”Gusti Allah bakal ngusapi air matané wong-wong kuwi. Ora bakal ana manèh kesusahan, tangisan, lan rasa lara. Malah, kematian ya ora bakal ana manèh. Kabèh sing mbiyèn nyebabké awaké dhéwé sedhih wis ora ana manèh.”​—Wahyu 21:3, 4, Terjemahan Donya Anyar.

Njenengan bakal

ngrasa puas wektu nyambut gawé lan wektu ngrasakké hasilé (Yésaya 65:21-23),

ora susah lan ora lara manèh (Yésaya 25:8; 33:24),

urip seneng saklawasé bareng keluarga lan kanca-kanca (Mazmur 37:11, 29).

Alesané ana loro:

• Gusti Allah nduwé kuwasa kanggo nepatijanjiné. Yéhuwah kuwi Mahakuwasa merga nduwé kuwasa sing ora ana entèké. (Wahyu 15:3) Mula, Dhèwèké isa nggawé keadaan ing donya iki dadi luwih apik. Alkitab ya kandha nèk ”kanggoné Gusti Allah ora ana sing mustahil.”​—Matius 19:26.

• Gusti Allah pancèn péngin bèn janjiné kuwi kelakon. Contoné, Yéhuwah péngin banget nguripké manèh wong-wong sing wis mati.​—Ayub 14:14, 15.

  Ing Alkitab ya disebutké nèk Yésus nambani wong lara merga kepénginané dhéwé. (Markus 1:40, 41) Persis kaya Yéhuwah, Yésus péngin banget mbantu sapa waé sing mbutuhké.​—Yohanes 5:19.

  Mula, awaké dhéwé isa yakin nèk Yéhuwah péngin bèn awaké dhéwé isa urip bahagia sukmbèn.​—Mazmur 72:12-14; 145:16; 2 Pétrus 3:9.