Isaias 43:1-28
43 Daytoy ti kinuna ni Jehova,Ti Namarsua kenka, O Jacob, ti Nangporma kenka, O Israel:+
“Dika agbuteng, ta sinakaka.+
Inawaganka iti naganmo.
Kukuaka.
2 Inton lumasatka kadagiti danum, addaakto kenka,+Ken kadagiti karayan, saankanto a malmes.+
Inton magnaka iti apuy, saankanto a masinit,Ken saankanto a masiraman.
3 Ta siak ni Jehova a Diosmo,Daydiay Nasantuan ti Israel a Manangisalakan kenka.
Intedko ti Egipto a pangsubbot kenka,Ti Etiopia ken Seba kas kasukatmo.
4 Ta nagbalinka a napateg kaniak,+Naibilangka a nadayaw, ket inayatka.+
Mangipaayakto iti tattao kas sandim,Ken kadagiti nasion kas kasukat ti biagmo.*
5 Dika agbuteng, ta addaak kenka.+
Iyegkonto ti kaputotam* manipud iti daya,Ket ummongenkayto manipud iti laud.+
6 Ibagakto iti amianan, ‘Palubosam ida!’+
Ken iti abagatan, ‘Dika igawid ida.
Iyegmo ti annakko a lallaki manipud iti adayo, ken ti annakko a babbai manipud kadagiti ungto ti daga,+
7 Tunggal maysa a naawagan iti naganko+Ken pinarsuak agpaay iti dayagko,A pinorma ken inaramidko.’+
8 Mangyegka iti tattao a bulsek nupay adda matada,Ken tuleng nupay adda lapayagda.+
9 Aguummong koma amin a nasion iti maymaysa a lugar,Ken maurnong koma dagiti tattao.+
Siasino kadakuada ti makaibaga iti daytoy?
Wenno makaipangngeg kadatayo iti umuna a bambanag?*+
Iparangda koma dagiti testigoda a mangpaneknek nga umisoda,Wenno denggen ken ibagada koma, ‘Dayta ti pudno!’”+
10 “Dakayo dagiti saksik,”+ kuna ni Jehova,“Wen, ti adipenko a pinilik,+Tapno maammuanyo ken patiendak*Ket maawatanyo a siak met laeng Daydiay.+
Awan ti Dios nga immun-una ngem siak,Ken awan met ti sumaruno kaniak.+
11 Siak—siak ni Jehova,+ ket awan ti mangisalakan no di siak.”+
12 “Siak Daydiay nangideklara, nangisalakan, ken nangipakaammoIdi awan pay ti sabali a dios iti tengngayo.+
Gapuna, dakayo dagiti saksik,” kuna ni Jehova, “ket siak ti Dios.+
13 Kasta met, siak met laeng Daydiay;+Ken awan ti makaagaw iti aniaman a banag iti imak.+
No agtignayak, asino ti makalapped?”+
14 Daytoy ti kinuna ni Jehova, ti Manangsaka kadakayo,+ Daydiay Nasantuan ti Israel:+
“Maigapu kadakayo, mangibaonakto idiay Babilonia ket rakrakek ti amin a trangka dagiti ruangan,+Ket umkisto dagiti Caldeo a nakalugan iti barkoda gapu iti rigatda.+
15 Siak ni Jehova, Daydiay Nasantuan,+ ti Namarsua iti Israel,+ ti Ariyo.”+
16 Daytoy ti kinuna ni Jehova,Daydiay mangar-aramid iti dalan iti baybayKen dana iti nadawel a danum,+
17 Daydiay mangiruruar iti karuahe a pakigubat ken iti kabalio,+Iti armada agraman dagiti nabileg a mannakigubat:
“Agiddadanto ken saandan a bumangon.+
Mapukawdanto, a maiddep a kas iti sumsumged a pabilo.”
18 “Dikay lagipen ti nagkauna a bambanag,Ken dikay panunoten ti napalabas.
19 Adda baro a banag nga ar-aramidek;+Mangrugrugin dayta.
Saanyo kadi a mabigbig?
Mangikabilakto iti dalan iti let-ang+Ken karayan iti desierto.+
20 Idaydayawnakto ti atap nga animal iti tanap,Dagiti chakal ken abestrus,Ta mangipaayakto iti danum iti let-ang,Ken karayan iti desierto,+Tapno makainum ti ili a pinilik,+
21 Ti ili a binukelko para kaniak,Tapno maideklarada ti pannakaidaydayawko.+
22 Ngem dika immawag kaniak, O Jacob,+Ta naumaka kaniak, O Israel.+
23 Dinak inikkan iti karnero kas sibubukel a datonmo a mapuoran,Dinak met indaydayaw babaen kadagiti datonmo.
Saanka a pinilit a mangsagut kaniak,Ken saanka met a pinarigat a mangyeg iti olibano.+
24 Dinak inggatangan iti nabanglo a ruot babaen ti kuartam,Dinak met pinennek iti taba dagiti datonmo.+
Pinadagsenannak ketdi kadagiti basolmoKen binannognak kadagiti biddutmo.+
25 Siak, siak Daydiay mangpumpunas kadagiti biddutmo*+ maigapu kaniak,+Ket saankonto a lagipen dagiti basolmo.+
26 Palagipannak; agdinnarumta;Ibagam ti dasigmo ket paneknekam nga umisoka.
27 Nagbasol ti immuna nga inapom,Ken nagrebelde kaniak ti pannakangiwatmo.*+
28 Gapuna, ibabainkonto dagiti prinsipe ti nasantuan a disso,Ket iyawatkonto iti pannakadadael ti JacobKen baybay-akto a main-insulto ti Israel.+
Footnotes
^ Wenno “kararuam.”
^ Lit., “bin-im.”
^ Mabalin a tumukoy iti umuna a bambanag a mapasamak iti masanguanan.
^ Wenno “ken agtalekkayo kaniak.”
^ Wenno “iti panagrebeldem.”
^ Mabalin a tumukoy kadagiti mannursuro iti Linteg.
