya.
10 “Beno bika kunwana mpi beno zaba nde mono kele Nzambi.
Bo ta kumisa mono na kati ya makanda;+Bo ta kumisa mono na ntoto.”+
11 Yehowa ya makesa kele ti beto;+Nzambi ya Yakobi kele kisika na beto ya mbote ya kubumbana.+ (Sela)
Banoti na nsi ya lutiti
^ Tala Bantendula ya Bangogo.
^ To “kisika na beto ya kutinina ya kunanguka.”
^ To mbala ya nkaka, “bitaninu.”
