A Bushe Gwe Ndzimu gu mu Moyo Uwo?
Dabilo ye Baibili
Aa, Bushe gwe Ndzimu ha te mamo koga a mu mimoyo ye Bakirisiti. a Baibili i no lakidza ndawo yago ye malebeswa ne ku gu dana iti “bushe gwe kudzimu.” (Matewu 4:17, King James Version) Bona se kwa Baibili i lakidza kuti i hurumente dumbu u no busa ku dwa kudzimu.
Bushe gwe Ndzimu gu na babusi, ba no busiwa, milayo, ne mazwimisilo e ku thama kuti ku da kwe Ndzimu ku shingikale kudzimu ne mu shango.—Matewu 6:10; Zumbunulo 5:10.
Hurumente we Ndzimu, kene Bushe, gowo busa “bathu bose ne zwitjaba zose ne njudzi dzose” dze shango. (Daniele 7:13, 14) Ndaulo ye ku busa kwago, ha i to dwa mu na ba no busiwa, ngono i no dwa ku Ndzimu ne bukukwe.—Pisalema 2:4-6; Izaya 9:7.
Jesu wa ka budza baapostolo babe ba no thembeka kuti ba nowo busa naye mu Bushe gwe kudzimu ne “gala mu zwigalo zwe bushe.”—Luka 22:28, 30.
Bushe gu na zwita zwa gu nowo chinya.—Pisalema 2:1, 2, 8, 9; 110:1, 2; 1 Bakorinta 15:25, 26.
Baibili ha i to diya kuti Bushe gwe kudzimu gu mu moyo uwo, se u ngati kene go busa ku dwa mu moyo we nthu. Ne kwa ka jalo, i no lakidza kuti “dama le bushe” kene “ndebo mbuya ye bushe” ya ka fanila ama mimoyo yedu.—Matewu 13:19; 24:14.
Ko dwiwani ha kuyi “Bushe gwe Ndzimu gu mu kuli?”
Bathu ba no tsiyetsiwa ne kuti Bushe gu ngayi be etiwa ne zila ya ka kwagwa Luka 17:21 mu dzingwe dzi Baibili. Ha ti lakidzila, King James Version ikati “bushe gwe Ndzimu gu mu kuli.” Ku hwisisa ndimana iyeyi zwibuyanana, ta ka fanila lingisisa matama a ka i poteleka.
Bushe gwe kudzimu gwaka gu si mu mimoyo ye banyanyaidzi ba Jesu ba ka sima moyo be babulayi
Jesu wa ka be e lebeleka ne Bafarasi, ithopa che batungamili be budumili ba ka be be nnyanyaidza ne kube ne gobe mu ku thama kuti a bulawe. (Matewu 12:14; Luka 17:20) A ko hwikala ku kumbula kuti Bushe, gwa ka guli chimo cha ka chili mu mimoyo yabo ya ka sima? Jesu wa ka ba dwa eti: “Mukati muzhele butjengedzi ne jinyo.”—Matewu 23:27, 28.
Dzingwe shandulilo dzo chenesa zwibuyanana matama a Jesu a mu na Luka 17:21 dziti: “Bushe gwe Ndzimu gu na imwi ipapa.” (Italics nde dzedu; Contemporary English Version) “Bushe gwe Ndzimu gu pakati kwenyu.” (New World Translation, footnote) Bushe gwe kudzimu gwa “gu na” kene guli “pakati” kwe Bafarasi, ku no dwa kuti Jesu, wa ka shalugwa ne Ndzimu ku busa se She, wa ka be ali mile pakati kwabo.—Luka 1:32, 33.
a Madumili manjinji e Bukirisiti a no diya kuti Bushe gwe Ndzimu gu mu nthu, kene mu moyo uwe. Ha ti lakidzila, ku United States, Southern Baptist Convention ya ka leba kuti ntha nngwe ye Bushe gwe Ndzimu “wu busa kwe Ndzimu mu moyo ne mu buchilo gwe nthu.” Ne zila i no fanana, mu buka iye ye Jesus of Nazareth, Pope Benedict XVI wa kati “Bushe gwe Ndzimu go dwa mu moyo u no hwa.”
Kakale u Nga Shathila ku Bona
ZWIDIYO ZWE BAIBILI ZWI NO SHETEKA
Bushe gwe Ndzimu i ni?
Mu buchilo gose gwa Jesu gwe ku rera, wa ka diya ne kwe Bushe gwe Ndzimu ku pindisa chingwe ne chingwe cha a ka be e leba ne kwacho. Mu makole manjinji, batobeli babe ba ka tembezelela kuti Bushe igogu gu zhe.
ZWIDIYO ZWE BAIBILI
Tangisa Course Yedu ye ku Zwidiya Baibili
Amuchila zwidiyo zwe ku batshana ku zwidiya Baibili ne nngwe.