Nkunga 31:1-24
Na ntwadisi. Nkunga ya Davidi.
31 O Yehowa, mono me tina na nge.+
Bika nde bo pesa mono ve nsoni ata fioti.+
Gulusa mono sambu na lunungu na nge.+
2 Tudila mono dikutu.*
Kwisa nswalu kugulusa mono.+
Kuma kisika na mono ya ngolo ya lutaninu ya bangumba,Kisika ya ngolo sambu na kugulusa mono.+
3 Sambu nge kele ditadi na mono mpi kisika na mono ya ngolo ya lutaninu;+Sambu na zina na nge,+ nge ta nata mono mpi ta twadisa mono.+
4 Nge ta katula mono na bukondi yina bo me tudila mono na kinsweki,+Sambu nge kele nzo na mono ya ngolo.+
5 Mono ke pesa mpeve na mono na maboko na nge.+
Nge me sumbaka mono diaka, O Yehowa, Nzambi ya kieleka.*+
6 Mono ke mengaka bantu yina me kudipesaka na biteki ya kukonda mfunu, ya mpamba,Kansi mono, mono ke tudilaka Yehowa ntima.
7 Mono ta wa kiese mingi na zola na nge ya kwikama,Sambu nge me mona mpasi na mono;+Nge me zaba mpasi na mono ya ngolo.*
8 Nge me pesa mono ve na maboko ya mbeni,Kansi nge me tedimisa mono na kisika ya lutaninu.*
9 Wila mono mawa, O Yehowa, sambu mono kele na mpasi.
Mpasi me lembisa meso na mono,+ mpi nitu na mono* ya mvimba.+
10 Mawa me dia luzingu na mono+Mpi kudila na ntima me dia bamvula na mono.+
Ngolo na mono ke mana sambu na kifu na mono;Mikwa na mono me lemba.+
11 Bambeni na mono yonso ke vweza mono,+Mingi-mingi bantu yina ke zingaka pene-pene na mono.
Mpi bantu ya mono me zaba ke wa mono boma;Ntangu bo ke mona mono na meso ya bantu, bo ke tina mono.+
12 Bo me katula mono na ntima* na bo mpi bo me vila mono, bonso nde mono me fwaka;Mono kele bonso dibungu ya kupasuka.
13 Mono me wa bansangu mingi ya mbi;Boma ya ngolo me ziunga mono.+
Ntangu bo ke vukana bonso muntu mosi sambu na kunwanisa mono,Bo ke kana kufwa mono.*+
14 Kansi mono ke tudila nge ntima, O Yehowa.+
Mono ke tuba nde: “Nge kele Nzambi na mono.”+
15 Bilumbu* na mono kele na maboko na nge.
Gulusa mono na maboko ya bambeni na mono mpi ya bantu yina ke monisa mono mpasi.+
16 Sala nde luse na nge kuse- ma na zulu ya nsadi na nge.+
Gulusa mono na zola na nge ya kwikama.
17 O Yehowa, kupesa mono ve nsoni ntangu mono ke binga nge.+
Mbote bantu ya mbi kuwa nsoni;+Bo vanda pima na Maziamu.*+
18 Bika bikobo yina ke kusaka yo konda kima ya kutuba,+Bikobo yina ke tubilaka muntu ya lunungu ti lulendo, ti kudikumisa mpi kuvweza.
19 Bumbote na nge kele mingi kibeni!+
Nge me bumbaka yo sambu na bantu yina ke waka nge boma,+Mpi nge me monisaka yo na ntwala ya bantu yonso, sambu na bantu yina ke tinaka na nge.+
20 Nge ta bumba bo na kisika na nge ya kinsweki+Ntama ti mayele ya mbi ya bantu;Nge ta bumba bo na kisika na nge ya lutaninuNtama ti bantu yina ke nwanisa bo na mayele ya mbi.*+
21 Bika Yehowa kubaka lukumu,Sambu na mutindu ya kuyituka, yandi me monisila mono zola na yandi ya kwikama+ na mbanza yina bambeni me ziunga.+
22 Kansi mono, mono kumaka kisaka-saka mpi tubaka nde:
“Mono ta fwa na ntwala na nge.”+
Kansi nge waka bisambu ya mono salaka sambu na kulomba lusadisu ntangu mono didilaka nge.+
23 Beno zola Yehowa, beno yonso bantu yina kele ya kwikama na yandi!+
Yehowa ke taninaka bantu ya kwikama,+Kansi yandi ke futaka mingi kibeni konso muntu yina ke kudikumisaka.+
24 Beno vanda kikesa, mpi bika nde ntima na beno kuvanda ngolo,+Beno yonso bantu yina ke vingilaka Yehowa.+
Banoti na nsi ya lutiti
^ To “Fumbama mpi widikila mono.”
^ To “Nzambi ya kwikama.”
^ To “bampasi ya moyo na mono.”
^ To “kisika mosi ya nene.”
^ To “moyo na mono mpi divumu na mono.”
^ To “mabanza.”
^ To “moyo na mono.”
^ Na kisina, “Bantangu.”
^ To “Sheole,” disongidila, maziamu ya bantu yonso. Tala Bantendula ya Bangogo.
^ Na kisina, “Ntama ti kuswana ya baludimi.”
