Wulang Bebasan 19:1-29
19 Luwih apik dadi wong mlarat sing tumindaké bener,+Timbang dadi wong bodho sing seneng ngapusi.+
2 Wong sing ora nduwé pengetahuan kuwi ora apik,+Lan wong sing kesusu tumindak bakal nggawé dosa.
3 Merga bodho, ana wong sing nindakké apa sing salah,Lan ing njero atiné, dhèwèké nesu karo Yéhuwah.
4 Wong sugih akèh kancané,Ning wong mlarat malah ditinggalké kancané dhéwé.+
5 Wong sing mènèhi keterangan sing ora bener mesthi bakal dihukum,+Lan wong sing terus-terusan ngapusi ora bakal bébas saka hukuman.+
6 Akèh wong sing péngin njupuk atiné para pejabat,*Lan kabèh wong péngin dadi kancané wong sing seneng mènèhi hadiah.
7 Wong mlarat disengiti karo kabèh seduluré.+
Malah dhèwèké ya diedohi kanca-kancané.+
Dhèwèké terus-terusan njaluk tulung, ning ora ana sing perduli.
8 Wong sing nduwé pertimbangan sing apik sayang karo dhèwèké dhéwé,+Lan wong sing terus nduduhké pertimbangan bakal berhasil.+
9 Wong sing mènèhi keterangan sing ora bener mesthi bakal dihukum,Lan wong sing terus-terusan ngapusi mesthi bakal dipatèni.+
10 Wong sing bodho ora pantes urip méwah,Lan pembantu ora pantes mréntah para pemimpin.+
11 Pemahaman nggawé wong ora gampang nesu.+
Lan dhèwèké bakal diajèni nèk gelem ngapura kesalahan.*+
12 Raja sing nesu kuwi kaya singa* sing nyuwara banter,+Ning raja sing apikan kuwi kaya embun ing tanduran.
13 Kanggoné bojoné, wong wédok sing seneng padu* kuwi kaya atap sing terus-terusan bocor.+
Anak sing bodho nggawé bapaké susah.+
14 Omah lan kekayaan kuwi warisan saka bapak,Ning wong wédok* sing wicaksana* kuwi saka Yéhuwah.+
15 Wong sing males senengé turu terus,Lan wong sing kesèd bakal ngelih.*+
16 Wong sing manut karo préntah bakal terus urip.+
Wong sing ora perduli karo akibat saka tumindaké mesthi bakal mati.+
17 Nèk wong apikan karo wong mlarat, kuwi nggawé Yéhuwah utang karo wong sing apikan kuwi,+Lan Dhèwèké bakal mbales* tumindaké wong mau.+
18 Dhidhiken anakmu mumpung isih ana kesempatan.+
Nèk ora, kowé sing bakal tanggung jawab nèk* dhèwèké mati.+
19 Wong sing gampang nesu bakal kena akibaté.
Nèk kowé ngupaya nglindhungi dhèwèké saka akibaté, kuwi kudu mbok tindakké ping bola-bali.+
20 Rungokna naséhat lan tampanen dhidhikan,+Bèn sukmbèn kowé isa dadi wicaksana.+
21 Wong isa nggawé akèh rencana,Ning rencanané* Yéhuwah sing bakal kelakon.+
22 Wong sing nduduhké katresnan* bakal disenengi wong liya.+
Luwih apik dadi wong mlarat timbang seneng ngapusi.
23 Wong sing wedi marang* Yéhuwah bakal terus urip.+
Wong sing kaya ngono turuné bakal pénak, lan dhèwèké ora bakal kena bahaya.+
24 Wong sing kesèd mung ndèlèhké tangané ing mangkok,Lan saking kesèdé, dhèwèké wegah nglebokké panganan ing cangkemé.+
25 Kowé kudu nggebug wong sing seneng ngécé,+ bèn wong sing ora nduwé pengalaman dadi isa mikir lan ora mèlu-mèlu tumindaké,+Lan kowé kudu ngandhani wong sing nduwé pemahaman bèn pengetahuané dadi luwih akèh.+
26 Wong sing kasar karo bapaké lan ngusir ibunéKuwi anak sing ngisin-isini lan ngrusak réputasiné* dhéwé.+
27 Anakku, nèk kowé ora gelem ngrungokké dhidhikan manèh,Kowé bakal kélangan pengetahuan sing wis mbok duwèni.
28 Seksi palsu ngrèmèhké keadilan,+Lan wong jahat ngrasa seneng wektu nindakké sing jahat, kaya wong sing ngrasa seneng wektu mangan.+
29 Wong sing seneng ngécé mesthi bakal dihukum,+Lan wong sing bodho mesthi bakal digebugi gegeré.+
Katrangan Tambahan
^ Utawa ”atiné wong sing seneng mènèhi”.
^ Utawa ”pelanggaran”.
^ Utawa ”singa enom sing rambuté dawa”.
^ Utawa ”seneng muni-muni”.
^ Utawa ”bojo”.
^ Deloken Daftar Istilah.
^ Utawa ”luwé”.
^ Utawa ”ngupahi”.
^ Utawa ”Nèk ora, kowé péngin”.
^ Utawa ”naséhaté; tujuané”.
^ Utawa ”katresnan sing langgeng”. Deloken Daftar Istilah.
^ Deloken Daftar Istilah.
^ Utawa ”jenengé”.
