Wulang Bebasan 21:1-31
21 Atiné raja kuwi kaya banyu ing tangané Yéhuwah.+
Dhèwèké isa nggawé banyu kuwi mili ing endi waé kaya sing dikarepké.+
2 Wong isa waé mikir nèk kabèh tumindaké wis bener,+Ning Yéhuwah sing isa ngerti atiné.*+
3 Yéhuwah luwih seneng nèk wong nindakké sing bener lan adilTimbang mènèhi persembahan.+
4 Sifat sombong lan rumangsa hébat* kuwiKaya lampu sing nuntun wong jahat. Kuwi dosa.+
5 Rencanané wong rajin mesthi bakal berhasil,*+Ning wong sing kesusu tumindak mesthi bakal mlarat.+
6 Harta sing dihasilké merga ngapusiKuwi kaya kabut sing akhiré ilang lan kaya jerat sing nggawé cilaka.*+
7 Wong jahat bakal cilaka merga kejahatané dhéwé,+Merga wong kuwi ora gelem tumindak adil.
8 Tumindaké wong sing salah kuwi licik,Ning tumindaké wong sing ora salah kuwi bener.+
9 Mendhing manggon ing pojokan atapTimbang manggon sak omah karo wong wédok* sing seneng padu.+
10 Wong jahat péngin nindakké sing jahat.+
Dhèwèké ora mesakké karo wong liya.+
11 Wektu wong sing seneng ngécé dihukum, wong sing ora nduwé pengalaman dadi luwih wicaksana.*
Wektu sinau luwih akèh, wong sing wicaksana éntuk pengetahuan.*+
12 Gusti Allah sing bener ngerti sing ditindakké keluargané wong jahat.
Dhèwèké nggawé wong jahat ngalami bencana.+
13 Wong sing ora perduli karo wong mlarat sing sambatOra bakal dijawab wektu dhèwèké dhéwé sambat.+
14 Hadiah sing diwènèhké meneng-meneng nggawé wong dadi ora nesu manèh,+Lan suap sing diwènèhké meneng-meneng* nggawé wong dadi ora ngamuk manèh.
15 Wong sing bener seneng merga isa tumindak adil,+Ning wong sing tumindak jahat sengit karo tumindak sing bener.
16 Wong sing ora nggunakké pemahaman manèhAkhiré bakal ana karo wong-wong sing wis mati.+
17 Wong akhiré bakal mlarat nèk seneng-seneng terus,+Lan wong ora bakal sugih nèk seneng anggur lan minyak.
18 Wong sing jahat dadi tebusané wong sing bener,Lan pengkhianat dadi gantiné wong sing jujur.+
19 Mendhing manggon ing padhang belantaraTimbang manggon bareng karo wong wédok* sing seneng padu* lan gampang nesu.+
20 Harta lan minyak sing berharga ana ing omahé wong wicaksana,+Ning wong bodho bakal ngentèk-entèkké* sing diduwèni.+
21 Wong sing ngupaya nindakké sing bener lan nduduhké katresnan*
Bakal dadi wong sing bener, diajèni, lan terus urip.+
22 Wong sing wicaksana isa ngalahké* kuthané wong sing kuwatLan ngrubuhké bèntèngé sing diendelké.+
23 Wong sing njaga cangkem lan ilatéOra bakal kena masalah.+
24 Wong sing tumindaké sembrono lan lancang kuwi disebutWong lancang lan sombong.+
25 Wong sing kesèd bakal mati merga kepénginané dhéwé,Merga dhèwèké wegah kerja.+
26 Saben dina, dhèwèké mung mikirké kepénginané dhéwé,Ning wong sing bener seneng mènèhi.+
27 Gusti Allah sengit karo persembahané wong jahat,+Apa manèh nèk kuwi diwènèhké nganggo niat jahat.*
28 Seksi sing ngapusi bakal disingkirké,+Ning keterangan saka wong sing ngrungokké tenanan bakal berhasil.
29 Wong jahat kuwi ora nduwé isin,+Tapi wong bener kuwi tumindaké mesthi apik.+
30 Wong sing nglawan Yéhuwah ora bakal nduwé kawicaksanan, pengertian, lan pemahaman.+
31 Jaran dilatih bèn isa dienggo perang,+Ning Yéhuwah sing nggawé menang.+
Katrangan Tambahan
^ Utawa ”niaté”.
^ Lit.: ”Mripat lan ati sing sombong”.
^ Utawa ”bakal mènèhi keuntungan”.
^ Utawa mungkin ”kanggoné wong sing golèk mati”.
^ Utawa ”bojo”.
^ Deloken Daftar Istilah.
^ Utawa ”ngerti kudu tumindak piyé”.
^ Lit.: ”suap saka dhadha”.
^ Utawa ”bojo”.
^ Utawa ”seneng muni-muni”.
^ Lit.: ”ngeleg”.
^ Utawa ”katresnan sing langgeng”. Deloken Daftar Istilah.
^ Utawa ”mènèk”.
^ Utawa ”diwènèhké karo tumindak sing ngisin-isini”.